ውዕል መድሕን ጥዕና ንምግባር እዚኦም ሓበሬታታት የድልዩኻ፡

• 

  ቁጽሪ ኣገልግሎት ዜጋ (BSN)

• ናይ ኔዘርላንድ ናይ ባንክ ሕሳብ

• ሕጋዊ መንበሪ ኣድራሻ

ናብ መርበብ-ሓበሬታ ናይቲ መድሕን ብምኻድ ዝደለኻዮ መድሕን ምረጽ። ነዚ ናይ ዑቕባ መንበሪ ፍቓድ ድሕሪ ምርካብካ ኣብ ውሽጢ 4 ኣዋርሕ ግበሮ። ዝርዝር ሓበሬታታትካ ብመንገዲ እቲ መርበብ-ሓበሬታ ምልኣዮም። ብድሕሪኡ ናይ መድሕን ጥዕናኻ መረጋገጺን ኩሎም ቅድመ-ኩነታትን ብኢ-መይል ክትቅበል ኢኻ። ነፍስወከፍ ዓመት ድማ ሓድሽ መድሕን ጥዕና ክትመርጽ ትኽእል ኢኻ። ነዚ ኣብ መንጎ መጀመርታ ወርሒ ሕዳርን መወዳእታ ወርሒ ታሕሳስን ክትገብሮ ኣለካ።

ብኢንተርነት ውዕል መድሕን ክትገብር ይኸብደካ ድዩ? ስለዚ ናብቲ ትካል መድሕን ክትድውል ወይ ቻት ክትገብር እውን ትኽእል ኢኻ። ሓገዝ ምስ ዘድልየካ ድማ ሓደ ማሕበራዊ ኣማኻሪ ንኽሕግዘካ ሕተት።

ጌጋ ምርጫ ገይርካ ዲኻ? ኣብ ውሽጢ 14 መዓልታት ነቲ ትካል መድሕንካ ነዚ ከም ዘይትደልዮ ክትሕብሮ ትኽእል ኢኻ። ስለዚ ኣብተን 14 መዓልታት ነቲ መድሕን ብነጻ ክትስርዞን ካልእ ክትመርጽን ትኽእል ኢኻ።

ትሑት ኣታዊ ድዩ ዘለካ? ስለዚ መብዛሕትኡ ግዜ ኣበል ጥዕና ክትረክብ ትኽእል ኢኻ። እዚ መድሕንካ ምሉእ ብምሉእ ወይ ብኸፊል ክትከፍል ዘኽእለካ ካብ መንግስቲ እትረኽቦ መጠን ገንዘብ እዩ።