ናብ መበቆል ሃገርካ ምምላስ

ዘመልከትካዮ ዑቕባ ተነጺጉ ድዩ፣ ካብ ኔዘርላንድ ክትወጽእ ኣለካ ዲኻ፣ ወይ ክትወጽእ ትደሊ ዲኻ? እዚ ንዓኻ እንታይ ትርጉም ክህልዎ ከም ዝኽእል ኣብዚ ከተንብብ ትኽእል ኢኻ። ንኣብነት ብወለንታኻ ክትምለስ እንተድኣ ደሊኻ፣ ክትወጽእ እንተድኣ ተገዲድካ፣ ወይ ድማ ናብ ካልእ ኤውሮጳዊት ሃገር ክትከይድ ዘለካ እንተድኣ ኮይንካ። ብዛዕባ እቲ ክትረኽቦ እትኽእል ሓገዝ እውን ከተንብብ ትኽእል ኢኻ።

ሓበሬታ

ብወለንታኻ ናብ መበቆል ሃገርካ ምምላስ

ናብ መበቆል ሃገርካ ክትምለስ ትደልይ ምዃንካን ዘይምዃንካን ንስኻ ባዕልኻ ኢኻ እትውስን። ናብ መበቆል ሃገርካ ክትምለስ ምስ እትውስን ደገፍ ክትረክብ ትኽእል ኢኻ። ኣብ መበቆል ሃገርካ ህይወትካ ንምህናጽ ድማ ገንዘብ ወይ ደገፍ ክትረክብ ትኽእል። ኣብዚ ገጽ ብወለንታኻ ምምላስ ብዝምልከት ዝያዳ ከተንብብ ትኽእል ኢኻ።

ዓንቀጽ

ተገዲድካ ናብ መበቆል ሃገርካ ምምላስ

ባዕልኻ ብወለንታኻ ናብ መበቆል ሃገርካ ዘይትምለስ ምስ እትኸውን መንግስቲ ኔዘርላንድ ብኣስገዳድ ክመልሰካ ይኽእል እዩ። ብኣስገዳድ ኣብ እትምለሰሉ እዋን እትረኽቦ ገንዘብ ወይ ደገፍ ሒደት እዩ ወይ እውን ዋላ ሓንቲ ኣይትረክብን። ኣብዚ ገጽ ብኣስገዳድ ምምላስ ብዝምልከት ዝያዳ ከተንብብ ትኽእል ኢኻ።

ዓንቀጽ