Markii Ramy uu Nederlaan ka dalbaday magangelyo Sebtembar 2021, waxa uu lahaa qorshe cad oo uu maskaxda ku hayo inuu dib u bilaabo noloshiisa: la shaqeeyo shahaadadii uu hore uga qaatay Suuriya. Ma uu rabin in uu meel 0 ah ka soo bilaabo. "Waxaan ahaa 30 jir, mana helin wakhti aan ku sameeyo daraasad kale," ayuu yiri. Ka hor inta uusan ka tagin Suuriya, wuxuu wacay asxaabtii hore ugu noolaa Nederland wuxuuna ka waraystay inuu ka shaqeeyo Nederland iyo dhaqanka Nederland. "Sheekooyinka aan maqlay marna waxay ahaayeen kuwo niyad-jab ah marna kuwo rajo i gelinaaya"

Mar dhow ayaa Ramy heshiis loo bandhigay oo xafiis injineerada ku yaala Oldenzaal. "Iney aniga ii suura gashay waxey muujineysaa iney waxyaalo badan noo suura gal yihiin. Adiga oo qaxooti ah sidoo kale waad ku habboon tahay sida qof kale oo Yurub ku dhashay iyo ku barbaaray. Carqalada keliya jirta waa luqada."

Ramy wuxuu arkay in degmadu ay door muhiim ah oo wanaagsan ka ciyaari karto shaqo raadinta. Haddii aad Nederland markaa timid oo aad ku nooshahay, waxaad ku tiirsan tahay degmada. Taasi waa sababta in xiriir wanaagsan lala yeesho tababarahaaga shaqada ay aad muhiim u tahay. Markii uu u soo guuray Borne, wuxuu shaqo tabaruc ah ka helay naadiga kubbadda cagta isagoo u marayey tabaruce uu ku yiqiin AZC. - Arrintaas dawladda hoose ayaan u sheegay, way ku faraxsanaayeen in aan firfircoonahay oo aniga iskayga taas ku dhaqaaqay way igu farxeen, ayuu yiri

Ramy wuxuu kaloo sii waday inuu raadiyo shaqo ku habboon. Waxa uu isha ku hayay website-ka Indeed.nl oo waxa uu sii waday codsiga shaqo. "Waxaa jiray shaqooyin badan oo ku saabsan shaqada, laakiin helitaanka shaqada injineernimada ayaa ahayd mid adag, mar ayaa la igu casuumay wareysi shaqo, shaqaaluhu wuxuu igu yiri waan soo dhaweynayaa, laakiin dhowr bilood ka dib wuxuu ii sheegay in ay i qaadaneynin, aniga oo weli lahaa awood aan ku hormaro weli, waxaan aad ugu riyaaqay daacadnimadiisa iyo talada."

Markuu Ramy arkay jago shaqo ku habboon injiyeer ahaan, wuxuu caawino ka raadsaday hagahiisa shaqada wuxuuna degmada weydiistay iney dhexdhexaadiyaan. "Waxey la xariirtay shirkada iyo si wanaagsan ayey ii soo sharaxday. markaasoo aan helay wareysi shaqo. Waxaan ku hadlay af Nederlaanka mudada wareysiga. Wey ku farxeen taasi. Waxey u arkeen shahaadadeyda mid ku habboon inaan xagooda ka shaqeeyo."

Shaqada waxey ku bilaabatay shaqo lacag la'aan oo qibrad kororsi ah. Haddana Ramy wuu ku faraxsanaa. "waxey ahayd fursad aan isku cadeyn karo. waxaan helay 3 bilood oo tijaabo ah. Laakiin wax ka yar 2 bilood ayaa heshiis la ii soo bandhigay."Shaqadii lacag la'aanta ee qibrad korosiga waxey dhowr bilood ka dib isu bedeshay shaqo lacag ah.

Shaqada iskaa wax u qabso ah oo aan mushahar lahayn waxay kuu yeelan kartaa faa'iidooyin badan marka aad cusub tahay, Ramy wuu arkay. "Waxa ugu muhiimsan waa xariirka aad yeelaneyso," ayuu yiri. "Waxaan la kulmay dad badan oo ka yimid degaankeyga, waxay i siiyeen talooyin markii aan shaqo raadiyay, sida diiwaangelinta hay'adda shaqada." Ramy wuxuu arkaa in shabakad wanaagsan ay tahay wax ay dadka cusubi inta badan tabayaan. "Halkan kuma noolaan kartid go'doon, waxaad u baahan tahay dad ku baro sida ay arrimuhu u shaqeeyaan."

Marmar Ramy wuxuu u turjumaa

Ramy wuxuu ogaaday inay jiraan farqi dhaqameed oo u dhexeeya Nederlaan iyo wixii uu ku bartay Suuriya. "Dadka Nederlaanka ah waxay mararka qaarkood ku werweraan shaqada, laakiin waxa loo arko inay halkan ku jiraan walaac aad ayay nooga duwan yihiin. Waxaan qabaa in haddii aan Suuriyaan nahay aad u adkaysanno walbahaarka sababtoo ah wax kasta oo aan la kulannay awgeed."

Homs wuxuu ka shaqayn jiray 8 saacadood maalintii kombuyuutarkiisa mana la sheekaysan karin shaqaalaha kale. "Haddii lagugu qabto, isla markiiba waxaad heshay iimayl digniin ah." Halkan, ayuu yiri, jawigu aad ayuu u saaxiibtinimo badan yahay: "Madaxa waa mid la heli karo oo bini'aadan ah. Dadka Nederlaanka ah waxay yeelan karaan sheeko fiican inta lagu jiro nasashada koox ahaan. Taasi waxay ku siinaysaa dareen wanaagsan markaad shaqada ku noqoto. qofna ha u shaqayn, laakiin waad wada shaqeysaan. Taasi waa wax aad u fiican."

Sheekadan waxaa qortay Judy Karojoli oo ka tirsan RFG Magazine iyadoo la kaashanaysa RefugeeHelp.