Sidaan ayaa waxbarashada u hawlgashaa Nederlaan
La wadaag baraha bulshada:
Dugsiga sare ka dib waxbarasho waad sii wadan kartaa. Waxaad wax u baran kartaa darajado kala duwan. Darajada waxbarashadaada waxey ku xiran tahay shahaadadaada dugsiga sare. Qodobkan waxaad kaheleysaa warbixin darajadaha kala duwan ee waxbarashada.
Noocyo kala duwan oo waxbarasho
Nederlaan waxaa ka jira 3 darajooyin kala duwan oo aad wax u baran karto:
waxbarashada dhexe shaqooyinka (mbo)
wabarashada sare een shaqooyinka (hbo)
jaamacadda, tani waxaa kale oo lagu magacaabaa waxbarashada sayniska (wo)
Halkan hoose ayaa ka aqrineysaa calaamadaha iyo nooca waxbarashada la socda.
Mbo-ga
Waxbarashada dhexe ee shaqooyinka (mbo) waa iskuul aad shaqo ka baraneyso. Waxaad tababarka-mbo dhigan kartaa ka dib marka aad hesho shahaadada-vmbo.
Mudada waxbarashada waxaad baraneysaa waxyaalo ficil ahaan ah
Mudada waxbarashada ee mbo wax kama baraneysid keliya buugaagta. Mudada waxbarashadaada waxaad aadeysaa shrikado si aad u barato sida meesha looga shaqeeyo. Sidaas ayaa ku arkay qibrad ahaan sida ay tahay ee loo shaqeeyo. Waxaa mbo bandhigaan tababaro oo darajooyin kala duwan, darajada 1 ilaa 4. Darajada 1 waxaad inta ugu badan ka baraneysaa ficil ahaan. Darajada 4 waxaad inta badan ka baraneysaa qoraal ahaan.
Waxaa tababarka ee mbo
Haddii aad dhameyso tababarka mbo waad shaqeyn kartaa ama waxbarasho ayaad sii wadan kartaa. Haddii aad wax sii baraneyso, waxaad dhigan kartaa tababar-mbo oo isla darajo la mid ah. Iyo waxaad kaloo dhigan kartaa tababarka darajada-mbo 3 ama 4 ilaa waxbarasho shaqooyinka sare (hbo).
Noocyo kala duwan oo waxbarashada mbo
Jidka waxbarashada shaqooyinka (BOL)
Badankooda ardayda dhigata mbo waxey dhigtaan tababarka-BOL. Waxaa tababarka-BOL ay ardayda qaadanayaan casharo aragtiyeed badan oo iskuulka ah iyo wax ay guriga uga shaqeynayaan. Intaa waxaa dheer iney ardayda maraan shaqo barasho halkaasoo ay qibrad shaqo ah ku kororsanaayaan.
Jidka waxbarashada shaqooyinka (BOL)
Ardayda dhigata mbo waxey kaloo dhigan karaan tababarka-BBL, ilaa ay jiraan 16 jir ama ka weyn yihiin. Gaar ahaan wax badan ayey shaqeynayaan 1 ama 2 beri ayey iskuul aadayaan. Ardayda waxey baranayaan iney gaar ahaan ficil ahaan iyaga wax u sameeyaan iyo qibrad kororsadaan.
Tusaalooyinka tababarada kala duwan ee mbo
Waxaad mbo dhigan kartaa noocyo kala duwan oo tababar ah, waxey ku xiran tahay waxa aad xiiseyneyso iyo hadafyadaada yihiin. Tusaale
Tababarka kaaliyaha maamulka
Tababarka makaanika
Tababarka kalkaalisanimo
Tababarka wax dubista foornada
Tababarka fuundi ama dhismaha
Tababarka tima jaraha
Hbo-ga
Waxaa waxbarashada sare ee shaqooyinka (hbo) waa iskuul aad shaqo ka baraneyso ama farsamo baraneyso marka aad qaado shahaado-havo. Ama meel aad wax dheeraad oo farsamada ah ka baraneyso ka dib waxbarashada dhexe ee shaqooyinka (mbo).
Mudada waxbarashada waxaa baraneysaa waxyaalo badan oo ficil ahaan ama aqoon aragtiyeed
Waxaa hbo mid aan ku badnayn xagga ficilka markaa mbo loo fiiriyo. Waxaad wax ku baraneysaa xagga aqoon aragtiyeedka. Casharada ka sokow waxaad sameyneysaa badiyaa mashruucyo iyo howlo adiga kuu diyaariya xaaladaha dhabta ah ee shaqada. Sidoo kale waxaad mareysaa mudada tababarkaaga shaqo barasho 1 ama kuwo dhowr ah.
Ka dib waxbarashadaada hbo
Isla sida mbo ayaa ka dib hbo dooran kartaa inaad shaqeyso shaqo xirfada aad soo baratay ah. Waxaa kaloo jiro darajo ka sareeya oo aqoonta ah iyo xirfadaha. Ama waxaad dooran kartaa inaad weli waxbarashada sii wadato, tusaale ahaan jaamacadda.
