ናይ 1 ዓመት W-document እናሃለወካ ሕጂ ቤት-ፍርዲ ብዝፈቐዶ ብዘይ ገደብ ክትሰርሕ ትኽእል ኢኻ

ገና ናይ ዑቕባ መንበሪ ፍቓዱ ንምርካብ ዝጽበይ ዘሎ ሰብኣይ ድሕሪ 24 ሳምንታት ስርሑ ክቕጽል ደልዩ። ኣስራሒኡ እውን ነዚ እዩ ዝደልይ ነይሩ። እንተኾነ ግን

Uitvoeringsinstituut Werknemersverzekeringen (UWV)

ናይ ስራሕ ፍቓድ (TWV)

እቲ ሰብኣይ ዳግማይ ክሰርሕ ምእንቲ ክኽእል ካብ UWV ሓድሽ TWV ንኽረክብ ን28 ሳምንታት ክጽበይ ነይርዎ። እቲ ሰብኣይን ኣስራሒኡን ድማ ብዛዕባ እዚ ኣይተሰማምዑን፣ ከምኡ እውን ናብ ቤት-ፍርዲ ኣርንሄም ከይዶም። ካብ ውድብ

Refugee Connect

ዳኛ ምስቲ ሰብኣይን ኣስራሒኡን ብምስምማዕ ውሳኔ ሂቡ። ብመሰረት እቲ ዳኛ፣ እቲ ሰብኣይ ክሰርሕ ምእንቲ ክኽእል UWV ሓድሽ ፍቓድ ስራሕ -TWV- ከህብ ኣለዎ። እቲ ሰብኣይ መጀመርታ 28 ሳምንታት ክጽበይ ድማ ኣየድልዮን እዩ።

እቲ ዳኛ፣ እቲ ናይ 24 ሳምንታት ጠለብ ብመሰረት ሕጊ ኤውሮጳ ዘይፍቀድ ምዃኑ ይዛረብ። እቲ ጠለብ፣ ናይ ዑቕባ መንበሪ ፍቓድ ንምርካብ ዝጽበዩ ሰባት ንኽሰርሑ ኣዝዩ ኣጸጋሚ ዝገብር እዩ። ኣብ እዋን መስርሕ ዑቕባ ምስራሕ ኣብ ኔዘርላንድ ንምውህሃድ ጽቡቕ ምዃኑ እውን እቲ ዳኛ ይገልጽ።

እቲ ቤት-ፍርዲ፣ መንበሪ ፍቓድ ንምርካብ እናተጸበኻ እንከለኻ ንልዕሊ 24 ሳምንታት ክትሰርሕ ከም እትኽእል ኮይኑ ረኺብዎ፣ እንተኾነ ግን UWV ይግባይ ይብል ኣሎ። UWV ብዕለት 16 ግንቦት 2023 ከምኡ ኢሉ ኣሎ። እዚ ማለት ድማ ብመሰረት ቤት-ፍርዲ፣ ሕጂ እውን ገና ልዕሊ 24 ሰዓታት ንኽትሰርሕ ይፍቀደልካ እዩ፣ እንተኾነ ግን UWV ምስዚ ኣይሰማማዕን እዩ፣ ከምኡ እውን ነዚ እንደገና ንኽቕይሮ ክፍትን እዩ።

መንበሪ ፍቓድካ ንምርካብ ትጽበይ ዲኻ ዘለኻ፣ ከምኡ እውን ኣብ ዓመት ልዕሊ 24 ሳምንታት ክትሰርሕ ትደልይ ዲኻ? ብመሰረት ዳኛ ከምኡ እውን Refugee Connect ገና መንበሪ ፍቓድ ዘይብሎም ኩሎም ሰባት ሕጂ ብዘይ ገደብ ክሰርሑ ይፍቀደሎም እዩ። ይኹን እምበር UWV ንኣስራሒኻ እዚ ገና ዘይፍቀድ ምዃኑ ክነግሮ ይኽእል እዩ። ስለዚ ኣስራሒኻ ንኽሕግዘካ ሕተቶ። ማለት ኣስራሒኻ ሕጂ እውን ገና ንዓኻ ዝኸውን ፍቓድ (TWV) ክህልዎን፣ ነዚ ንዓኻ ከመልክተልካን ኣለዎ።። ብተወሳኺ ኣስራሒኻ ምስ Refugee Connect ርክብ ንኽገብር እውን ክትሓቶ ትኽእል ኢኻ።