ብዘይ መንበሪ ፍቓድ ግምገማ ብቕዓት ዲፕሎማ ኣብ ኔዘርላንድ

ግምገማ ብቕዓት ዲፕሎማ ኣብ ዝግበረሉ እዋን ዲፕሎማኻ ምስ ናይ ኔዘርላንድ ደረጃ ትምህርቲ ከም ዝነጻጸር ይግበር። ኣብ ኔዘርላንድ ኣብ ዝተፈላለየ ደረጃታት ክትመሃር ትኽእል ኢኻ። ንነፍስወከፍ ደረጃ ድማ ዝተወሰነ ዲፕሎማ የድልየካ።

ኣብ ኔዘርላንድ ንብዙሕ ስራሓት ዝተወሰነ ደረጃ ዲፕሎማ ክህልወካ እውን የድልየካ እዩ። ዝግበር ግምገማ ብቕዓት ዲፕሎማ ድማ ንናይ ወጻኢ ዲፕሎማኻ ምስ ስርዓተ ትምህርቲ ኔዘርላንድ የነጻጽሮ።

ኣብ ኔዘርላንድ ንብቕዓት ዲፕሎማኻ ኣብ ውድብ

ኣህጉራዊ ግምገማ ብቕዓት ዲፕሎማ (IDW)

ግምገማ ብቕዓት ዲፕሎማ ዝሓቶ ወጻኢ € 148.83 እዩ። ካብዞም ዝስዕቡ ኩነታት 1 ንዓኻ ዝምልከት ምስ ዝኸውን 1 ዲፕሎማ ብነጻ ከም ዝግምገም ክትገብር ትኽእል ኢኻ፡

• ካብ ዩክሬን ሃዲምካ ዝመጻእካ ኢኻ።

• ምውህሃድ ኣብ ዕለት 1 ጥሪ 2015 ወይ ብድሕሪኡ ኢኻ ጀሚርካ።

• ናይ ኔዘርላንድ ዜጋ ኣብ ምዃን ኢኻ እትርከብ (መስርሕ ዜግነት)።

• ቀዋሚ መንበሪ ፍቓድ ንምርካብ ናብ

  

  ኣገልግሎት ኢሚግሬሽንን ዜግነትን (IND)
  ኣመልኪትካ ኣለኻ።

ካብዞም ኣብ ላዕሊ ዝተጠቕሱ ኩነታት ንዓኻ ዝምልከት የለን ድዩ፣ ወይ ድሮ ናይ ምውህሃድ ዲፕሎማ ረኺብካ ዲኻ? ከምኡ ምስ ዝከውን € 148.83 ወጻኢ ይሓተካ።

ግምገማ ብቕዓት ዲፕሎማ ነዚ ዝስዕብ ዝሓዘ ሰነድ እዩ፡

• ስምካን ዕለት ልደትካን።

• እንታይ ዓይነት ትምህርቲን ንክንደይ ዝኣክል ግዜን ከምዝተማሃርካ።

• ነቲ ትምህርቲ ኣበይን መዓስን ከም ዝተኸታተልካዮ።

• ኣየናይ ዲፕሎማ ከምዝረኸብካ።

• ዲፕሎማኻ ምስ ኣየናይ ደረጃ ትምህርቲ ናይ ኔዘርላንድ ዝዳረግ ከምዝኾነ።

ግምገማ ብቕዓት ዲፕሎማ ብቋንቋ ኔዘርላንድ ኮይኑ ብዲጂታል ዝተፈረመ እዩ።

IDW ንኹሎም ዲፕሎማታት ኣየነጻጽርን እዩ። IDW ነዞም ዝስዕቡ እዩ ዘነጻጽር፡

• ሃገራዊ ተፈላጥነት ዘለዎም ዲፕሎማታት።

• እንተወሓደ 1000 ሰዓታት ዝወሰደ ትምህርቲ ዝሓዙ ዲፕሎማታት።

IDW ነዞም ዝስዕቡ ኣየነጻጽርን እዩ፡

• ናይ ሓጸርቲ ስልጠናታትን ትምህርቲታትን ምስክር ወረቓቕትን ዲፕሎማታትን።

• ኣህጉራዊ ተፈላጥነት ዘይብሎም ዲፕሎማታት።

• ናይ ኔዘርላንድ ዲፕሎማታት።

ትምህርቲ ተኸታቲልካ ነይርካ ዲኻ፣ ግን ድማ ​​ኣይወዳእካዮን ዲኻ? ከምኡ ምስ ዝኸውን እውን IDW ግምገማ ብቕዓት ዲፕሎማ ክገብር ይኽእል እዩ። ነዚ ንምግባር ድማ እንተወሓደ 1 ዓመት ናይቲ ትምህርቲ ዝወዳእካዮ ክትከውን ኣለካ።