ቅድመ-ኩነታት ናይ ዑቕባ መንበሪ ፍቓድ

ኣብ ኔዘርላንድ ዘይኮነስ ኣብ ካልእ ሃገር ዲኻ ዘለኻ? ስለዚ ኣብ ኔዘርላንድ ዑቕባ ክትሓትት ኣይትኽእልን ኢኻ። ዑቕባ ንምሕታት ኣብ ኔዘርላንድ ክትህሉው ኣለካ፣ ብኢንተርነት እውን ዑቕባ ክትሓትት ኣይትኽእልን ኢኻ።

ኣብ ከምዚ ዝስዕብ ኣብ ኔዘርላንድ ናይ ዑቕባ መንበሪ ፍቓድ ክትረክብ ትኽእል፡

• ብሰንኪ ብሄርካ፣ ሃይማኖትካ፣ ዜግነትካ፣ ፖለቲካዊ ኣረኣእያኻ ወይ ድማ ኣባል ናይ ሓደ ኣድልዎ ዝግበረሉ ማሕበራዊ ጉጅለ ብሰንኪ ምዃንካ ኣብ መበቆል ሃገርካ ከይትጋፋዕ ዘፍርሕ ብቑዕ ምኽንያት ምስ ዝህልወካ።

• ኣብ መበቆል ሃገርካ ናይ ሞት መቕጻዕቲ፣ ስቅያት ወይ ካልእ ዓይነት ኢ-ሰብኣዊ ኣተሓሕዛ ከጋጥመካ ዝኽእለሉ ስግኣት ምስ ዝህልወካ።

• ኣብ መበቆል ሃገርካ ብሰንኪ ከም ኲናት ዝኣመሰለ ዕጥቃዊ ውግእ፣ ግዳይ ዓመጽ ከይትኸውን ዘፍርሕ ብቑዕ ምኽንያት ምስ ዝህልወካ።

እዚ ኣብ ኣህጉራዊ ውዕላት ስምምዕ ዝተገብረሉ እዩ። ንኣብነት ኣብ

ኣብ ኔዘርላንድ ናይ ዑቕባ መንበሪ ፍቓድ ክትረክብ እትኽእል ብ 1 ካብዞም ኣብ ላዕሊ ዝተጠቕሱ 3 ምኽንያታት ጥራይ እዩ። ብኻልእ ምኽንያት ኣይከኣልን እዩ፣ ንኣብነት ስለ ዝሓመምካ ወይ ኣብ ኔዘርላንድ ክትሰርሕ ስለ እትደልይ።

ብመሰረት IND ንዑቕባ ብቑዕ ዲኻ? ከምኡ እንተኾይኑ ናይ ዑቕባ መንበሪ ፍቓድ ክትረክብ ትኽእል ኢኻ። ኣብ ኔዘርላንድ ክልተ ዓይነት ናይ ዑቕባ መንበሪ ፍቓድ ኣሎ። ከም ስደተኛ ወይ ከም ሓደ ንኡስ ሓለዋ ዝተዋህቦ ሰብ መንበሪ ፍቓድ ክትረክብ ትኽእል ኢኻ። IND እዩ ዝውስን ግዝያዊ ናይ ዑቕባ መንበሪ ፍቓድ ከም እትረክብን ኣየናይ ግዝያዊ መንበሪ ፍቓድ። ብቅኑዕ ምኽንያት ዑቕባ ክትወሃበካ ኣገዳሲ እዩ። ብዛዕባ ፍልልይ እዞም ክልተ ናይ ዑቕባ ፍቓድ ኣብዚ ኣንብቡ፤

• ናይ ዑቕባ ፍቓድ ከም ስደተኛ
  IND ኣብ መበቆል ሃገርካ ግፍዒ ንኸጋጥመካ ውልቃዊ ስግኣት ከምዘለካ ምስ ዝኣምን ነዚ ፍቓድ ክትረክብ ኢኻ። እዚ ብሰንኪ ዓሌትካ ወይ ዜግነትካ፣ ሃይማኖትካ፣ ፖለቲካዊ ኣረኣእያኻ ወይ ድማ ኣካል ናይ ሓደ ዝተወሰነ ማሕበራዊ ጉጅለ ብሰንኪ ምዃንካ ክኸውን ይኽእል። ንኣብነት

  LHBTQIA+
  ስለ ዝኾንካ።

• ናይ ዑቕባ ፍቓድ ከም ናይ ካልኣዊ ንኡስ ሓለዋ ዝረኸበ ሰብ
  እዚ ፍቓድ ዝወሃበካ፣ IND መበቆል ሃገርካ ብሰንኪ ኩናት ወይ ዓመጽ ካብኣ ንዝመጽእ ዝኾነ ሰብ ሓደገኛ ምዃና ምስ ዝውስን እዩ። ወይ ድማ ኣብ ገዛእ-ሃገርካ ናይ ሞት ፍርዲ፣ ስቅያት ወይ ካልእ ዓይነት ኢ-ሰብኣዊ ኣተሓሕዛ ከጋጥመካ ብውልቂ ኣብ ሓደጋ እትርከብ ምስ እትኸውን እዩ።

