ጀምር ናብ ኔዘርላንድ ምምጻእ ኣብ ወጻኢ ሃገር እንተሃሊኻ ኣብ ኔዘርላንድ ዑቕባ ክትሓትት ኣይትኽእልን ኢኻ
ኣብ ወጻኢ ሃገር እንተሃሊኻ ኣብ ኔዘርላንድ ዑቕባ ክትሓትት ኣይትኽእልን ኢኻ
ናይ መወዳእታ ዝተሓደሰሉ: 1/5/2024 2:35 ድ.ቀ.
ነዚ ዓንቀጽ ኣካፍል
ኣብ ኔዘርላንድ ዘይኮነስ ኣብ ካልእ ሃገር ዲኻ ዘለኻ? ስለዚ ኣብ ኔዘርላንድ ዑቕባ ክትሓትት ኣይትኽእልን ኢኻ። ብኢንተርነት እውን ዑቕባ ክትሓትት ኣይትኽእልን ኢኻ።
ዑቕባ ክትሓትት እትኽእል ኣብ ኔዘርላንድ ምስ እትህሉው ጥራይ እዩ
ዑቕባ ንምሕታት ብኣካል ኣብ ኔዘርላንድ ክትህሉው ኣለካ። ኣብ ቁሸት ተር ኣፐል ኣብ ዝርከብ ማእከል ምዝገባ ድማ ዑቕባ ትሓትት።
ኣብ ኣምስተርዳም ናብ ዝርከብ ማዕርፎ ነፈርቲ ስኺፖል ብነፋሪት ዲኻ ትመጽእ? ስለዚ ኣብ ተር ኣፐል ዑቕባ ኣይትሓትትን ኢኻ፣ የግዳስ ኣብ ኔዘርላንድ ኣብቲ ማዕርፎ ነፈርቲ ኢኻ ዑቕባ እትሓትት።
ብማዕርፎ ነፈርቲ ስኺፖል ምምጻእ ኣብዚ ገጽ ብዛዕባ ኣብ ኔዘርላንድ ኣብ ማዕርፎ ነፈርቲ ስኺፖል ዑቕባ ምሕታት ዝያዳ ከተንብብ ትኽእል ኢኻ።
ኔዘርላንድ ካልእ ኤውሮጳዊት ሃገር ንዘመልከትካዮ ዑቕባ ከተመስርሖ ከም ዘለዋ ክትውስን ትኽእል እያ
ኣብ ተር ኣፐል ወይ ኣብ መዓርፎ ነፈርቲ ስኺፖል ኣብ እትምዝገበሉ እዋን፣ ፖሊስ ብዛዕባ መንነትካን ኣባላት ስድራ-ቤትካን ሕቶታት ክሓቱኻ እዮም። ፖሊስ ቅድሚ ሕጂ ኣብ ካልእ ኤውሮጳዊ ሃገር ተመዝጊብካ እንተኾንካ እውን ይምርምሩ። ከምኡ ምስ ዝኸውን እዛ ሃገር ምናልባት ንዘመልከትካዮ ዑቕባ ከተመስርሖ ኣለዋ።