IND ውሳኔ ይወስድ

IND ነቲ ቀዋሚ መንበሪ ፍቓድ ንምርካብ ዘቕረብካዮ መመልከቲኻ ይነጽጎ፣ ከምኡ እውን ነቲ ህሉው መንበሪ ፍቓድካ የናውሖ። IND ነዚ ዝገብር ንኹሎም ቅድመ-ኩነታት ገና ዘይተማልእ ምስ እትኸውን እዩ። ንኣብነት ገና ምውህሃድ ዘይወዳእካ እንተድኣ ኮይንካ፣ ወይ ድማ ቀዋሚ መንበሪ ፍቓድ ንምርካብ ካብ ግዚኡ ኣዚኻ ኣቀዲምካ እንተድኣ ኣመልኪትካ።

IND ቀዋሚ መንበሪ ፍቓድ ከምዘይትረክብን ግዝያዊ ፍቓድካ ከምዘይናዋሕን ይውስን። መብዛሕትኡ ግዜ IND ነቲ ግዝያዊ ፍቓድካ እውን ይስሕቦ። እዚ ውሳኔ ናይ IND 'ዝተሓስበ ውሳኔ' ይበሃል።

ምስቲ ምንጻግ ኣይትሰማማዕን ዲኻ? ንምንታይ ምስ ውሳኔ ናይ IND ዘይትሰማማዕ ምዃንካ ንIND ብደብዳቤ ክትገልጸሉ ትኽእል ኢኻ። እቲ ደብዳቤ "ርእይቶ" ይበሃል። ነቲ ርእይቶ ንምጽሓፍ ጠበቓ ክትጥቀም ትኽእል ኢኻ። ንሱ ስለምንታይ ምስ ውሳኔ ናይ IND ዘይትሰማማዕ ምዃንካ ብሕጋዊ መዳይ ክድርዖ ይኽእል እዩ።

IND 'ርእይቶኻ' ድሕሪ ምቕባሉ፣ IND ንመመልከቲኻ ዳግማይ ክርእዮ ኣለዎ። እዚ ድማ ገና ኣወንታዊ ውሳኔ ከም እትረክብ ክገብር ይኽእል እዩ። እቲ ውሳኔ ኣሉታዊ ኮይኑ ጸኒዑ ድዩ? ስለዚ ናብ ቤት-ፍርዲ ይግባይ ክትብል ትኽእል ኢኻ።