ምውህሃድ ብዝምልከት ነዚ ክትፈልጥ ኣለካ
ናይ ዑቕባ መንበሪ ፍቓድ ኣለካ ድዩ፣ ከምኡ እውን ዕድሜኻ ካብ 18 ክሳብ 67 ዓመት ድዩ? ስለዚ መንግስቲ ኔዘርላንድ ክትመሃርን ምስ ሕብረተሰብ ኔዘርላንድ ክትላለይን ከምዘለካ ይጠልብ እዩ። እዚ ድማ ምውህሃድ ይበሃል። መዓስን ብኸመይን ምውህሃድ ከም እትጅምር ኣብዚ ኣንብብ።
ዕድሜኻ ካብ 18 ክሳብ 67 ዓመት ድዩ፣ ከምኡ እውን ናይ ዑቕባ መንበሪ ፍቓድ ኣለካ ድዩ? ከምኡ ምስ ዝኸውን መንግስቲ ኔዘርላንድ ክትወሃሃድ ከምዘለካ ይጠልብ እዩ። ምውህሃድ ማለት ቋንቋ ኔዘርላንድን ብዛዕባ ሕብረተሰብ ኔዘርላንድን ትመሃር ማለት እዩ።
ነዚ ንምግባር ስልጠናታት ክትከታተልን ናይ ምውህሃድ ፈተናታት ክትወስድን ኣለካ።
መንበሪ ፍቓድ ድሕሪ ምቕባልካ ንምውህሃድ ዝምልከት ደብዳቤ ክትቕበል ኢኻ። እዚ ደብዳቤ ካብ DUO ብፖስታ ኣብ ውሽጢ 8 ሳምንታት ክመጽኣካ እዩ።
መብዛሕትኡ ግዜ ክትወሃሃድ ከምዘለካ ዝገልጽ ደብዳቤ ትቕበል ኢኻ። ንኽትወሃሃድ ክንደይ ዝኣክል ግዜ ከምዘለካ ዝገልጽ እውን። ሓደ ሓደ ግዜ 2 ደብዳቤታት ይመጸካ፡ ክትወሃሃድ ከምዘለካ ዝገልጽ ደብዳቤን ንኽትወሃሃድ ክንደይ ዝኣክል ግዜ ከምዘለካ ዝገልጽ ደብዳቤን።
ኔዘርላንድ ክልተ ዝተፈላለዩ ስርዓታት ሲቪካዊ ምውህሃድ ኣለዋ፡ ስርዓት ምውህሃድ ካብ 2013 ጀሚሩ፣ ከምኡ እውን ስርዓት ምውህሃድ 2021። ንኽልቲኦም ስርዓታት ዝተፈላለዩ ሕግታት ኣለዎም።
ኣየኖት ሕግታት ከም ዝምልከቱኻ ንምፍላጥ፣ ኣብቲ መንበሪ ፍቓድ ክትረክብ ምዃንካ ዝገልጽ ካብ
ኣብቲ ኣብ inburgeren.nl ዝርከብ ውልቃዊ ፋይልካ እውን ኣየናይ ስርዓተ-ምውህሃድ ከም ዝምልከተካ ተጠቒሱ ይርከብ።
ብዛዕባ ሲቪካዊ ምውህሃድ ኣብ ውልቃዊ ኩነትካ ሓበሬታ ንምርካብ፣ ኣብዚ ታሕቲ ኣየናይ ስርዓተ ሲቪካዊ ምውህሃድ ከም ዝምልከተካ ምረጽ፡
እቲ ካብ DUO እትቕበሎ ደብዳቤ ኣገዳሲ እዩ። ኣብቲ ደብዳቤ ምውህሃድ ብዝምልከት ዳሕራይ ዘድልዩኻ 3 ነገራት ተጠቒሶም ኣለዉ፡
ምውህሃድ መዓስ ክትጅምር ከምዘለካ።
ንኽትወሃሃድ ክንደይ ዝኣክል ግዜ ከምዘለካ። መንግስቲ ነዚ 'ናይ ምውህሃድ ገደብ-ግዜ' ኢሉ ይጽውዖ። መብዛሕትኡ ግዜ ንኽትወሃሃድ 3 ዓመት ኣለካ።
ኣብ ኔዘርላንድ 2 ዝተፈላለዩ ስርዓታት ናይ ምውህሃድ ኣለዉ። ኣብ ኣየናይ ስርዓት ክትወሃሃድ ከምዘለካ ድማ ኣብቲ ናይ DUO ደብዳቤ ተጠቒሱ ይርከብ።
ኣብ ከምዚ ዝስዕብ ምውህሃድ ኣየድልየካን እዩ፡
ዕድሜኻ ትሕቲ 18 ዓመት ወይ መሰል ጡረታ ዘለካ ልዕሊ 67 ዓመት ምስ እትኸውን።
ኣብ ውሽጢ ዝተወሰነ ግዜ ብውሑዱ
ካብ ምውህሃድ ዝዓግተካ ኣካላዊ ወይ ኣእምሮኣዊ ስንክልና ምስ ዝህልወካ። DUO ድማ ምውህሃድ ከም ዘየድልየካ ከጽድቖ ኣለዎ።
ካብ ምውህሃድ ዝዓግቱኻ ካልኦት ውልቃዊ ምኽንያታት ምስ ዝህልዉኻ። ንኣብነት ንሓደ ኣካላዊ ወይ ኣእምሮኣዊ ስንክልና ዘለዎ ሰብ ትከናኸን ብሰንኪ ምዃንካ። DUO ድማ ምውህሃድ ከም ዘየድልየካ ከጽድቖ ኣለዎ።
ኣብ ኔዘርላንድ ንምውህሃድ ዝምልከቱ 2 ዝተፈላለዩ ሕግታት ኣለዉ። ኣብቲ ካብ DUO እትቕበሎ ደብዳቤ ንዓኻ ኣየናይ ሕጊ ማለት ኣየናይ ስርዓተ-ምህውሃድ ከም ዝምልከተካ ተጠቒሱ ይርከብ። ብዛዕባ ውልቃዊ ኩነትካ ሓበሬታ ንምርካብ ኣብዚ ታሕቲ ኣየናይ ስርዓተ-ምውህሃድ ከም ዝምልከተካ ምረጽ፡