ጀምር
ኣብ መዕቆቢ ምንባር
ኣብ እዋን መስርሕ ዕቚባ ኣብዚ ኢኻ እትጸንሕ

ኣብ እዋን መስርሕ ዕቚባ ኣብዚ ኢኻ እትጸንሕ

ናይ መወዳእታ ዝተሓደሰሉ: 9/4/2024 3:46 ድ.ቀ.

ነዚ ዓንቀጽ ኣካፍል

ኣብ እዋን መስርሕ ዑቕባ ኣብ ዝተፈላለዩ ናይ ማእከላይ ኣካል መቐበሊ ሓተትቲ ዑቕባ (COA) መቐበሊ ቦታታት ክትጸንሕ ኢኻ። ሓደ ሓደ ግዜ ኣብቲ ንቡር መቐበሊ ቦታታት እኹል ቦታ የለን። በዚ ድማ ምናልባት ኣብ ሓደ ግዜያዊ መቐበሊ ንኽትጸንሕ ክትግደድ ትኽእል ኢኻ።

ኣብ እዋን ምዝገባኻ ኣብ ተር ኣፐል ኣብ ዝርከብ መቐበሊ ክትጸንሕ ኢኻ።

እዚ ማእከላይ መቐበሊ ቦታ ይበሃል። ኣብ ኔዘርላንድ 1 ማእከላይ መቐበሊ ቦታ ጥራይ እዩ ዘሎ። ኣብዚ እዋን እዚ መብዛሕትኡ ግዜ ኣብ ማእከላይ መቐበሊ ናይ ተር ኣፐል እኹል ቦታ የለን። ስለዚ ድማ ሓደ ሓደ ግዜ ኣብ እዋን ምዝገባ ኣብ Zoutkamp ናብ ዝርከብ

ግዝያዊ መቐበሊ

ትውሰድ። ምዝገባኻ ንምዝዛም ድማ ናብ ተር ኣፐል ወይ ቡደል ከም እትምለስ ክግበር እዩ።

ድሕሪ ምምልካት ዘሎ ጻንሖትካ

ኣብ ፖሊስ (

ክፍሊ ፖሊስ ወጻእተኛታት፣ መለለዪን ዘይሕጋዊ ምስግጋር ደቂ ሰባትን፣ AVIM

) ድሕሪ ምምዝጋብካ ኣብ ኔዘርላንድ ኣብ ካልእ ቦታ ናብ ዝርከብ መቐበሊ ክትውሰድ ኢኻ። እዚ ኣብ እዋን መስርሕ ዑቕባ እትጸንሓሉ ቦታ እዩ።

COA

ኣድላዪ እንተኾይኑ ናብ

Immigratie- en Naturalisatiedienst (IND)

ንምኻድ ዝኸውን መጓዓዝያ ከዋድድ እዩ። ካብን ናብን ዝተፈላለዩ መቐበሊ ቦታታት ኔዘርላንድ ክትግዕዝ ድማ ተኽእሎ ኣሎ።

ብሰንኪ ጻዕቂ ሰብ ኣብ ንቡር መቐበሊ ቦታታት እኹል ቦታ የለን። ስለዚ ሓደ ሓደ ግዜ ናብ ግዝያዊ መቐበሊ ክትውሰድ ኢኻ። ኣብቲ ግዝያዊ መቐበሊ ካብቲ ንቡር መቐበሊ ዝወሓደ መሳለጥያታት እዩ ዘሎ። ግዝያዊ መቐበሊ ቦታታት ክትቅይር ድማ ተኽእሎ ኣሎ።

ድሕሪ መስርሕ ዑቕባ ጻንሖትካ

ድሕሪ መስርሕ ዑቕባ ናብ

ማእከል ሓተትቲ ዑቕባ (AZC)

ክትኸይድ ኢኻ። ናብ AZC እትኸይድ እንተድኣ፡

መንበሪ ፍቓድ ዝተቐበልካን መንበሪ ገዛ ንምርካብ ትጽበይ ዘለኻን ምስ እትኸውን። ምምሕዳር ከተማ ገዛ ክሳብ ዝረኽበልካ ድማ ኣብቲ መቐበሊ ንኽትጸንሕ መሰል ኣለካ።
ኣብ ዝተናውሐ መስርሕ ዑቕባ (VA) እንተሃሊኻ።
IND ንዘመልከትካዮ ዑቕባ ዝነጸጎ ምስ ዝኸውን። ኣብቲ AZC ገና ን28 መዓልታት ክትጸንሕ ትኽእል ኢኻ።

ኣስተውዕል፡ ዕድሜኻ ካብ 13 ክሳብ 18 ዓመት ዝኾንካን ኣብ ኔዘርላንድ ወለዲ ወይ ኣለይቲ ዘይብልካን ዲኻ? ከምኡ ምስ ዝኸውን ናብ ፍሉይ መቐበሊ ቆልዑት ክትከይድ ኢኻ። ዕድሜኻ ትሕቲ 13 ዓመት ዝኾንካን ኣብ ኔዘርላንድ ወለዲ ወይ ኣለይቲ ዘይብልካን ዲኻ? ስለዚ ናብ ናባዪ ስድራ ትኸይድ።

Nidos

ድማ ናባዪ ስድራ ከዋድደልካ እዩ።

ብዛዕባ እቲ መዕቆቢ እንተድኣ ዘይዓገብካ እዚ ክትገብር ትኽእል

ኣብዚ ገጽ ብመዕቆቢ ናይ COA ምስ ዘይትዓግብ እንታይ ክትገብር ከም እትኽእል ከተንብብ ትኽእል ኢኻ። ንኣብነት ምስ COA ወይ ምምሕዳር ከተማ ክትዘራረብ፣ ጥርዓን ከተቕርብ ወይ ክትቃወም ትኽእል።

እዞም ውድባት ኣብቲ መዕቆቢ ይርከቡ

ኣብቲ መቐበሊ መብዛሕትኡ ግዜ

COA

፣

Trigion

፣

ማእከል ጥዕና ሓተትቲ ዑቕባ (GZA)

ከምኡ እውን

VluchtelingenWerk Nederland (VWN)

ይርከቡ እዮም። ኣብ ግዝያዊ መቐበሊ ቦታታት ሓደ ሓደ ግዜ ልክዕ ከምቲ ኣብ ንቡር መቐበሊ ቦታታት ዝርከቡ ውድባት የለዉን።

MyCoa