ኣብ ወጻኢ ሃገር እንተሃሊኻ ኣብ ኔዘርላንድ ዑቕባ ክትሓትት ኣይትኽእልን ኢኻ

ዑቕባ ንምሕታት ብኣካል ኣብ ኔዘርላንድ ክትህሉው ኣለካ። ኣብ ቁሸት ተር ኣፐል ኣብ ዝርከብ ማእከል ምዝገባ ድማ ዑቕባ ትሓትት።

ኣብ ኣምስተርዳም ናብ ዝርከብ ማዕርፎ ነፈርቲ ስኺፖል ብነፋሪት ዲኻ መጺእካ? ስለዚ ኣብ ተር ኣፐል ዑቕባ ኣይትሓትትን ኢኻ፣ የግዳስ ኣብቲ ማዕርፎ ነፈርቲ ኢኻ ኣብ ኔዘርላንድ ዑቕባ እትሓትት።

ኣብ ተር ኣፐል ወይ ኣብ መዓርፎ ነፈርቲ ስኺፖል ኣብ እትምዝገበሉ እዋን፣ ፖሊስ ብዛዕባ መንነትካን ኣባላት ስድራ-ቤትካን ሕቶታት ክሓቱኻ እዮም። ፖሊስ ቅድሚ ሕጂ ኣብ ካልእ ኤውሮጳዊ ሃገር ተመዝጊብካ እንተኾንካ እውን ይምርምሩ። ከምኡ ምስ ዝኸውን እዛ ሃገር ምናልባት ንዘመልከትካዮ ዑቕባ ከተመስርሖ ኣለዋ።