ኣብ ኔዘርላንድ መስርሕ ዑቕባ ክሳብ ክንድዚ ነዊሕ ግዜ እዩ ዝወስድ

ኣብ ኔዘርላንድ ኣብ ተር ኣፐል ዑቕባ ንምርካብ ድሕሪ ምምልካትካ፣ ምስ

IND

• IND ኣቀዲምካ ኣብ ካልእ ኤውሮጳዊት ሃገር ዑቕባ ሓቲትካ ነይርካ ኢሉ ድዩ ዝሓስብ? ከምኡ ምስ ዝኸውን

  

  መስርሕ ዱብሊን
  እዩ ንዓኻ ዝምልከተካ። ብዛዕባ እዚ ምስ IND ዝርርብ ንምግባር ዘሎ ናይ ምጽባይ ግዜ 8 ሳምንታት እዩ።

  IND ንዘመልከትካዮ ዑቕባ ኣብ መስርሕ ዱብሊን እዩ ዘመስርሖ

  ብዛዕባ መስርሕ-ዱብሊን ዝያዳ ኣብዚ ገጽ ኣንብብ።

  ተወሳኺ ሓበሬታ

• IND ካብ ውሕስቲ ሃገር ስለ ዝመጻእካ፣ ወይ ድሮ ኣብ ካልእ ኤውሮጳዊት ሃገር ፍቓድ ስለ ዝረኸብካ ናይ ዑቕባ ፍቓድ ንምርካብ መሰል የብልካን ኢሉ ድዩ ዝሓስብ? ከምኡ ምስ ዝኸውን ዝቐልጠፈ መስርሕ እዩ ንዓኻ ዝምልከተካ። ብዛዕባ እዚ ምስ IND ዝርርብ ንምግባር ዘሎ ናይ ምጽባይ ግዜ እውን 8 ሳምንታት እዩ።

  IND ንዘመልከትካዮ ዑቕባ ብዝቐልጠፈ መስርሕ እዩ ዘመስርሖ

  IND ካብ ውሑስ መበቆል ሃገር ዝመጻእካ ኢኻ ኢሉ ድዩ ዝሓስብ? ስለዚ እቲ ዝቐልጠፈ መስርሕ ዑቕባ ንዓኻ ይምልከት እዩ። ውሑስ መበቆል ሃገር እንታይ ማለት ምዃኑን፣ እቲ ዝቐልጠፈ መስርሕ እንታይ ከም ዘጠቓልልን ኣብዚ ገጽ ኣንብብ።

  ተወሳኺ ሓበሬታ

• "ሓፈሻዊ መስርሕ ዑቕባ" ድዩ ንዓኻ ዝምልከተካ? እቲ ንቡር መስርሕ ዑቕባ ንሱ እዩ።  ስለዚ ምስ IND 1ይ ቃለ-መሕትትካ ንምግባር እንተወሓደ 18 ሳምንታት ክትጽበይ ኣለካ። 6 ኣዋርሕ ክወስድ እውን ይኽእል እዩ። እዚ 1ይ ቃለ-መሕትት "ናይ ምዝገባ ቃለ-መሕትት" ይበሃል።

ካብ ሶርያ ዲኻ መጺእካ፣ ከምኡ እውን ሓፈሻዊ መስርሕ ዑቕባ ድዩ ዝምልከተካ? ስለዚ መስርሕካ ምናልባት ብዝቐልጠፈ ክካየድ ይኽእል እዩ። ካብ ሶርያ እንተድኣ ኮይንካ መጺእካ፣ ኣብ ኔዘርላንድ ዑቕባ ናይ ምርካብ ዕድልካ ዝሓሸ እዩ። ምኽንያቱ ድማ መብዛሕትኡ ግዜ ውሕስቲ ካብ ዘይኮነት ሃገር ስለ ዝመጻእካ እዩ። ስለዚ IND ዑቕባ ዝሓተትካሉ ምኽንያት ብዝምልከት ሓጺር ዝርርብ ንምግባር ክዕድመካ ይኽእል እዩ። ብዛዕባ እቲ ንሶርያውያን ዝምልከት ዝሓጸረ መስርሕ ዝያዳ ኣብዚ ኣንብብ፡ 

ኣብ ሓፈሻዊ መስርሕ ዑቕባ ምስ IND 1ይ ቃለ-መሕትት ድሕሪ ምግባርካ 2ይ ቃለ-መሕትት እውን ክህልወካ እዩ። እዚ ቃለ-መሕትት ብዛዕባ ንምንታይ ከም ዝሃደምካን ኣብ ኔዘርላንድ ዑቕባ ትሓተሉ ዘለኻን ምኽንያት ዝምልከት እዩ። ነዚ 2ይ ቃለ-መሕትት ንምግባር እውን ነዊሕ ናይ ምጽባይ ግዜ ኣሎ። ኣብዚ እዋን እዚ 1ይ ቃለ-መሕትትካ ድሕሪ ምግባርካ፣ ን2ይ ቃለ-መሕትት ብማእከላይ ገምጋም 43 ሳምንታት ክትጽበይ ኣለካ።

ብዕለት 19 ታሕሳስ 2023 መንግስቲ ኔዘርላንድ፣ IND ኣብ 2024 ብዛዕባ ሕቶ ዑቕባ ንምውሳን ዝያዳ ግዜ ከም ዝህልዎ ኣፍሊጡ። ኣቀዲሙ IND ብዛዕባ ሕቶ ዑቕባ ንኽውስን 6 ኣዋርሕ እዩ ተዋሂብዎ ነይሩ። ሎሚ ዓመት ግን IND ብዛዕባ ዘመልከትካዮ ዑቕባ ንኽውስን ተወሰኽቲ 9 ኣዋርሕ ተዋሂብዎ ኣሎ። 

IND ድሮ ን3 ተኸታተልቲ ዓመታት ካብ መንግስቲ ዝያዳ ግዜ ክረክብ ጸኒሑ እዩ። እዚ ማለት ኣብ መንጎ 27 መስከረም 2022ን 1 ጥሪ 2025ን ንዝቐርቡ ኩሎም ናይ ዑቕባ ሕቶታት ዘሎ ናይ ውሳኔ ገደብ-ግዜ 15 ኣዋርሕ እዩ ማለት እዩ። ኣብ ውሽጢ እቲ ግዜ IND ምሳኻ 1ይን 2ይን ቃለ-መሕትት ዘካየደ ክኸውን ኣለዎ። ብዛዕባ ናይ ዑቕባ ሕቶኻ ድማ ውሳኔ ይወስድ።

ቀዳማይ ቃለ-መሕትትካ ንምግባር ን6 ኣዋርሕ ተጸቢኻ ዲኻ፣ ኮይኑ ግን ገና ምስ IND ቃለ-መሕትት ኣይገበርካን ዲኻ? ስለዚ ሓደ ናይ

VluchtelingenWerk Nederland (VWN)