ዑቕባ ንምርካብ ቅድሚ ምምልካትካ ነዚ ክትፈልጥ ኣለካ

ኣብ ኔዘርላንድ ብ2 ባይታታት ግዝያዊ መንበሪ ፍቓድ ክትረክብ ትኽእል ኢኻ። ማለት፡ 

• ናይ ዑቕባ መንበሪ ፍቓድ ብመሰረት ባይታ-A፡ ብምኽንያት ዓሌትካ፣ ሃይማኖትካ፣ ዜግነትካ፣ ፖለቲካዊ ኣረኣእያኻ ወይ ማሕበራዊ ጉጅለኻ ናይ ምግፋዕ ውልቃዊ ሓደጋ እንተድኣ ኣጋጢሙካ እዚ ፍቓድ ክትረክብ ኢኻ። እዚ ባይታ-A ወይ ውዕል ስደተኛታት ብመሰረት ዋዕላ ስደተኛታት ይበሃል። 

• ናይ ዑቕባ መንበሪ ፍቓድ ብመሰረት ባይታ-B፡ እዚ ፍቓድ እትረኽቦ መበቆል ሃገርካ ንኹሉ ካብኡ ዝመጽእ ሰብ ሓደገኛ እንተድኣ ኮይኑ ወይ ድማ ካብቶም ኣብ ላዕሊ ዝተጠቕሱ ምኽንያታት ወጻኢ ብኻልእ ምኽንያት ውልቃዊ ስግኣት እንተድኣ ኣጋጢሙካ እዩ። እዚ ድማ ባይታ-B ወይ ካልኣዊ መከላኸሊ ይበሃል። 

ዝሃደምካሉ ምኽንያታት

ንኣገልግሎት ኢሚግሬሽንን ዜግነትን (IND)

IND ናይ ዑቕባ መንበሪ ፍቓድ ክትረክብ ምዃንካ ወሲኑ ድዩ? እቲ ካብ IND እትቕበሎ ደብዳቤ እዚ ብመሰረት ባይታ-A ወይ ባይታ-B ምዃኑን ዘይምዃኑን ተገሊጹ ይርከብ።

ብመሰረት ባይታ-A ከምኡ እውን ባይታ-B ናይ ዑቕባ መንበሪ ፍቓድ ምስ ዝህልወካ ኣብ ኔዘርላንድ ሓደ ዓይነት መሰል ኢኻ ትረክብ፡

• ናይ ዑቕባ መንበሪ ፍቓድካ ካብታ ዑቕባ ዘመልከትካላ ዕለት ጀሚሩ ን5 ዓመት ዝገልግል እዩ። 

• ናይ ምጥርናፍ ስድራ-ቤት ከተመልክት ትኽእል ኢኻ

• ድሕሪ 5 ዓመት ቀዋሚ መንበሪ ፍቓድ ንምርካብ ከተመልክት ትኽእል ኢኻ።

ናይ ዑቕባ መንበሪ ፍቓድ ብመሰረት ባይታ-A ድዩ ዘለካ፣ ግን ድማ ኣብ መበቆል ሃገርካ ደጊም ውልቃዊ ሓደጋ የብልካን ዲኻ? ከምኡ ምስ ዝኸውን IND ነቲ ናይ ዑቕባ መንበሪ ፍቓድካ ክምንጥለካ ይኽእል እዩ። ንኣብነት መበቆል ሃገርካ ንሃይማኖታዊ ጉጅለኻ እንደገና ውሑስ ስለዝኾነ። 

ናይ ዑቕባ መንበሪ ፍቓድ ብመሰረት ባይታ-B ድዩ ዘለካ፣ ግን ድማ መበቆል ሃገርካ እንደገና ውሑስ ኮይኑ ድዩ? ከምኡ ምስ ዝኸውን IND ነቲ ናይ ዑቕባ መንበሪ ፍቓድካ ክምንጥለካ ይኽእል እዩ። ንኣብነት እቲ ኣብ መበቆል ሃገርካ ዝነበረ ኲናት ስለዘብቕዐ።

ኣብ ኔዘርላንድ ኣብ እትጸንሓሉ እዋን ሓደ ዓይነት መሰላት ስለ ዘለካ እቲ ናይ መንበሪ ፍቓድ ፍልልይ ኣገዳሲ ዘይኮነ ክመስል ይኽእል እዩ። ኮይኑ ግን ኣገዳሲ እዩ፣ ምኽንያቱ ድማ ኣብ ኔዘርላንድ ንኽንደይ ግዜን ስለምንታይን ክትጸንሕ ከም እትኽእል ሓደ ሓደ ግዜ ስለ ዝጸልዎ እዩ።

ኣብ መበቆል ሃገርካ ኲናት ኣሎ፣ ስለዚ ድማ ሃገርካ ንኹሉ ሰብ ሓደገኛ እያ ንበል። ስለዚ ንዓኻ እውን ከምኡ። ሽዕኡ በዚ ምኽንያት ብመሰረት ባይታ-B ናይ ዑቕባ ፍቓድ ክትረክብ ትኽእል ኢኻ። ብተወሳኺ ኣባል ናይ ሓደ ሃይማኖታዊ ጉጅለ ስለ ዝኾንካ እውን ሓደጋ የጋጥመካ ድዩ? ስለዚ ኣብ ሓደጋ ናይ ዝርከብ ሃይማኖታዊ ጉጅለ ኣባል ስለ ዝኾንካ ብመሰረት ባይታ-A ዑቕባ ክትረክብ ትኽእል ኢኻ። ኣብ መበቆል ሃገርካ ዝካየድ ዝነበረ ኲናት ምስ ዘብቕዕ ነቲ ብመሰረት ባይታ-B ዝረኸብካዮ ናይ ዑቕባ ፍቓድካ ክትስእኖ ትኽእል ኢኻ። ብመሰረት ባይታ-A ናይ ዑቕባ ፍቓድ ምስ ዝህልወካ ግን ብመሰረት IND ገና ኣብ ሓደጋ ኢኻ ዘለኻ። ምኽንያቱ ኣባል ናይ ሓደ ዝተወሰነ ሃይማኖታዊ ጉጅለ ስለ ዝኾንካ እታ ሃገር ገና ንዓኻ ሓደገኛ እያ። ስለዚ ድማ መንበሪ ፍቓድካ ግዚኡ ክሳብ ዝወድቕ ኣብ ኔዘርላንድ ክትጸንሕ ትኽእል ኢኻ፣ ወይ ድማ ሓድሽ መንበሪ ፍቓድ ክትሓትት እውን ትኽእል ኢኻ። 

ስለዚ ዑቕባ ንምርካብ ከተመልክት እንከለኻ ስለምንታይ ከም ዝሃደምካ ብንጹርን ምሉእ ብምሉእን ከም እትገልጽ ኣረጋግጽ። ስለዚ ድማ ኣብ መበቆል ሃገርካ ዝርከብ ኩነታት እንተድኣ ተቐይሩ፣ ግን ድማ ገና ኣብ ሓደጋ እናሃለኻ IND ንመንበሪ ፍቓድካ ብምስሓብ ክስርዞ ኣይክእልን።