ቅድመ-ኩነታት ናይ ዑቕባ መንበሪ ፍቓድ

ኣብ ኔዘርላንድ ዘይኮነስ ኣብ ካልእ ሃገር ዲኻ ዘለኻ? ስለዚ ኣብ ኔዘርላንድ ዑቕባ ክትሓትት ኣይትኽእልን ኢኻ። ዑቕባ ንምሕታት ኣብ ኔዘርላንድ ክትህሉው ኣለካ፣ ብኢንተርነት እውን ዑቕባ ክትሓትት ኣይትኽእልን ኢኻ።

ኣብ ከምዚ ዝስዕብ ኣብ ኔዘርላንድ ናይ ዑቕባ መንበሪ ፍቓድ ክትረክብ ትኽእል፡

• ብሰንኪ ብሄርካ፣ ሃይማኖትካ፣ ዜግነትካ፣ ፖለቲካዊ ኣረኣእያኻ ወይ ድማ ኣባል ናይ ሓደ ኣድልዎ ዝግበረሉ ማሕበራዊ ጉጅለ ብሰንኪ ምዃንካ ኣብ መበቆል ሃገርካ ከይትጋፋዕ ዘፍርሕ ብቑዕ ምኽንያት ምስ ዝህልወካ።

• ኣብ መበቆል ሃገርካ ናይ ሞት መቕጻዕቲ፣ ስቅያት ወይ ካልእ ዓይነት ኢ-ሰብኣዊ ኣተሓሕዛ ከጋጥመካ ዝኽእለሉ ስግኣት ምስ ዝህልወካ።

• ኣብ መበቆል ሃገርካ ብሰንኪ ከም ኲናት ዝኣመሰለ ዕጥቃዊ ውግእ፣ ግዳይ ዓመጽ ከይትኸውን ዘፍርሕ ብቑዕ ምኽንያት ምስ ዝህልወካ።

እዚ ኣብ ኣህጉራዊ ውዕላት ስምምዕ ዝተገብረሉ እዩ። ንኣብነት ኣብ

ኣብ ኔዘርላንድ ናይ ዑቕባ መንበሪ ፍቓድ ክትረክብ እትኽእል ብ 1 ካብዞም ኣብ ላዕሊ ዝተጠቕሱ 3 ምኽንያታት ጥራይ እዩ። ብኻልእ ምኽንያት ኣይከኣልን እዩ፣ ንኣብነት ስለ ዝሓመምካ ወይ ኣብ ኔዘርላንድ ክትሰርሕ ስለ እትደልይ።

ብመሰረት IND ዑቕባ ንኽትረክብ መሰል ኣለካ ድዩ? ስለዚ ናይ ዑቕባ መንበሪ ፍቓድ ክትረክብ ትኽእል ኢኻ። ኣብ ኔዘርላንድ 2 ዓይነት ናይ ዑቕባ መንበሪ ፍቓዳት ኣለዉ። ከም

• ናይ ዑቕባ ፍቓድ ከም ስደተኛ (ብመሰረት

  ውዕል ስደተኛታት
  )
  IND ኣብ መበቆል ሃገርካ ግፍዒ ንኸጋጥመካ ውልቃዊ ስግኣት ከምዘለካ ምስ ዝኣምን ነዚ ፍቓድ ክትረክብ ኢኻ። ንኣብነት እዚ ብሰንኪ ዓሌትካ ወይ ዜግነትካ፣ ሃይማኖትካ፣ ፖለቲካዊ ኣረኣእያኻ ወይ ድማ ኣካል ናይ ሓደ ዝተወሰነ ማሕበራዊ ጉጅለ ብሰንኪ ምዃንካ ክኸውን ይኽእል። ንኣብነት
  LHBTQIA+
  ስለ ዝኾንካ።

• ናይ ዑቕባ ፍቓድ ከም ካልኣዊ ንኡስ ሓለዋ ዝረኸበ ሰብ
  እዚ ፍቓድ ዝወሃበካ፣ IND መበቆል ሃገርካ ካብኣ ንዝመጽእ ዝኾነ ሰብ ሓደገኛ እያ ኢሉ ምስ ዝኣምን እዩ። ወይ ድማ ናብ ሃገርካ ምስተመልስካ ናይ ሞት ፍርዲ፣ ስቅያት ወይ ካልእ ዓይነት ኢ-ሰብኣዊ ኣተሓሕዛ ከጋጥመካ ኣብ ሓደጋ እትርከብ ምስ እትኸውን።

IND ናይ ዑቕባ መንበሪ ፍቓድ ክትረክብ ምዃንካ ወሲኑ ድዩ? ኣብቲ ካብ IND እትቕበሎ ደብዳቤ፣ እቲ ዝተዋህበካ ፍቓድ ከም ስደተኛ ድዩ ወይስ ከም ካልኣዊ ሓለዋ ዝረኸበ ሰብ ተጠቒሱ ይርከብ። ክልቲኦም ፍቓዳት ን3 ዓመት ዘገልግሉ እዮም።

