Bixinta canshuurta

Waa inaad canshuur ka bixisaa daqligaaga. Haddii aad u shaqeyso shaqo bixiye, si toos ayaa canshuurta looga bixinayaa mushaharkaaga. Sidoo kale markaad qaadato gunnada si toos ayaa looga bixiyaa. Haddii aad tahay ganacsade, waa inaad xisaabisaa oo aad iskaaga u bixisaa.

Sannadkii mar ayaa maamulka canshuurta Nederlaan ay ku weydiinayaan inaad warbixinta daqligaaga dhijital ahaan u soo buuxiso. Tani waxaa lagu magacaabaa 'belastingaangifte'. Tani waa inaad sameysaa sannad walba inta u dhaxeyso 1 Maarso iyo 1 Abril. Maamulka canshuurta ayaa xisaabinaaya haddii aad canshuur kaafi ah bixisey sannadkii la soo dhaafay. Mar mar waa inaad wax dheeraad bixisaa ama adigaa wax laguu soo celinayaa.

Waxaa maamulka canshuurta Nederlaan kaa caawini karaan buuxinta 'belastingaangifte'. waxaad ballan ka sameyn kartaa arrintan laynka warbixinta Canshuurta:(0800) 05 43. Waxaad wici kartaa inta u dhaxeysa 08:00 iyo 20:00 Isniinta ilaa Khamiista, iyo Jimcayaasha inta u dhexeysa 08:00 iyo 17:00.

Haddii aad bixisay canshuurta daqliga oo siyaado ah, waxaad ka heli kartaa maamulka canshuuraha Nederlaan. Tani waxaa loo yaqaan 'belastingteruggave'.

Foomka 'M-form'

Haddii aad degan tahay xerada magangelyodoonka (AZC) qeyb ka mid ah sannadka, waxaad isticmaali kartaa 'M-form' si aad u hesho 'belastingteruggave' canshuurta la soo celiyo. waxaad 'M-form' waa foom aad buuxineyso sannadka hijrada ama socdaalka.

Caadi ahaan, waa inaad foomka 'M-form' aad u gudbisaa maamulka canshuuraha Nederlaan ka ka hor 1 julay ee sannadka so socda.Fadlan la soco:waxaa laga yaabaa in degmada u aragto waxaasi laguu soo celiyey daqli ahaan. Degmada ayaa markaasi tan ka jareysa gunnadaada. Marka hore ka hubi degmada inta aadan foomka buuxin.

Haddii aad shaqo bixiye u shaqeyso, waxaad si toos ah uga bixineysaa qeyb mushaharkaaga ah dowladda. Taasi waa canshuurta mushaharka. Intee canshuur aad bixineyso waxey ku xiran tahay xadka daqligaaga gaarsiisan yahay, marka uu daqligaaga sareeyo canshuurta aad bixineysana waa sii badanaayaa.

Intaan oo canshuur ah ayaad bixineysaa

1. Ma shaqeysataa inta u dhexeysa € 0,- iyo € 73.031 oo lacagta isku jira (bruto) sannadkii, markaa waa inaad mushaharkaaga 36,93 boqolkii canshuur ah aad bixisaa.

2. Ma shaqeysataa € 73.031 iyo wixii ka badan, markaa waxey noqoneysaa 49,50 boqolkii.

Ma ku shaqeysaa Nederland mushahar ahaan? Markaa waxaad xaq u leedahay ka dhimis canshuurta mushaharka. Waxaa jira ka dhimis guud iyo ka dhimis shaqada. Dhimisyadan isku jira waxaa loo yaqaan dhimista mushaharka. Waxaad dhimista ka dalban kartaa shaqo siiyahaaga, ama xagga Canshuuraha. Shaqo siiyahaaga wuxuu bixinaayaa canshuur yar markaasoo adiga mushahar badan qaadaneyso.

Dhimista shaqaalaha waxaa laga xisaabinayaa daqligaaga asaasiga ah. Dhimista shaqaalaha ugu badnaan waa € 5.052,- sannadkii. Marka uu daqligaaga yahay ka bilowdo € 37.697,- dhimista shaqada wuu sii yaraanayaa. Inta dhimista mushaharka ee adiga laguu xisaabinaayo, waxey ku xiran tahay, mushaharkaaga.

La soco:haddii aad shaqo siiye badan u shaqeyso isla markii, markaa 1 shaqo siiye ayaad ka weydiisan kartaa dhimista mushaharka. Ma dooneysaa inaad isticmaasho dhimista mushaharka? Markaa u sheeg shaqo siiyahaaga.