Maalinta boqorka: Feestada oranjada

Maalinta boqorka waxaa Nederlaan u dabaadagaayaan dhalashada Willem-Alexander. Maalinta boqorka ma aha maalin siyaasadeed laakiin waa maalin fasax ah. Boqorka waa madaxa dowladda Nederlaan wuxuuna qeyb ka yahay dowlada. laakiin dhab ahaantii boqorka saameyn kuma laha siyaasada waajibaadka boqorka guud ahaan waa mid astaan iyo xaflado

Nederlaan waxey leedahay boqor, laakiin hore waxey u lahayd boqorado. Waajibka boqorka ama boqorada ee Nederlaan waa isku mid. Waajibaadka siyaasadeed ee boqorka iyo boqorada Nederlaan ay leeyihiin waa:

• Boqorka ama boqorada Nederlaan waxay saxiixayaan sharciyada, Go'aamada boqortooyada iyo heshiisyada caalamiga.

• Boqorka ama boqorada waxey sannad walba ka hadlaan maalinta Boqortooyada iyagoo ka hadlaaya cadeynta dowlada iyo qorshaha sannadka soo socda. Maalinta Boqortooyada waa talaadada 3 aad ee sebtambar.

• Boqorka ama boqorada waxey wiig walba kala hadlaan ra'iisul wasaaraha iyo waxey si joogto ula hadlaan wasiirada iyo wasiiro ku xigeenada. Sidaa ayaa boqorka uga warhaaynaayaa maamulka dowlada.

• Boqorka ama boqorada waxey magacaabaan wasiirada iyo wasiiro ku xigeenada.

• Boqorka ama boqorada waxey matalayaan Nederlaan wadanka gudahiisa -iyo dibadiisa.

Waajibyada kale ee boqorka ama boqorada waa iney tusaale ahaan ay furaan dhismooyinka cusub, khudbadaha laga sheego dhacdooyinka muhiimka ah ee Nederlaan iyo u dabaaldegida maalinta Boqorka ama boqorada.

Habeenka ka horeeya maalinta boqorka ayaa loo yaqaan Habeenka boqorka. Dad badan ayaa aada baararka ama maqaayada. Maqaayadaha qaar ayaa abaabula barnaamij ama ay imaanayaan fanaaniin iyo Dj-yada. Sannadkan Koningsnacht waa 26 abril 2024.

Sannad walba waxaa boqorka Willem-Alexander uu maalinta boqorka soo booqdaa magaalo ama tuulo Nederlaan ah. Taasi waxaa uu si wadajir ah u aadaan xaaskiisa boqorada Máxima, gabdhahiisa Amalia, Alexia iyo Ariane iyo dad kale oo reerka ka mid ah. Sannadkan 27 abril 2024 waxey aadayaan magaalada Emmen oo ku yaala gobolka Drenthe.

Dadka degan Emmen waxaa soo booqanaaya qoyska boqorka. Waxey tusayaan waxyaalaha quruxda leh ee magaalada iyo waxey abaabulaayaan ciyaaraha dhaqanka ee Nederlaan. Waxaa

NOS

Meela walba oo Nederlaan ah ayaa looga dabaaldegaa Maalinta boqorka. Tuulooyinka badankooda waxaa laga abaabulaa ciyaaro iyo kunsheertooyin. Dad badan ayaa xeranaaya dharka midabka oranjaha. Waayo midabka oranjaha waa midabka guriga boqortooyada ee Nederlaan. Dadka waxaa kaloo ay wajigooda ku mariyaan rinji calanka Nederlaan ah.

Ku dhawaad ​​magaalo kasta ama tuulo weyn, dadku waxay ku iibiyaan alaabtoodii hore waddada inta lagu jiro Maalinta Boqorka. Tani waa dhaqan. Dad badan ayaa dhigta rooga ay ku iibiyaan alaabtii hore, alaabta guriga ama, tusaale ahaan cd-yada ama buugaagta. Taas waxa loo yaqaan suuqa xorta ah. Ma doonaysaa in aad adigu wax iska iibiso ama aad wax ka raadiso suuqa xorta? Waydii meesha suuqa xorta ah ee degmadaada. Iyo ilaa intee ka hor waxaad sii qabsan kartaa boos laamiga si aad alaabta ugu iibiso.

Waxaa kaloo jiro arrimo kale oo loo baahan yahay in laga taxadaro Maalinta Boqorka:

• Dadka badankooda waa fasaxan yihiin shaqada iyo iskuulka. Markaa weydii shaqo siiyahaaga.

• Waxaa jiri kara waqtiyo kale oo gaadiidka dadweynaha.

• Waxaa jiri kara waqtiyo kale oo dukaamada la furo.

Maalinta boqorka badiyaa dad badan ayaa banaanka qamrada ku cabaaya. Taasi rasmi ahaan meel walba lama oggola. Waxaa boliiska ay ku siin karaanganaax haddii aad meel aan la ogolayn ku cabto.

Degmooyinka qaar waa iney dukaamada waaweyn ee adeega u hogaansamaan shrciyada iibka qamriga. Markaa waxaa tusaale ahaa ay gadayaan 1 gasac oo biirka ah ama dhalo qamri ah qofkiiba.