ኣብ ዝሓለፈ ክረምቲ፣ ካቢነ ሚኒስተራት ኔዘርላንድ፣ ኣባላት ስድራ-ቤት ናይ

ኣባላት ስድራ-ቤት ዋላ ድሮ ንዓኣቶም ዝኸውን መንበሪ ቤት እውን እንተሃለወ ጥራይ እዮም፣ ኣቐዲሞም ናብ ኔዘርላንድ ክመጽኡ ዝፍቀደሎም ነይሩ።

መንግስቲ ኣብ መቐበሊ ማእከል ስደተኛታት ንዝፍጠር ጽቕጥቕጥ ንምምካት "ስጒምቲ ድሕረ-ጉዕዞ" ሓንጺጹ። ኣብቲ እዋን እቲ ኣብ መቐበሊ ማእከል ሓተትቲ ዑቕባ ዝነበረ ኩነታት ኣዝዩ ሕማቕ ብምንባሩ፣ ሰባት ኣብ ጎደናታት ኣብ ጥቓ ማእከል መመልከቲ ኣብ ተር ኣፐል ለይቲ ምሉእ ይድቅሱ ነይሮም።

ይኹን እምበር፣ እዚ "ስጉምቲ ድሕረ-ጉዕዞ" ዘይፍቀድ ምዃኑ ክኢላታት ሕጊ ኣቐዲሞም ኣጠንቂቖም ነይሮም እዮም። ብሕጊ፣ ድሮ ምጥርናፍ ስድራ-ቤቶም እንተድኣ ተፈቒዱ፣ ኣባላት ስድራ-ቤት ክጽበዩ ክትገብር ኣይትኽእልን ኢኻ። ብመሰረት ሕጊ ኤውሮጳ እውን ኣይፍቀድን እዩ።

ስለዚ ድማ እዮም ብርክት ዝበሉ ወነንቲ መንበሪ ፍቓድ ኣብ መወዳእታ ዝሓለፈ ዓመት ናብ ቤት-ፍርዲ ዝኸዱ። ድሮ ምጥርናፍ ስድራ-ቤት ተፈቐዱ እናሃለወ፣ ኣባላት ስድራ-ቤቶም ንነዊሕ ግዜ ክጽበዩ ኣይደለዩን። ቅኑዓት ምንባሮም ድማ ብሓያሎ ዳያኑ ተረጋጊጹ። ብድሕሪ እዚ ኣባላት ስድርኦም ናብ ኔዘርላንድ ክመጹ ተፈቒዱሎም።

ምክትል-ሚኒስተር ኤሪክ ቫን ደር ቡርኽ [Eric van der Burg] ናይ ጉዳያት ዑቕባን ፍልሰትን ምስ ውሳኔ ናይ እቶም ዳያኑ ኣይተሰማምዐን። ይግባይ ኢሉ። ይኹን እምበር ሕጂ

ስለዚ መንግስቲ ኔዘርላንድ ድሕሪ ደጊም ወነንቲ መንበሪ ፍቓድ ናይ ዝኾኑ ሰባት ምጥርናፍ ስድራ-ቤት ክድርት ኣይክእልን እዩ። እዚ ንኹሉ ጉዳያት ዝምልከት እዩ፡ ድሮ ዝምስራሕ ናይ ዘሎ ምጥርናፍ ስድራ-ቤትን፣ ከምኡ እውን ንመጻኢ ናይ ዝቐርቡ መመልከቲታትን ንኽልቲኦም።