ምምሕዳራት ከተማ ገዛ ንኽረኽባልካ ብወግዒ 10 ሳምንታት ኣለወን። ኣብ ኔዘርላንድ ኣዝዮም ውሑዳት ኣባይቲ ስለዘለዉ ግን፣ ንዓኻ ዝኸውን ገዛ ክሳብ ዝርከብ ብማእከላይ ገምጋም ሓያሎ ኣዋርሕ እዩ ዝወስድ። ገዛ ክሳብ ዝወሃበካ ኣብ መዕቆቢ ስደተኛታት ናይ

ምምሕዳራት ከተማ ምስ ኩነታትካ ዝሰማማዕ ገዛ እየን ዝመርጻልካ። ብዛዕባ እዚ ኣታዊኻ፣ ብዝሒ ስድራ-ቤትካን ናይ ምጥርናፍ ስድራ-ቤት ዘመልከትካ ምዃንካን ዘይምዃንካን ኣብ ግምት የእትውዎ። እዚ ድማ ንነዊሕ እዋን ዝኸውን ርእሱ ዝኸኣለ ዝካረይ ገዛ፣ ንሓጺር ግዜ ዝኸውን ገዛ ወይ ድማ ምስ ብዙሓት ሰባት እትካፈሎ ሓባራዊ ገዛ ክኸውን ይኽእል።

ሓባራዊ ገዛ መብዛሕትኡ ግዜ ኣብ ኔዘርላንድ ስድራ ዘይብልካ ብዕድመ ንእሽተይን ንበይንኻን ምስ እትኸውን ዝዓለመ እዩ። ወይ ድማ ናይ ምጥርናፍ ስድራ-ቤት ንዘመልከቱ፣ ግን ድማ ስድራ-ቤቶም ገና ኣብ ኔዘርላንድ ዘይመጽኡ ሰባት ዝዓለመ እዩ። ስለዚ ስድራኻ ናብ ኔዘርላንድ ክሳብ ዝመጽኡን እቲ ምምሕዳር ከተማ ንመላእ ስድራ-ቤትካ ዝኸውን ገዛ ክሳብ ዘቕርበልካን ንግዚኡ ኣብ ሓባራዊ ገዛ ትነብር።

ብዝኾነ እቲ ገዛ ማሕበራዊ ክራይ ገዛ እዩ። እዚኦም ትሑት ኣታዊ ንዘለዎም ሰባት ብተመጣጣኒ ዋጋ ዝካረዩ ሕሱራት ገዛውቲ እዮም።

እቲ ምምሕዳር ከተማ ገዛ እንተድኣ ረኺቡልካ ደብዳቤ ክትቕበል ኢኻ። ኣብቲ ደብዳቤ ድማ መዓስ ነቲ ገዛ ክትርእዮን፣ ናይ ክራይ ውዕል ክትፍርምን ከም እትኽእል ተጠቒሱ ይርከብ።

እቲ ምምሕዳር ከተማ 1 ግዜ ጥራይ እዩ ገዛ ዘቕርበልካ። ኣብ መንጎ ገዛውቲ ክትመርጽ ኣይትኽእልን ኢኻ፣ ከምኡ እውን ካብ ምምሕዳር ከተማ 1 ኣማራጺ ጥራይ ኢኻ ትረክብ። ነቲ ገዛ እንተድኣ ነጺግካዮ፣ ሓድሽ ገዛ ኣይክወሃበካን እዩ።