ናብ ኔዘርላንድ ምምጻእን ዑቕባ ንምርካብ ምምልካትን

ኣብ ወጻኢ ሃገር እንተሃሊኻ ኣብ ኔዘርላንድ ዑቕባ ክትሓትት ኣይትኽእልን ኢኻ

ኣብ ኔዘርላንድ ዘይኮነስ ኣብ ካልእ ሃገር ዲኻ ዘለኻ? ስለዚ ኣብ ኔዘርላንድ ዑቕባ ክትሓትት ኣይትኽእልን ኢኻ። ብኢንተርነት እውን ዑቕባ ክትሓትት ኣይትኽእልን ኢኻ።

ናብ ኔዘርላንድ ብነፋሪት ወይ ብጃልባ እንተድኣ መጺእካ ኣብ መዕርፎ ነፈርቲ Schiphol ዑቕባ ትሓትት

ብነፋሪት ብስኺፖል (Schiphol)፣ ብኻልእ ማዕርፎ ነፈርቲ ወይ ብወደብ ዲኻ ናብ ኔዘርላንድ ኣቲኻ? ናብ ኔዘርላንድ ንምእታው ዘኽእል ሕጋዊ ቪዛን ፓስፖርትን ድማ የብልካን ድዩ? ስለዚ ኣብኡ ኢኻ ዑቕባ እትሓትት። ብድሕሪኡ ኣብ ማዕርፎ ነፈርቲ ስኺፖል ኣብ ዝርከብ ዕጹው መዕቆቢ ኮይንካ ንዘመልከትካዮ ዑቕባ ትጽበይ።

ብቤልጅየም ወይ ብጀርመን ኣቢልካ ናብ ኔዘርላንድ ብመሬት እንተድኣ መጺእካ ኣብ ተር ኣፐል ዑቕባ ትሓትት

ኣብ ኔዘርላንድ በጺሕካ ዲኻ፣ ብመንገዲ ማዕርፎ ነፈርቲ ስኺፖል ወይ ብወደብ ድማ ኣይኮንካን ዲኻ መጺእካ? ስለዚ ዑቕባ ንኸተመልክት ኣብ ቁሸት ተር ኣፐል ናብ ዝርከብ ማእከል ምዝገባ ተጓዓዝ። ካብቲ ዘለኻዮ ቦታ ናብ ተር ኣፐል ብህዝባዊ መጓዓዝያ ክትጓዓዝ ትኽእል ኢኻ።

ኣብ ኔዘርላንድ ዑቕባ ምሕታት፡ መን ክሕግዘካ ይኽእል፣ ብኸመይ ትዳሎው፣ መርስሕ ዑቕባ' ኸ ከመይ ይመስል?

ኣብ ኔዘርላንድ ዑቕባ ትሓትት ኣለኻ። እዚ ኣገዳሲ ስጉምቲ እዩ። ኣብዘን ቪድዮታት እዚኣተን፡ ኣገባብ ዑቕባ ኣብ ኔዘርላንድ ብኸመይ ከም ዝሰርሕ፡ ዝምልከቶ ስጉምትታትን መን ከም ዝሕግዘካን ​​ደረጃ ብደረጃ ንገልጽ።

ኣገባብ ዑቕባ ኣብ ኔዘርላንድ ብኸምዚ እዩ ዝሰርሕ