Noocyo kala duwan oo waxbarashada hbo
Waxaad hbo ka sameyn kartaa 3 tababaro oo kala duwan. Badiyaa dadka waxey dhigtaan hbo-bakaloorka. Ka dib bakeloorka waxaa laguu tababaray shaqo iyo waad shaqeyn kartaa
hbo-bakaloorka
Tababarkaan waa tababar guud oo mawduuc guud ku saabsan. Kani wuxuu soconayaa 4 sano. Ka dib markaad shahaadada soo qaado waxaa heleysaa magaca bakaloorka.
hbo-masterka
Ka dib bakaloorka waxbarasho ayaad sii sameyn kartaa 1 ilaa 3 sano. Mudada waxbarashadan waxaad noqoneysaa qabiir oo mawduuc gaar ah
Associate Degree
Waxbarashada loo yaqaan (associate degree) waa tababar 2-sano socda. Darajada dhamaadka ee (associate degree) wuxuu u dhexeeyaa mbo-4 iyo bakaloorka-hbo. Waxaad qaadista shahaadada ka dib bilaabi kartaa bakaloorka-hbo oo isla mawduucii ah.
Tusaalooyinka tababarada kala duwan ee hbo
Waxaad hbo ka baran kartaa tababaro kala duwan, sida mbo. Tababaradan si qoto dheer ayay shaqooyin kala duwan ku jiheysan yihiin. Tusaalooyinka tababaradaasi waa:
Tababarka kalkaaliso
Tababar macallinnimo
Tababar suxufinimo
Tababar Maamule
Jaamacadda (wo)
Jaamacadda Nederlaan waxaad noqoneysaa saynisyahan. Waxaadma baraneysid 1 shaqo laakiin waxaad baraneysaa waxyaalo faahfaahsan oo farsamo ama mawduuc. waxaad aadi kartaa jaamacadda haddii aad shahaado-vwo ama shahaado-hbo heysato. Sidoo kale waxaa mar mar aadi kartaa jaamacadda haddii aad sannadka koowaad ee tababarka-hbo aad qaado.
Mudada waxbarashada waxaad baraneysaa waxyaalo badan aqoon aragtiyeed ahaan ah
Mudada waxbarashadada jaamacadda waxaad baraneysaa oo baaritaano ayaa ku sameyneysaa mawduucyo ama mawduucyo ayaa si ballaaran ah. Taasi waxey micnaheeda tahay inaad wax badan aqrineyso iyo baaritaan sameyneyso. Wax yar oo qibrad ficil ah ayaa sameyneysaa. Waxbarashada qaarkood waxaad mareysaa nooc shaqo barasho. Laakiin inteeda badan waa aqoon aragti ahaan.
Waxbarashada jaamacada ka dib
Haddii aad waxbarashada jaamacadda dhameyso waad shaqeyn kartaa ama waxaad sameyn kartaa PhD. PhD wuxuu micnaheeda yahay inaad afar sano dhan aad baaritaan sameyneyso 1 mawduuc gaar ah. Ka dib Phd-gaaga waxaad tahay qabiir sayniska.
Noocyo kala duwan oo waxbarashada jaamacadda
Tababarka jaamacadda wuxuu ka kooban yahay bakaloor- iyo tababarka- master-ka. Waxaad dooran kartaa inaad keliya bakaloorka dhigatid. Laakiin badiyaa dadka labada bakaloor iyo master-kaba wey sameeyaan.
Bakaloorka
Tababarkaan waa tababar guud oo mawduuc guud ku saabsan. Kani wuxuu soconayaa 3 sano. Ka dib 3 ta sano waxaa heleysaa magaca bakaloorka.
Masterka
Ka dib bakaloorka waxaad weli wax sii baran kartaa 1 ilaa 3 sano oo masterka. Mudada tababarka waxaa noqoneysaa qabiir mawduuc gaar ah.
Tusaalooyinka tababarada kala duwan ee jaamacadda
waxbarashada cafimaadka, tababarkan dhaqtar ayaad noqon kartaa
cilmi nafsiga, tababarkan waxaad ku noqon kartaa tusaale ahaan dhaqtar nafsiga
waxbarashada sharciga, tababarkan waxaad tusaale ahaan ku noqon kartaa sharci yaqaan, qareen ama garsoore
waxbarashada dhismaha, tababarkan waxaad tusaale ahaan ku noqon kartaa injiyeerka dhismaha
Mudada waxbarashadaada jaamacadda waxaa laguu tababaraayaa saynis yahan ama cilmi baare. Taasi waxey micnaheeda tahay inaan hal shaqo laguu tababareynin. Waxaad markaad waxbarashada dhameyso badiyaa ka shaqeyn kartaa shaqooyin kala duwan.