Daqliga
Qodobkaan sii wadaaji
Haddii aad doorato inaad sharci daro ku joogto Nederlaan, si sharci ah lacag uma shaqeysan kartid. Sidaa awgeed waa inaad iska ilaalisaa ka ganacsiga dadka iyo gumeysiga. Boggan ayaad ka aqrin kartaa wixii warbixin dheeraad.
Badiyaa waxaad shaqeyneysaa heshiis la'aan
Waxaa jiro shaqo siiyayaasha qaarkood oo dadka aan sharci deganaanshaha heysanin shaqo siiya. Ma ka shaqeysaa meel, laakiin ma heysatid heshiis shaqo? Markaa weli xaquuq ayaad leedahay shaqaale ahaan. Haddii aad tusin karto inaad si joogto ah u shaqeyso (ama u shaqeysey) shaqo siiyahaaga, markaa taasi xitaa waxaa loo xisaabin karaa heshiis shaqo. Xitaa haddii aadan heshiis warqad ah saxiixin. Haddii aad tusin karin mudada aad u shaqeysey shaqo siiyahaaga, markaa waxaa laga soo qaadayaa 6 bilood oo shaqo ah.
Ma heysataa heshiis shaqo? Markaa waxaad xaq u leedahay dhamaan waxa ku qoran CAO ee lagu heshiiyey. Taasi waxaa micnaheeda tahay tusaale ahaan inaad xaq u leedahay in lacagtaada kuu socoto haddii aad jiran tahay iyo inaad xaq u leedahay in magdhaw marka uu shaqo siiyahaaga shaqada kaa saaro.
Qofka inuu ka shaqeeyo Nederlaan iyadoo sharci deganaansho aan heysanin wey adag tahay. Waxaa jiro shaqo siiyayaal ku dhiig miirasho dadka xaaladooda adag tahay. Shaqo siiyayaasha badiyaa kuma siinayaan heshiis shaqo. Taasi waxey u sameynayaan si aysan ganaax sare aan la ganaaxin marka ay shaqo siiyaan qof aan sharci deganaansho heysanin. Wuxuu kaloo shaqo siiyaha ku handadi karaa inuu joogista sharci daradaada uu sheegi doono. Waxaa intaa dheer iney adag tahay inaad isticmaasho xaquuqdaada, maadaama aadan mar walba cadeyn heysanin.
Haddana shaqaale ahaan ma tihid awood la'aan. Waxaa jira Nederlaan ururo kala duwan oo kaa caawini kara haddii uu shaqo siiyahaaga ku dhiig miiranaayo. Qaar ka mid ururadaasi ayaa boggan ka heleysaa.
Dhibane ka ganacsiga dadka ama dadka la gumeysto
Maadaama dadka aan heysanin sharci deganaansho iyo sharci shaqo aan loo ogolayn iney si sharci ah u shaqeystaan, waxey qatar u yihiin ineey noqdaan dhibane ka ganacsiga dadka.
CoMensha
Xarunta Isku Duwidda ka hortaga ka Ganacsiga Dadka (CoMensha) waa urur ka shaqeeya ka hortaga ka ganacsiga dadka iyo gumeysiga. Tani dhibane ma u tahay? La soo xariir CoMensha (033) 448 11 86. Waxaad wici kartaa isniin ilaa iyo jimce, inta u dhaxeysa 9.00 iyo 17.00 saac.
Laanqeyrta Cas wey caawinayaan
Laanqeyrta Cas waxey ka caawiyaan dadka aan sharciga deganaanshaha heysanin warbixinta adeegga degaanka ka jira sida taageerada sharciga, daryeelka caafimaadka iyo hoyga.
