ጀምር
ምምላስ ኣልጀርያ

ምምላስ ኣልጀርያ

ናብ መበቆል ሃገርካ ክትምለስ ትሓስብ ኣለኻ ዲኻ? ኣብዚ ብዛዕባ ኣልጀርያ ዝምልከት ገጽ፣ ኣየኖት ካሕሳታት ከምዘለዉን፣ ኣየኖት ውድባት ኣብ ምምላስካ ክሕግዙኻ ከምዝኽእሉን ከተንብብ ትኽእል ኢኻ።

ባዕልኻ ናብ መበቆል ሃገርካ ምምላስ

ባዕልኻ ናብ ሃገርካ ክትምለስ ምምራጽ ቀሊል ኣይኮነን። ሓደ ሓደ ግዜ ብሰንኪ ግብራዊ ምኽንያታት ምምላስ ኣጸጋሚ እዩ። ንኣብነት ናይ መገሻ ሰነድ እንተድኣ ዘይብልካ ኮይንካ።

ሓደ ሓደ ግዜ ንምምላስ ንኽትመርጽ ኣጸጋሚ ዝገብሩ ስምዒታዊ ምኽንያታት ኣለዉ። ንኣብነት ናይ ሕፍረት ስምዒታት፣ ፍሽለት ወይ ብዛዕባ መጻኢ ዝህሉው ዘይርጉጽነት። ከምኡ እውን ሓደ ሓደ ግዜ ኣብ ሃገርካ ከም ብሓድሽ ማሕበራዊ መርበብ ክትሃንጽን፣ ገዛን ስራሕን ክትደልይን ኣለካ።

ካብ ኔዘርላንድ ክትወጽእ ትሓስብ ኣለኻ ዲኻ? ከምኡ ምስ ዝኸውን ዝተፈላለዩ ውድባት ናብ መበቆል ሃገርካ ንኽትምለስ ክሕግዙኻ ይኽእሉ እዮም። ካብዞም ውድባት እትረኽቦ ሓገዝ ብነጻ እዩ።

ንምምላስ ዝኽፈል ካሕሳታት

መሰረታዊ ካሕሳ (REAN)

ብመሰረት ደንቢ REAN መሰረታዊ ካሕሳ ክትቕበል ኢኻ። REAN ማለት ኣሕጽሮተ-ቃል ናይ 'Return and Emigration Assistance from the Netherlands' እዩ፣ ትርጒሙ ድማ 'ናይ ምምላስን ስደትን ሓገዝ ካብ ኔዘርላንድ' ማለት እዩ። ደንቢ REAN ነዚ ዝስዕብ ይኽሕስ፡

ምርሒት
ናይ ነፋሪት ትኬት
ናይ ጉዕዞ ሰነዳት ንምርካብ ሓገዝ
€200,- ጥረ ገንዘብ ንሓደ በጽሒ ሰብ፣ ከምኡ እውን ንሓደ ምሳኻ ዝጓዓዝ ቆልዓ €40። እዚ ገንዘብ ኣብታ እትብገሰላ መዓልቲ ኣብ ስኺፖል (Schiphol) ክትቅበሎ ኢኻ።

ኣህጉራዊ ውድብ ፍልሰት (IOM) ነዚ ካሕሳ እዚ ንኽትረክብ የዋድደልካ። እቲ ኣብ ምምላስካ ዝሕግዘካ ውድብ ድማ ካብ IOM ሳሕሳ ንኽትረክብ ክሓተልካ ይኽእል እዩ።

ኣብ ኔዘርላንድ ክሕግዙኻ ዝኽእሉ ውድባት

VluchtelingenWerk Nederland (VWN)

https://www.vluchtelingenwerk.nl

VluchtelingenWerk Nederland (VWN) ኣብ እትምለሰሉ እዋን ምርሒት ክህበካ ይኽእል እዩ። VWN ኣብ መበቆል ሃገርካ ምስ ዝርከብ መሻርኽቲ ውድብ እውን ከራኽበካ ይኽእል እዩ።

VWN ምስቶም ንመንግስቲ ናይ ሃገርካ ዘይሰርሑ መሻርኽቲ ውድባት ጥራይ እዩ ዝሰርሕ። ነቲ ውድብ ብዛዕባ ኩነታት ሃገርካ ሕቶታት ክትሓትት ድማ ትኽእል ኢኻ። ንኣብነት ብዛዕባ ድሕነት፣ ስራሕ፣ ክንክን ጥዕና ወይ ስድራ-ቤትካ።

