IND ንዘመልከትካዮ ዑቕባ ምስ ዝነጽጎ እዚ ክትገብር ትኽእል

ኣብ መስርሕ ዑቕባ ምሳኻ ድሕሪ ዝተገብረ ካልኣይ ቃለ-መሕትት፣

እቲ ደብዳቤ ናይ ምንጻግ ወይ ምጽዳቕ ምኽንያታትን፣ ከምኡ እውን ንዓኻ እንታይ ሳዕቤናት ከም ዘለዎን ዝገልጽ እዩ። ነቲ ናይ IND ደብዳቤ ምስ ጠበቓኻ ትዘራረበሉ። ድሕሪኡ ጠበቓኻ ንIND ብደብዳቤ ንኽምልሰሎም 1 መዓልቲ ኣለዎ። እዚ ናይ ጠበቓ ደብዳቤ 'ርእይቶ' ይበሃል። ኣብቲ ርእይቶ ድማ ንስኻን ጠበቓኻን ስለምንታይ ምስቲ ግዝያዊ ውሳኔ ናይ IND ከም ዘይትሰማምዑ ከትሕብሩ ትኽእሉ ኢኹም። 

IND ካብ ጠበቓኻ ዝመጽአ ደብዳቤ ድሕሪ ምቕባልን ምንባብን ናይ መወዳእታ ውሳኔ ክወስድ እዩ። IND ንዘመልከትካዮ ዑቕባ ሕጂ እውን ክነጽጎ ይኽእል እዩ። IND ኣማስያኡ ንዘመልከትካዮ ዑቕባ ከጽድቖ እውን ክኸውን ዝኽእል እዩ። እዚ ናይ መወዳእታ ውሳኔ ድማ 'ውሳኔ' ይበሃል። 

IND ንመመልከቲኻ ነጺግዎ ድዩ? ስለዚ ብሓገዝ ጠበቓኻ ናብ ቤት-ፍርዲ ይግባይ ክትብል ትኽእል ኢኻ። እዚ ንምግባር ትደልይ ምዃንካን ዘይምዃንካን ምስ ጠበቓኻ ተዘራረብ። ጠበቓኻ ንዓኻ ወኪሉ ይግባይ እንተድኣ ኣቕሪቡ፣ ውሳኔ ናይ IND ቅኑዕ ድዩ ኣይኮነን ዳኛ ክምርምር እዩ። ዳኛ፣ IND ነቲ መስርሕ ብግቡእ ኣገባብ ዝፈጸሞ ምዃኑን ዘይምዃኑን ጥራይ እዩ ዝምርምር፣ ንትሕዝቶ ጉዳይካ ግን ኣይግምግምን እዩ።

ኣንጻር ውሳነ ናይ IND ናብ ቤት-ፍርዲ ይግባይ እንተድኣ ኣቕሪብካ፣ ዳኛ ውሳኔ ክሳብ ዝህብ ኣብ ኔዘርላንድ ክትጸንሕ ትኽእል ኢኻ። 

ዳኛ IND ነቲ መስርሕ ብትኽክል ከምዘይፈጸሞ እንተ ወሲኑ፡ IND ሓድሽ ውሳነ ክወስድ ኣለዎ። እቲ ዳኛ እቲ IND ብርግጽ ነቲ መስርሕ ብትኽክል ከም ዝፈጸሞ እንተ ወሲኑ፡ ብዛዕባ እንታይ ክትገብር ከም እትደሊ ምስ ጠበቓኻ ክትመኻኸር ትኽእል ኢኻ። 3 ኣማራጺታት ኣለዉኻ፡ ናብ ዝለዓለ ቤት ፍርዲ ይግባይ ምባል፡ ናብ መበቆል ሃገርካ ምምላስ፡ ወይ ሓድሽ ናይ ዑቕባ መመልከቲ ምሕታት። ብዛዕባ ሓድሽ ወይ ‘ተደጋጋሚ’ ናይ ዑቕባ መመልከቲ ምቕራብ ዝያዳ ክትፈልጥ ትደሊ ዲኻ፡ ከምኡ እውን ኣብ ኣየኖት ኩነታት ነዚ ክትገብር ከም እትኽእል ክትፈልጥ ትደሊ ዲኻ? ድሕሪኡ ኣብዛ ዓንቀጽ እዚኣ ኣንብብ።