IND ናይ ዑቕባ መንበሪ ፍቓድ ክትረክብ ምዃንካ ወሲኑ ድዩ? ኣብቲ ካብ IND እትቕበሎ ደብዳቤ፣ እቲ ዝተዋህበካ ፍቓድ ከም ስደተኛ ድዩ ወይስ ከም ካልኣዊ ሓለዋ ዝረኸበ ሰብ ተጠቒሱ ይርከብ። ክልቲኦም ፍቓዳት ን3 ዓመት ዘገልግሉ እዮም።

እቲ ናይ መንበሪ ፍቓድ ፍልልይ ኣገዳሲ ዘይክመስል ይኽእል እዩ፣ ምኽንያቱ ኣብ ኔዘርላንድ ኣብ እትጸንሓሉ እዋን ሓደ ዓይነት መሰላት ስለዘለካ። ይኹን እምበር፣ ሓደ ሓደ ግዜ ኣብ ኔዘርላንድ ንኽንደይ ግዜን ስለምንታይን ክትጸንሕ ከም እትፍቀደልካ ስለ ዝጸልዎ ኣገዳሲ እዩ። ስድራ-ቤትካ ናብ ኔዘርላንድ ከተምጽእ እንተድኣ ደሊኻ እውን፣ ኣየናይ ዓይነት ናይ ዑቕባ መንበሪ ፍቓድ ዘለካ ምዃኑ ኣገዳሲ እዩ።

ኣብ መበቆል ሃገርካ ዝካየድ ዘሎ ኲናትን ዓመጽን እንተድኣ ኣብቂዑ፣ ካልኣዊ ንኡስ ሓለዋ ዝረኸበ ሰብ ከም ምዃንካ መጠን ናይ ዑቕባ ፍቓድካ ክትስእን ትኽእል ኢኻ። ይኹን እምበር፣ ብመሰረት IND፣ ከም ስደተኛ ናይ ዑቕባ ፍቓድ ዘለካ እንተድኣ ኮይንካ፣ ዋላ ኩነታት ሃገርካ እንተድኣ ተመሓይሹ እውን ገና ኣብ ሓደጋ ኢኻ ዘለኻ። እዚ ዝኾነሉ ምኽንያት ድማ እታ ሃገር ብሰንኪ ዜግነትካ፣ ዓሌትካ፣ ፖለቲካዊ ኣረኣእያኻ፣ ወይ ድማ ናይ ሓደ ፍሉይ ሃይማኖታዊ ወይ ማሕበራዊ ጉጅለ ኣባል ብሰንኪ ምዃንካ ንዓኻ ገና ሓደገኛ ስለዝኾነት እዩ። ስለዚ መንበሪ ፍቓድካ ግዚኡ ክሳብ ዝወድቕ ኣብ ኔዘርላንድ ክትጸንሕ ትኽእል ኢኻ።

ስለዚ ዑቕባ ንምርካብ ኣብ እተመልክተሉ እዋን፣ ንምንታይ ከም ዝሃደምካ ብንጹርን ብሰፊሑን ምንጋርካ ኣረጋግጽ።

ከም ስደተኛ ናይ ዑቕባ መንበሪ ፍቓድ ሒዝካ ዲኻ፡ ድሕሪ ሕጂ ግን ኣብ መበቆል ሃገርካ ብውልቂ ኣብ ሓደጋ ኣይትኣቱን ዲኻ? ሽዑ IND ናይ ዑቕባ መንበሪ ፍቓድካ ክስርዞ ይኽእል እዩ። ንኣብነት መበቆል ሃገርካ ዳግማይ ንሃይማኖታዊ ወይ ማሕበራዊ ጉጅለኻ ውሑስ እንተኾይኑ። ወይ ድማ ብሄርካ ወይ ዓሌትካ ዝኾኑ ሰባት ድሕሪ ደጊም እንተዘይተሰደዱ።

ከም ናይ ንኡስ ሓለዋ ሰብ ናይ ዑቕባ መንበሪ ፍቓድ ሒዝካ ዲኻ፡ መበቆል ሃገርካ ግን መሊሳ ውሑስ ድያ? ሽዑ IND ናይ ዑቕባ መንበሪ ፍቓድካ ክስርዞ ይኽእል እዩ። ንኣብነት ኣብ መበቆል ሃገርካ ዝካየድ ዘሎ ኲናት ስለዝተወድአ።

ዑቕባ ክትሓትት ትደልይ ዲኻ? ስለዚ ብኸመይ ኣብ ተር ኣፐል ንመስርሕ ዑቕባ ከም እትምዝገብ ኣብዚ ኣንብብ።

IND ኣብቲ ንቡር መስርሕ ዑቕባ ብዛዕባ ናይ ዑቕባ ሕቶኻ ንኽውስን 6 ኣዋርሕ ኣለዎ። ኣብቲ ቅልጡፍ መስርሕ ዑቕባ ድማ IND ኣብ ውሽጢ 3 ኣዋርሕ ክውስን ኣለዎ። ኣብ ገሊኦም ኣጋጣሚታት፣ ክልቲኡ ናይ ግዜ ገደብ ክናዋሕ ይኽእል እዩ። ስለምንታይ ከምዚ ምዃኑን፣ ኩሎም ናይ ምጽባይ ግዜታት ኣየኖት ምዃኖምን ኣብዚ ኣንብብ፡