VWN ኣብ ኔዘርላንድ ንምምላስካ ዝኸውን ውጥን ኣብ ምድላው ይሕግዘካ። VWN፣ ኣብ ሃገርካ ምስ ኣተኻ እቲ መሻርኽቲ ውድብ ንዓኻ ድሉው ኮይኑ ከምዝጸንሓካ ይገብር። VWN ከምኡ እውን እቲ መሻርኽቲ ውድብ ኣብኡ ድሕሪ ምእታውካ ክሳብ 1 ዓመት ክድግፉኻ ይኽእሉ እዮም።

GoedWerk Foundation

https://goedwerkfoundation.nl/

GoedWerk Foundation ኣብ እዋን ምምላስ ንውልቃዊ ኩነትካ ምርኲስ ብምግባር ምርሒት ይህበካ። ኣብ GoedWerk Foundation ቅድሚ ሕጂ ናብ መበቆል ሃገሮም ዝተመልሱ ሰባት፣ ወሃብቲ ደገፍን ኣሰልጠንትን ይሰርሑ። GoedWerk Foundation ነቲ ምምላስ ምሳኻ ብምዃን እዩ ዘዳልዎ። GoedWerk Foundation ብዛዕባ እዞም ዝስዕቡ ምስ ሓደ ኣብ መበቆል ሃገርካ ዝርከብ መሻርኽቲ ውድብ ብሓባር ይሰርሕ፡

ሰነዳት ምርካብ
ምብጻሕ ናይ ኤምባሲ
ሕክምናዊ ሓገዝ
ምስ ኣባላት ስድራ-ቤትካ ርክብ ምግባር
ንካሕሳ ዳግመ-ውህደት ዝምልከት ውጥን ምግባር
ናይ ምምላስ በረራ

ኣህጉራዊ ውድብ ፍልሰት (IOM)

https://iom-nederland.nl/vrijwillige-terugkeer/wat-is-herintegratieondersteuning

IOM ድሕሪ ምምላስካ ጽቡቕ ምጅማር ምእንቲ ክትገብር ክሕግዘካ ይኽእል እዩ። ኣብ ሃገርካ ድሕሪ ምእታውካ ድማ ምስ IOM ብሓባር ብምዃን ነቲ ናይ REAN ካሕሳ ኣብ ጥቕሚ ከተውዕሎ ትኽእል ኢኻ። ንኣብነት ንገዛ፣ ንትምህርቲ ወይ ትካል ንምጅማር። ነዚ ብዝምልከት IOM ምስቲ ኣብ መበቆል ሃገርካ ዝርከብ ቤት-ጽሕፈት IOM ከራኽበካ እዩ።

ኣብ መበቆል ሃገር ዝርከቡ ተሓባበርቲ ውድባት

VluchtelingenWerk ኣብ ኣልጀርያ ናይ ምትሕብባር መሻርኽቲ የብሉን። ካልኦት ውድባት ግን ሓደ ሓደ ግዜ ኣብ ኣልጀርያ ኣብ ምምላስካ ክመርሓካ ዝኽእል መሻርኽቲ ኣለወን። ዝያዳ ሓበሬታ ንምርካብ ምስዘን ውድባት ርክብ ግበር፣ ወይ ድማ ኣብ VluchtelingenWerk ንዝርከብ ኣማኻሪኻ ሕተት።

እንተድኣ ብ IOM ዝወሃብ ደገፍ መሪጽካ፣ ኣብ ኣልጀርያ ዝርከቡ መሳርሕቲ ናይ ቤት-ጽሕፈት IOM ነቲ ዓይነታዊ-ገንዘብ ኣብ ጥቕሚ ንምውዓል ክሕግዙኻ እዮም። ነዚ መጠን ገንዘብ ንኣብነት ንክራይ ገዛ፣ ንትምህርቲ፣ ንስልጠና፣ ንትካል ዝኸውን ዕድጊ ወዘተ ክትጥቀመሉ ትኽእል ኢኻ።
ካልኦት ውድባት እውን መብዛሕትኡ ግዜ ምስ ሓደ ኣብ መበቆል ሃገርካ ዝርከብ ናይ ከባቢ መሻርኽቲ ብሓባር ይሰርሓ እየን። እዚ ኣየናይ ምዃኑን፣ እቲ መሻርኽቲ እንታይ ክገብረልካ ከም ዝኽእልን ድማ ክፈላለይ ይኽእል እዩ።