Bilowga Tan ayaa sii abaabuleysaa mudada aad uurka leedahay
Tan ayaa sii abaabuleysaa mudada aad uurka leedahay
Qodobkaan sii wadaaji
Marka aad tahay qof mustaqbalka waalid noqonaaya dhowr xaquuq ayaad leedahay, sida fasaxa iyo daryeelka umusha. Xaquuqdan iyo dhowr waxyaalo oo kale waad sii abaabuli kartaa mudada uurka. Halkan ka aqri waxa aad sii abaabuli karto.
Waxaad xaq u leedahay inaad shaqada fasax uur ka hesho
Ma heysataa shaqo? Nederlaan waxaa loo oggol yahay qofka uurka leh ugu yaraan 16 wiig oo fasax ah. Haddii aad lammaane leedahay ugu yaraan 5 wiig. Kala xariir shaqo bixiyahaaga ama qofka maamulahaaga shaqada inuu kuu abaabulo fasaxa uurka. Taasi isla markii ayaad sameyn kartaa haddii aad uurka yeelato ama xaaskaaga uur yeelato.
Waxaad xaq u leedahay daryeelka umul bixinta
Waxaad Nederlaan xaq u leedahay daryeel umul bixin. qof ayaa kuu imaaneysa guriga oo kaa caawineysa daryeelka ilmahaaga. Umul bixisada waxey ku bareysaa qaabka aad ilmahaaga iyo nafsadaada u daryeeleyso
Daryeelka umusha waxaa laga bixinaayaa ceymiska caafimaadka asaasiga. Waxaad xaq u leedahay 49 saacadood oo daryeelka umusha ah., taasoo loo qeybiyey 8 beri. Kla xariir ururka daryeelka umusha si aad ballan u sameysato.
Waxaad sii diyaasan kartaa shandad ama boorso oo dhalista ah
Marna hubaal uma ogaan kartid waqtiga aad dhaleyso. Waxaa suura gal ah inaad cisbitaalka ku dhasho. Waxaa fiican inaad mudada uurka aad sii diyaarsato boorso ay ku jiraan alaabta aad u baahan tahay mudada dhalmada iyo ka dib. Sida waxa ka mid ah: dharkaaga iyo kan ilmaha, alaabta musqusha, dokumentiga muhiimka ah iyo wixii yar yar ee aad cuneyso.
Waxaad sameyn kartaa koorso uurka ah
Waxaa koorsada uurka u sameyn kartaa si aad warbixin fiican u hesho oo uurka ah, qaabka dhalmada, naas nuujinta, iyo la xariirka ilmaha. Waxaa kaloo jira koorsooyin oo aabayaasha ah. Waxaad talo weydiin kartaa dhaqtarka qoyska ama umulisada nooca koorsada adiga kugu habboon.
Iska jir: ceymiska asasiga badiyaa ma bixiyaan qarashka koorsada uurka. Mar mar ceymiska dheerida ah ayaa bixiya, laakiin iyadoo xadidan sida qarasha ugu badnaan xad leh ama dhowr koorsooyin oo aad adiga wax ka dooran karto.
Mar mar waxaad sameysan kartaa ceymiska caafimaadka dheeraad ah
Iska fiiri in ceymiskaaga caafimaad uu wax ku filan bixinaayo marka aad uurka leedahay ama aad dhasho. Mar mar ayaa ceymis dheeraad ah jira oo faa'iidooyin dheeraad ah bixinaaya. Tusaale ahaan daryeelka umusha ama daryeelo kale.
Haddii aad uur leedahay oo aad dhaleyso, waa inaad ka hor ka sii fekertaa ceymiska caafimaadka. Mudada sannadka dhexdiisa ah ceymiska nooca aad heysato iskama bedeli kartid. Ceymiska asaasiga waxyaalo badan waa bixiyaa, laakiin kulli ma wada bixiyo. Weydii ceymiskaaga caafimaadka sida uu yahay.
Mar mar waad sii dabiri kartaa xannaanada ilamah lagu haayo
Waxaa suura gal ah adiga iyo lamaanahaaga inaadan maalmaha dhamaan ilmaha la joogi karin? Tusaale ahaan waad shaqeysaan? Markaa xanaanada ilmaha ayaa u abaabuleysaa. Xanaanadaha qaar waxey leeyihiin liis sugitaan ah.
Sidaa awgeed dhaqso iska soo qor haddaad uur leedahay. Meeqa ayaa uu noqonaayaa qarashkaa, wuu kala duwan yahay xanaanadaha ilmaha. Mar mar ayaa keliya la dabiri karaa marka uu ilmaha dhasho ka dib.
