ካብ ምምሕዳር ከተማ ብደብዳቤ ዕድመ ክትቅበል ኢኻ። ኣብቲ ደብዳቤ መዓስ 1ይ ዝርርብ ንምግባር ናብ ምምሕዳር ከተማ ክትመጽእ ከምዘለካ ተጠቒሱ ይርከብ። ናብቲ ቆጸራ ንኽትመጽእ ድማ ግዴታ ኣለካ። ኣብቲ ደብዳቤ ኣብ ዝተጠቕሰ ዕለት ክትመጽእ ኣይትኽእልን ዲኻ? ስለዚ ምስ ምምሕዳር ከተማ ርክብ ግበር።

ብዝተፈላለዩ ኣገባባት ክትወሃሃድ ትኽእል ኢኻ። ምስቲ ኣብ ምምሕዳር ከተማ ዝርከብ ናትካ ተጸዋዒ-ሰብ ብሓባር ሒደት ዝርርባት ብምግባር ኣየናይ ብዝበለጸ ከም ዝሰማማዓካ ክትምርምር ኢኻ።

እዞም ዝርርባት ዝጅምሩሉ ዕለት ንነፍስወከፍ ምምሕዳር ከተማ ዝተፈላለየ እዩ። ኣብ ገሊኦም ምምሕዳራት ከተማ ገና ኣብ

ማእከል መዕቆቢ ስደተኛታት (AZC)

ምስ ምምሕዳር ከተማ ዝርርባት ኣብ እትገብረሉ እዋን ፈተና እውን ክትገብር ኢኻ። ብመንገዲ እዚ ፈተና ድማ ምምሕዳር ከተማ ኣየናይ ኣገባብ ምውህሃድ ምሳኻ ብዝበለጸ ከም ዝሰማማዕ ይምርምር። እቲ ውጽኢት ኣብ ውሽጢ 3 ዓመታት ቋንቋ ኔዘርላንድ ኣብ ደረጃ ቋንቋ

B1

እዚ ፈተና ግዴታ እዩ። ኣብኡ ምስ ዘይትሳተፍ ካብ ምምሕዳር ከተማ መቕጻዕቲ ክትቕበል ትኽእል ኢኻ።

'መንገዲ-B1' ወይ 'መንገዲ ርእሰ-ምኽኣል' እንተድኣ ትኽተል ኮይንካ፣ 'ክፍለ-ስልጠና ዕዳጋ ዕዮን ተሳትፎን' (MAP) ክትከታተል ኣለካ። ኣብዚ ክፍለ-ስልጠና ብዛዕባ ኣብ ኔዘርላንድ ምስራሕን ኣብ ሕብረተሰብ ኔዘርላንድ ምስታፍን ዝምልከት ሓበሬታ ክትረክብ ኢኻ። ናይ ስራሕ ተመኩሮ እውን ትገብር። እቲ MAP ነዚ ዝስዕብ ዘጠቓልል እዩ፡

1. ምስ ምምሕዳር ከተማ ዝግበር ናይ መጀመርታ ዝርርብ፡ ኣብዚ ዝርርብ እንታይ ክትገብር ምዃንካ ብዝምልከት ትዘራረብ።

2. ሓበሬታ ብዛዕባ ዕዳጋ ዕዮ ናይ ኔዘርላንድ።

3. ናይ 40 ሰዓታት ናይ ስራሕ ተመኩሮ ምግባር፡ ንኣብነት ብመንገዲ ወለንታዊ ስራሕ፣ ልምምድ ስራሕ ወይ ምብጻሕ ውድባትን ትካላትን።

4. ምስ ምምሕዳር ከተማ ዝግበር ናይ መዛዘሚ ዝርርብ፡ ኣብዚ ዝርርብ እንታይ ከም ዝተማሃርካ፣ እንታይ ዓይነት ስራሕ ክትሰርሕ ከም እትደልይን፣ ካብ ምምሕዳር ከተማ ብዛዕባ እትረኽቦ ሓገዝን ብዝምልከት ትዘራረብ።