ብዛዕባ ተሳትፎ ዝምልከት ስልጠና ትወስድ

ናይ መወዳእታ ዝተሓደሰሉ: 17/11/2023 9:15 ቅ.ቀ.

ንምውህሃድ ኣብቲ ብነጻ ዝካየድ 'መስርሕ መግለጺ ተሳትፎ' (PVT) እውን ትሳተፍ። እዚ ካብ 1 ጥቅምቲ 2017 ጀሚሩ ክወሃሃድ ንዘለዎ ነፍስወከፍ ሰብ ዝምልከት ግዴታዊ ክፋል እዩ።

PVT ብዛዕባ እዚ ዝምልከት እዩ

PVT እንተወሓደ ን12 ሰዓታት ዝጸንሕ ኮይኑ፣ ብዛዕባ እዞም ዝስዕቡ ዝርከብዎ የጠቓልል፡

ነቲ PVT ኣብ ተግባር ምውዓል ድማ ናይ ምምሕዳራት ከተማ ዕማም እዩ።

እቲ PVT ድሕሪ ምዝዛሙ ኣብ 'መግለጺ ተሳትፎ ' ክታምካ ከተንብር ኣለካ። በዚ መንገዲ ድማ ነቶም ኣገደስቲ ልምዲታትን ክብርታትን ናይ ሕብረተሰብ ኔዘርላንድ ከም ዝፈለጥካዮምን ከም እተኽብሮምን ቃል ትህብ።

PVT ንኽትዛዝሞ 3 ዓመት ግዜ ኣለካ። እዞም 3 ዓመታት ምቚጻር ዝጅምሩ እቲ ምምሕዳር ከተማ ነቲ

'ውጥን ምውህሃድን ተሳትፎን' (PIP)

ድሕሪ ምጽዳቚ እዩ። ነቲ መስርሕ ኣብቲ ዝተመደበሉ ገደብ-ግዜ ኣይወዳእካዮን ዲኻ? ከምኡ እውን እቲ ምምሕዳር ከተማ እዚ ብናትካ ጥፍኣት ኮይኑ ረኺብዎ ድዩ? ስለዚ ገንዘባዊ መቕጻዕቲ ክወሃበካ እዩ።

ነቲ ‘መግለጺ ተሳትፎ’ ምፍራም፣ ብዓወት ንምውህሃድ ዝምልከት ጠለብ ናይ

ኣገልግሎት ኢሚግሬሽንን ዜግነትን (IND)

እዩ።

ነቲ መግለጺ ክታምካ ኣይከተንብረሉን ዲኻ? ስለዚ እንተበዝሐ ክሳብ €340 ዝበጽሕ መቕጻዕቲ ክትወሃብ ትኽእል ኢኻ። እዚ መቕጻዕቲ ካብ 1 ግዜ ንላዕሊ ክወሃበካ ድማ ይኽእል እዩ።

ነቲ 'መግለጺ ተሳትፎ' ክታምካ እንተድኣ ዘየንበርካሉ ምናልባት ቀዋሚ መንበሪ ፍቓድ ወይ ዜግነት ናይ ኔዘርላንድ እውን ዘይትረክብ ክትከውን ትኽእል ኢኻ። እዚ እትረኽቦ ብዓወት እንተድኣ ተዋሃሂድካ ጥራይ እዩ።

ምውህሃድ እትሓልፍ፣ ትምህርትታት እንተድኣ ተኸታቲልካን ብድሕሪኡ 6 ዝተፈላለዩ ፈተናታት ምስ እትሓልፍን እዩ። ብዛዕባኡ ዝያዳ ኣብዚ ገጽ ከተንብብ ትኽእል ኢኻ።