Sidee ayay u shaqeeyaan doorashooyinka degmooyinku?
La wadaag baraha bulshada:
Doorashooyinka golaha deegaanka ayaa la qaban doonaa Arbacada, Maarso 18, 2026. Haddii aad xaq u leedahay inaad codayso, waxaad aadi doontaa xarun codbixin oo ku taal degmadaada maalintaas. Degmo kasta waxay leedahay dhowr goobood oo codbixin ah. Kuwaas badanaa waa maktabado, xarumo bulsho, ama goobo kale oo dadweyne. Waxaad heli doontaa liiska dhammaan goobaha codbixinta boostada. Maqaalkani wuxuu sharxayaa sida codbixintu u shaqeyso.
Si aad xaq ugu yeelato inaad ka codeyso Nederland, waa inaad jirtaa 18 sano ama ka weyn tahay
Muwaadiniinta Nederlaan iyo kuwa Yurub ee degan degmada ayaa xaq u leh inay codeeyaan doorashooyinka degmooyinka. Haddii aadan ka soo jeedin Yurub, laakiin tusaale ahaan, waxaad tahay qaxooti? Waxaad sidoo kale xaq u leedahay inaad codayso haddii aad ku qornayd degmada aad sharci leedahay aad ku noolayd Nederlaan 5 sano ama ka badan oo aan kala go' lahayn. Tani ma khusayso dadka reer Yukrayn ee haysta ilaalinta Nederland
Waad wakiilan kartaa qof inuu kuu codeeyo
Adiga shaqsi ahaan ma codeyn kartid? Markaa qof ayaa taasi kuu sameyn kara oo asagana degan degmadaada. Taasi waxaa loo yaqaan wakiilasho
Ku buuxi kaarka codbixinta gadaashiisa
Ku qor magaca iyo cinwaankaeeqofka aad wakiilaneyso.
Adiga iyo qofka aad wakiilatay waa inaad labadiinaba saxiixdaan.
Wakiilka aad wakiilatay ayaa kaarkaaga codbixinta ee la buuxiyay oo la saxiixay iyo nuqul ka mid ah baasaboorkaaga ama kaarkaaga aqoonsiga geyn doona xarunta codbixinta.
Waxaad kaarkaaga codbixinta geyneysaa goobta codbixinta oo aad tusineysaa baasaboorkaaga ama aqoonsigaaga ansax ah
Inta badan
Goobta codbixinta, waxaad ku arki doontaa miis ay badanaa hor fadhiyaan 3 qof. Marka ay tahay waqtigiina, waxaad ku soo bandhigi doontaa kaadhka codbixinta ee aad ku heshay boostada iyo aqoonsigaaga. Kani wuxuu noqon karaa baasaboor, kaarka aqoonsiga, shatiga darawalnimada, ama ogolaanshaha degenaanshaha. Shaqaalaha goobta codbixinta ayaa ku siin doona warqad codbixin. Tan gee qolka codbixinta. Markaad furto warqadda codbixinta, waxaad arki doontaa liiska dhammaan xisbiyada iyo shakhsiyaadka aad u codeyn karto degmadaada.
Qalinka cas isticmaal si aad u buuxiso sanduuqa ku xiga magaca qofka aad rabto inaad u codayso. Waxaad buuxin kartaa 1 sanduuq oo keliya. Haddii aad buuxiso wax ka badan hal, codkaagu ma noqon doonaa mid ansax ah.
Markaad codayso, warqadda codbixinta dib u laab oo ku rid sanduuqa codbixinta
Warbaahinta ayaa aad u fiiro gaar ah u leh doorashooyinka degmooyinka
Warbaahinta ayaa maalintii oo dhan si joogto ah ugu warbixisa doorashada. Tusaale ahaan waxaa jira warar ku saabsan tirada dadka codka bixiyay. Iyo fiidiyowyo ka yimid hoggaamiyeyaasha xisbiyada oo iyagu codbixinta tagaya. Markey saacadda tahay 21: 00 saac xarumaha codbixintu way xirmaan. Kadib, shaqaalaha xarumaha codbixinta ayaa bilaaba tirinta codadka. Marka codadka dhammaan xarumaha codbixinta ee degmada la tiriyo, waa la isku daraa oo natiijada ayaa la shaaciyaa
Dhowr warbaahin ayaa habeenkii oo dhan baahinaya barnaamijyo tiifiiga oo ku saabsan doorashada. Waxay ka warbixin doonaan natiijada ka soo baxda codbixinta, waxay ka hadli doonaan dadka ka soo qayb galaya, waxayna wareysan doonaan khubaro. Natiijooyinka hordhaca ah ee degmo kasta ayaa la soo saari doonaa fiidkii dambe.