እቲ ናይ መንበሪ ፍቓድ ፍልልይ ኣገዳሲ ዘይክመስል ይኽእል እዩ፣ ምኽንያቱ ኣብ ኔዘርላንድ ኣብ እትጸንሓሉ እዋን ሓደ ዓይነት መሰላት ስለዘለካ። ይኹን እምበር፣ ሓደ ሓደ ግዜ ኣብ ኔዘርላንድ ንኽንደይ ግዜን ስለምንታይን ክትጸንሕ ከም እትፍቀደልካ ስለ ዝጸልዎ ኣገዳሲ እዩ። ስድራ-ቤትካ ናብ ኔዘርላንድ ከተምጽእ እንተድኣ ደሊኻ እውን፣ ኣየናይ ዓይነት ናይ ዑቕባ መንበሪ ፍቓድ ዘለካ ምዃኑ ኣገዳሲ እዩ።

እቲ ኣብ መበቆል ሃገርካ ዝርከብ ኲናት ምስ ዘብቅዕ፣ ነቲ ከም ካልኣዊ ንኡስ ሓለዋ ዝረኸበ ሰብ ከም ምዃንካ መጠን ዝተዋህበካ ናይ ዑቕባ ፍቓድካ ክትስእኖ ትኽእል ኢኻ። ከም ስደተኛ ናይ ዑቕባ ፍቓድ ምስ ዝህልወካ ግን ብመሰረት IND ገና ኣብ ሓደጋ ኢኻ እትርከብ። ምኽንያቱ ድማ ንኣብነት ኣባል ናይ ሓደ ዝተወሰነ ሃይማኖታዊ ጉጅለ ብሰንኪ ምዃንካ እታ ሃገር ንዓኻ ገና ሓደገኛ ስለዝኾነት። ስለዚ መንበሪ ፍቓድካ ግዚኡ ክሳብ ዝወድቕ ኣብ ኔዘርላንድ ክትጸንሕ ትኽእል ኢኻ። ዋላ ኣብ ሃገርካ ደጊም ኲናት ዘየለ ምስ ዝኸውን፣ ወይ እቲ ኩነታት እንተድኣ ተመሓይሹ እውን።

ስለዚ ዑቕባ ንምርካብ ኣብ እተመልክተሉ እዋን፣ ንምንታይ ከም ዝሃደምካ ብንጹር ምግላጽካ ኣረጋግጽ።

ብመሰረት ውዕል ስደተኛታት ከም ስደተኛ ናይ ዑቕባ መንበሪ ፍቓድ ሒዝካ ዲኻ፡ ድሕሪ ሕጂ ግን ኣብታ መበቆል ሃገርካ ብውልቂ ኣብ ሓደጋ ኣይትኣቱን ዲኻ? ሽዑ IND ናይ ዑቕባ መንበሪ ፍቓድካ ክስርዞ ይኽእል እዩ። ንኣብነት መበቆል ሃገርካ ዳግማይ ንጉጅለ ሃይማኖትካ ውሑስ ስለ ዝኾነት።

ከም ናይ ንኡስ ሓለዋ ሰብ መጠን ናይ ዑቕባ መንበሪ ፍቓድ ትሕዝ ዲኻ፡ እንተኾነ ግን መበቆል ሃገርካ ዳግማይ ውሑስ ድዩ? ሽዑ IND ናይ ዑቕባ መንበሪ ፍቓድካ ክስርዞ ይኽእል እዩ። ንኣብነት ኣብ መበቆል ሃገርካ ዝነበረ ኲናት ስለዘብቅዐ።

ዑቕባ ክትሓትት ትደልይ ዲኻ? ስለዚ ብኸመይ ኣብ ተር ኣፐል ንመስርሕ ዑቕባ ከም እትምዝገብ ኣብዚ ኣንብብ።

IND ኣብ መደበኛ ኣገባብ ዑቕባ ብዛዕባ ናይ ዑቕባ ሕቶኻ ክውስን 6 ወርሒ ኣለዎ። ኣብቲ ቅልጡፍ ኣገባብ ዑቕባ፡ IND ኣብ ውሽጢ 3 ወርሒ ክውስን ኣለዎ። ክልቲኡ ናይ ግዜ ገደብ ኣብ ገለ ገለ ኣጋጣሚታት ክናዋሕ ይኽእል። ስለምንታይ ከምዚ ምዃኑን ኩሉ ናይ ምጽባይ ግዜታት እንታይ ምዃኑን ኣብዚ ኣንብቡ።