ስራሕ
ኣብ ኔዘርላንድ ቀልጢፍካ ስራሕ ክትጅምር ትደልይ ኢኻ። ንስድራኻን ንገዛእ-ርእስኻን ዝኸውን ገንዘብ ንኽትረክብ። ወይ ድማ ወለንታዊ ስራሕ ክትሰርሕ ወይ ናይ ስራሕ ልምምድ ክትገብር ትደልይ ኢኻ። ትሑዝ ንኽትከውንን ተመኩሮ ንኽትረክብን። ዑቕባ ንምርካብ ኣመልኪትካ ዘለኻን W-document ዘለካን ምስ እትኸውን፣ ብዛዕባ ስራሕ እንታይ ክትፈልጥ ከም ዘለካ ኣብዚ ኣንብብ።
ሓበሬታ
ኣብ ኔዘርላንድ ኣየኖት ዓይነት ትካላት ኣለዉ?
ኣብ ኔዘርላንድ ትካል ክትጅምር እንተድኣ ደሊኻ ሕጋዊ ኣቃውማ ክትመርጽ ኣለካ። ሕጋዊ ኣቃውማ ማለት ሕጋዊ ኣቃውማ ናይ ትካልካ እዩ። ኣብ ኔዘርላንድ ዝተፈላለዩ ሕጋዊ ኣቃውማታት ኣለዉ። ብዛዕባ ኣብ ኔዘርላንድ ዝርከቡ ሕጋዊ ኣቃውማታት ኣብዚ ዓንቀጽ ከተንብብ ትኽእል ኢኻ።
ኣብ ኔዘርላንድ ኣገባብ መመልከቲ ከመይ ይሰርሕ?
ኣብ ኔዘርላንድ ስራሕ ንምምልካት መብዛሕትኡ ግዜ ዝተፈላለዩ ስጉምትታት የጠቓልል፡ ክፍቲ ቦታ ምድላይ፡ ሪዝዩምን ሽፋን ደብዳቤን ምቕራብ፡ ከምኡ’ውን ቃለ መሕትት ምክያድ። እዛ ጽሕፍቲ እዚኣ እንታይ ክትገብር ከም ዘለካን ክንደይ ግዜ ከም ዝወስድን ኣበይ ሓገዝ ክትረክብ ከም እትኽእልን ትገልጽ።
ብኸመይ ጽቡቕ CV ተዳሉው?
CV፣ ተመኩሮኻ፣ ትምህርትኻን ክእለትካን ዘካትት ሓፈሻዊ ትሕዝቶ እዩ። ኣብ ኔዘርላንድ ዝርከቡ ኣስራሕቲ፣ ንመን ናይ ስራሕ ቃለ-መሕትት ክገብር ከም ዝዕድሙ ንምውሳን CV ይጥቀሙ። ስለዚ ጽቡቕ CV ንምድላው ዝሕግዙ ምኽርታት፣ ኣብዚ ዓንቀጽ ከተንብብ ትኽእል ኢኻ።
ካብ ስራሕ እንተድኣ ተሰጒግካ ወይ ውዕልካ እንተድኣ ዘይተናዊሑ እንታይ መሰላት ኣለካ?
ካብ ስራሕ እንተድኣ ተባሪርካ ወይ ግዝያዊ ውዕልካ ከይተሓደሰ እንተድኣ ተዛዚሙ፣ ኣብ ኔዘርላንድ ዝተወሰኑ መሰላት ኣለዉኻ። እንታይ ክትረክብ መሰል ከምዘለካን፣ እንታይ ክትገብር ከም እትኽእልን ኣብዚ ዓንቀጽ ኣንብብ።
ክፉት ናይ ስራሕ ቦታታት ወይ ስራሕ ብኸመይ ክትረክብ ትኽእል?
ኣብዚ ዘመን እዚ ትካላትን ኣስራሕቲን ክፉት ናይ ስራሕ ቦታታት ዝምልከት ሓበሬታ ብቐንዱ ብኢንተርነት እዮም ዝዝርግሑ። ኣብ ኔዘርላንድ ስራሕ ትደልይ እንተድኣ ኣለኻ ኮይንካ፣ ኣብ ብዙሓት መርበባት-ሓበሬታ ክፉት ናይ ስራሕ ቦታታት ክትረክብ ትኽእል ኢኻ። ስራሕ ምድላይ ኣበይ ብዝበለጸ ክትጅምር ከም እትኽእል ድማ ኣብዚ ታሕቲ ከተንብብ ኢኻ።
ኣብ ጸብጻብ ቅብሊት ደሞዝካ እንታይ ይርከብ?
