ብኸምዚ ኢኻ ገዛ ትረክብ

• ስድራ ዘለካ ምስ እትኸውን፣ መብዛሕትኡ ግዜ ንሓደ ስድራ-ቤት ዝኸውን ገዛ እዩ ዝምደበልካ።

• መንእሰይን ንውልቅኻን እንተድኣ ኮይንካ ድማ፣ መብዛሕትኡ ግዜ ኣብ ሓደ ገዛ ምስ ካልኦት ደለይቲ ኣባይቲ ክፍሊ ትረክብ። ንኣብነት ምስ ተምሃሮን ዝሰርሑ መንእሰያትን።

ኣስተውዕል፡ ብሓደ ምምሕዳር ከተማ ዝቐርብ መንበሪ ቤት ክትቅበል ግዴታ ኣለካ። ከምኡ እንተድኣ ዘይገይርካ ካልእ ገዛ ኣይቐርበልካን እዩ።

ኣስተውዕል፡ ኣብዚ እዋን ኣብ ኔዘርላንድ ካብ (ክራይ) ገዛውቲ ንላዕሊ ደለይቲ ገዛ ይበዝሑ። እዚ ብሰንኪ ቅልውላው ኣባይቲ እውን እዩ። በዚ ምኽንያት እዚ ድማ ገዛ ክሳብ ዝቐርበልካ ነዊሕ ግዜ ክወስድ ይኽእል እዩ።

ድሮ መንበሪ ፍቓድ ኣለካ ድዩ፣ እንተኾነ ግን ክሳብ ሕጂ ዝኾነ መንበሪ ገዛ ኣይተረኽበልካን? ከምኡ ምስ ዝኸውን ምስ ሓንቲ ኔዘርላንዳዊት ኣአንጋዲት ስድራ-ቤት ንግዚኡ ክትጸንሕ ትኽእል ኢኻ። ብዛዕባ እዚ ብመንገዲ Takecarebnb ከተመልክት ትኽእል ኢኻ።

ኣብኡ ንሰለስተ ኣዋርሕ ኣብ እትጸንሓሉ እዋን፣ ንኔዘርላንድ ብዝበለጸ ክትፈልጣ ትኽእል ኢኻ። ንኣብነት ንኔዘርላንዳውያን ብዝያዳ ትላለዮምን ምስኦም ብምዝርራብ ድማ ቋንቋ ኔዘርላንድ ትመሃርን። ኣብቲ እትጸንሓሉ እዋን፣ ናይ ገዛእ ርእስኻ ገዛ ንምርካብ ኣብ ዝርዝር ተጸበይቲ ክትጸንሕ ኢኻ።