ናብ RefugeeHelp እንቋዕ ብደሓን መጻእካ! ኣብዚ ንኹሎም ኣብ ኔዘርላንድ ዝርከቡ ስደተኛታት ዝኸውን ሓበሬታ ክትረክብ ኢኻ። RefugeeHelp ንመርበብ-ሓበሬታ ForRefugees ዝትክእን፣ ብዛዕባ ኩነትካ ሓበሬታ እትረኽበሉን ናይ ኢንተርነት መድረኽ እዩ።

ኣብ ቱርኪን ሶርያን ኣብ ዞባ ምንቅጥቃጥ ምድሪ ዘለዉ ኣባላት ስድራ-ቤት ኣለዉኻ ድዮም? ከምኡ ምስ ዝኸውን፣ ንጥርናፍ ስድራ- ቤት ከተመልክት ትኽእል ኢኻ። ነቲ መስርሕ ንምቅልጣፍ (ዳርጋ) ዝኾነ ተኽእሎ የለን። ብዛዕባኡ ዝያዳ ኣብዚ ገጽ ከተንብብ ትኽእል ኢኻ።

ኣብ ቱርኪ ወይ ሶርያ ኣብቲ ምንቅጥቃጥ መሬት ዘጋጠመሉ ከባቢ ኣዝማድ እንተድኣ ኣለዉኻ ኮይኖምን፣ ከምኡ እውን ናብኡ ክትከይድ እንተድኣ ደሊኻን፣ እዚ ኣብ ኔዘርላንድ ዑቕባ ንምርካብ ንዘመልከትካዮ ኣሉታዊ ሳዕቤን ክህልዎ ይኽእል እዩ። ኣብ ታሕቲ እንታይ ኣብ ግምት ከተእትዎ ከም ዘለካ ኣንብብ።

ምጥርናፍ ስድራ-ቤት እንተድኣ ጸዲቑ፣ ድሕሪ ደጊም ኣባላት ስድራ-ቤት ናብ ኔዘርላንድ ንምምጻእ ክጽበዩ የብሎምን። ቤት-ምኽሪ መንግስቲ ረቡዕ ነዚ ውሳኔ ሂቡ።

መዕቆቢ ስደተኛታት ዝያዳ ሰብኣዊ ክኸውን ኣለዎ። ቤት-ፍርዲ ከምኡ ኢሉ ወሲኑ ኣሎ። VluchtelingenWerk (VWN) ኣንጻር ማእከላይ ኣካል መቐበሊ ሓተትቲ-ዕቚባ (COA)ን መንግስቲ ኔዘርላንድን ክሲ ኣቕሪቡ። VluchtelingenWerk ከምኡ ዝገበረሉ ምኽንያት ድማ ኣስታት 18,000 ሓተትቲ ዕቚባ ኣብ ሕማቕ ኩነታት ተዓቚቦም ስለ ዘለዉ እዩ።

ታሕሳስ ኣብ ኔዘርላንድ ናይ በዓል ወርሒ እያ። በዓላት ልደትን ድሮ ሓድሽ ዓመትን ድማ ሽዑ እዩ ዝኽበር። ኣብ ኔዘርላንድ ዝበዝሑ ሰባት ነዚ በዓላት ምስ ቤተሰቦምን ፈተውቶምን እዮም ዘብዕልዎ። ብዛዕባ እዞም በዓላት ብኸመይ ከም ዝኽበሩ ብዝምልከት ድማ ኣብዚ ዓንቀጽ ከተንብብ ትኽእል ኢኻ። ብዛዕባ በዓላት እንታይ ከተስተብህል ከም እትኽእል ብዝምልከት እውን ከተንብብ ትኽእል ኢኻ።

ኣብ ዕለት 31 ታሕሳስ ኔዘርላንዳውያን ንምእታው ሓድሽ ዓመት ብዘበስር ርችት የብዕሉ። እዚ ድማ ኣብ ኔዘርላንድ ድሮ ሓድሽ ዓመት ኢልና እንጽውዖ እዩ። ካብ 31 ታሕሳስ ናብ 1 ጥሪ ኣብ ዘውግሕ ለይቲ ድማ ኣብ መላእ ኔዘርላንድ ናይ ርችት ምርኢት ይካየድ። ኣብ መብዛሕትአን ምምሕዳር ከተማታት ካብ ሰዓት 18:00 ክሳብ 02:00 ባዕልኻ ርችት ክትትኩስ እውን ትኽእል ኢኻ።