እንታይ ዓይነት ቤት-ትምህርቲ ምስ ኩነትካ፣ ተኽእሎታትካን ዕላማታትካን ከም ዝሰማማዕ ሕሰበሉ። 

ኣብ እዋን ቀትሪ ዲኻ ትሰርሕ? ስለዚ ንኽትወሃሃድ ምሸት ምሸት ናብ ቤት-ትምህርቲ ንኽትከይድ ክትመርጽ ትኽእል ኢኻ። ኣብ ኔዘርላንድ ትምህርትኻ ክትቅጽል ዲኻ ትደልይ? ስለዚ ብደረጃ ቋንቋ

ኣብ

ምእንቲ ብዙሕ ግዜ ኣብ ጒዕዞ ከይተሕልፍ፣ ናብ ገዛኻ ወይ ስራሕካ ዝቐረበ ቤት-ትምህርቲ ምምራጽ ጠቓሚ እዩ።

ሓደ ቤት-ትምህርቲ ዝህቦ ብዝሒ ናይ ትምህርቲ ሰዓታት ክፈላለይ ይኽእል እዩ። ክንደይ ናይ ትምህርቲ ሰዓታት ከም ዘድልየካን፣ እቲ ቤት-ትምህርቲ ነዚ ከቕርብ ዝኽእል ምዃኑን ዘይምዃኑን ምርኣይ ድማ ኣገዳሲ እዩ።

ገለ ኣብያተ-ትምህርቲ ንኣብነት ስራሕ ወይ መንበሪ-ቤት ኣብ ምርካብ ተወሳኺ ደገፍ ይህባ እየን። ገና ሕጂ ናብ ኔዘርላንድ ዝመጻእካ ምስ እትኸውን ድማ እዚ ኣገዳሲ ክኸውን ይኽእል እዩ።

ወጻኢታት ናይ ምውህሃድ ትምህርቲ ኣብ ነፍስወከፍ ቤት-ትምህርቲ ክፈላለይ ይኽእል እዩ። እቲ ወጻኢታት ምስ ባጀትካ ዝሰማማዕ ምዃኑን ዘይምዃኑን ምርኣይ ኣገዳሲ እዩ።

ብቕዓት ናይ መምህራንን መምሃሪ ናውትን ብዝምልከት መጽናዕቲ ምግባር ጽቡቕ እዩ።

ገሊአን ኣብያተ-ትምህርቲ ተዓጻጻፊ ዝኾነ ናይ ትምህርቲ ሰዓታት ይህባ እየን። ክትሰርሕ ስለዘለካ ወይ ቆልዑት ስለ ዘለዉኻን ኣብ ዝተወሰኑ ግዜታት ንዕኦም ክትብል ኣብኡ ክትህሉው ስለዘለካን፣ ዝያዳ ዝጥዕመካ ናይ ትምህርቲ ሰዓታት ክትመርጽ ምስ እትኽእል ጠቓሚ እዩ።

ንምውህሃድካ ዝኸውን ገንዘብ ካብ DUO ክትልቃሕ ትደልይ ዲኻ? ስለዚ መለለዪ ብቕዓት

ንናይ ምውህሃድ ስልጠናኻን ንፈተናታትካን ዝኸውን ገንዘብ ካብ DUO ክትልቃሕ እትኽእል ነዘን ኣብያተ-ትምህርቲ ጥራይ እዩ። እዚ ንኻልኦት ኣብያተ-ትምህርቲ ዝከኣል ኣይኮነን።

ስልጠና ዝጀመርካ፣ ግን ድማ እዚ ምስ ድሌታትካ ብግቡእ ዘይሰማማዕ ክኸውን ከጋጥም ይኽእል እዩ። መብዛሕትኡ ግዜ ናብ ካልእ ምስግጋር ይከኣል እዩ። እዚ ግን ብዙሕ ግዜን ገንዘብን ዝሓትት ክኸውን ይኽእል እዩ። 

ብዛዕባ እቲ እትምዝገበሉ ቤት-ትምህርቲ ኣቐዲምካ ጽቡቕ ሓበሬታ ከምዝረኸብካ ኣረጋግጽ። ብዙሓት ኣብያተ-ትምህርቲ ምንጽጻር ድማ ዝሓሸ ምርጫ ንኽትገብርን ድሒሩ ጸገማት ከይፍጠር ንኸተወግድን ይሕግዘካ እዩ። ኣብ

ካብ መንበሪ ቦታኻ ወጻኢ ዲኻ ስልጠና ክትከታተል ትመርጽ? ኣብ ገሊአን ምምሕዳራት ከተማ ናይ መጎዓዝያ ካሕሳ ክትረክብ ትኽእል ኢኻ። ኩለን ምምሕዳራት ከተማ ነዚ ኣይህባን እየን። ነዚ ብዝምልከት ንምምሕዳር ከተማኻ ሕተት።