ስራሕ ዘለካን ነፍስወከፍ ወርሒ ትኽፈልን እንተድኣ ኮይንካ፣ ተቖጺርካ እትሰርሕ ሰራሕተኛ ኢኻ። ስለዚ ድማ ኣብ ነፍስወከፍ ወርሒ ካብ ኣስራሒኻ ጸብጻብ ቅብሊት ደሞዝካ ክትቕበል ኢኻ። እዚ ደሞዝካ ብኸመይ ከም ዝቖመ ሓፈሻዊ ርድኢት ይህበካ። እዚ ጸብጻብ ቅብሊት ደሞዝ፣ ክንደይ ደሞዝ ከም እትቕበል ጥራይ ዘይኮነስ፣ ክንደይን ናይ ምንታይን ግብሪ ከም እትኸፍል እውን ዘርእይ እዩ። ኣብ ጸብጻብ ቅብሊት ደሞዝካ እንታይ ካልእ ነገራት ከም ዝርከብን፣ እዚ ንምንታይ ኣገዳሲ ምዃኑን ኣብዚ ዓንቀጽ ከተንብብ ኢኻ።
ኣስራሒኻ መዓስ እዩ ከባርረካ ዝፍቀደሉን መዓስ ድማ ከምኡ ክገብር ዘይፍቀደሉን?
ኣብ ኔዘርላንድ ሓደ ኣስራሒ ካብ ስራሕ ጥራይ ከባርረካ ኣይፍቀደሉን እዩ። ነዚ ዝምልከት ሕግታት ኣሎ። ኣስራሒኻ ኩሉ ግዜ ቅኑዕ ምኽንያት ክህልዎን ቅኑዕ ስጉምትታት ክኽተልን ኣለዎ። እዚ ጽሑፍ እዚ መዓስ ምብራር ከም ዝፍቀድን መሰላትካ እንታይ ምዃኑን ይገልጽ።
ኣብ ኔዘርላንድ ዝተፈላለዩ ዓይነታት ውዕላት ስራሕ ኣለዉ
ውዕል ስራሕ ወይ ስምምዕ ስራሕ ኣብ መንጎ ኣስራሒን ሰራሕተኛን ዝግበር ወግዓዊ ስምምዕ እዩ። ናይ ክልቲኦም ወገናት መሰላትን ግዴታታትን የቐምጥ። ውዕል ስራሕ እንታይ ምዃኑን፣ ኣየኖት ዓይነት ውዕላት ከም ዘለዉን ኣብዚ ዓንቀጽ እዚ ኣብሪህናዮ ኣለና።
እንተድኣ ሓሚምካን ንነዊሕ እዋን ክትሰርሕ ምስ ዘይትኽእልን እንታይ ክትገብር ኣለካ?
እንተድኣ ሓሚምካ፣ ምሕማምካ ንኣስራሒኻ ትሕብር። ኣብ ኔዘርላንድ ንነዊሕ እዋን ዝጸንሕ ሕማምን ስራሕን ዝምልከት ሕግታት ኣሎ። መሰላት ኣለካ፣ ግን ድማ ግዴታታት እውን ኣለካ። ንነዊሕ እዋን እንተድኣ ሓሚምካ እንታይ ክትገብር ከም ዘለካ ኣብዚ ዓንቀጽ ኣብሪህናዮ ኣለና።
W-document ምስ ዝህልወካ ንምስራሕ ዘለዉ ቅድመ-ኩነታት
ዘመልከትካዮ ዑቕባ ን6 ኣዋርሕ ወይ ልዕሊኡ ኣብ ኔዘርላንድ ይምስራሕ ኣሎ ድዩ? ከምኡ ምስ ዝኸውን ኣብ ትሕቲ ዝተወሰኑ ቅድመ-ኩነታት ደሞዝ ዝኽፈሎ ስራሕ ክትሰርሕ ትኽእል ኢኻ።