ኣብ ተር ኣፐል ኣብ ዝርከብ IND ትምዝገብ

ብበልጅዩም ወይ ብጀርመን ኣቢልካ ናብ ኔዘርላንድ እንተድኣ ኣቲኻን፣ ኣብዚ ዑቕባ ክትሓትት ምስ እትደልይን፣ ኣብ ተር ኣፐል ናብ ዝርከብ ማእከል ምዝገባ (AC) ክትከይድ ኣለካ። ኣብ ተር ኣፐል ኣብ ኣገልግሎት ኢሚግሬሽንን ዜግነትን (IND)

ናይ ኢድ ኣምባርን፣ ቁጽሪ ዘለዎ ደብዳቤን (እዚ ‘de loopbrief’ ማለት መራሒ ደብዳቤ ይበሃል) ክትቅበል ኢኻ። እቲ ናይ ኢድ ኣምባርን ደብዳቤን ድማ ድሕሪ ምዝገባ ንዝህልዉኻ ቆጸራታት ከድልዩኻ እዮም።

ኣብ IND ድሕሪ ምምዝጋብካ፣ መንነትካ ንምጽራይን ንምምዝጋብን ናብ

DISA ወግዓዊ ምጽራይ መንነትካን ምዝገባኻን ንኸካይድ ሓላፍነት ኣለዎ። ኣተርጓሚ ድማ (ብተሌፎን) ነቲ ዝርርብ ክትርጒመልካ እዩ። ምዝገባን ምጽራይ መንነትን ብኸምዚ ዝስዕብ ይካየድ፡ 

• ምጽራይ መንነት፡ DISA ካበይ ከም ዝመጻእካ፣ ጉዕዞኻን ናይ ህድማ ታሪኽካን ይሓተካ። ድሕሪኡ

  Koninklijke Marechaussee (KMar)
  ሰነዳትካ ሓቀኛታት ምዃኖምን ዘይምዃኖምን ይምርምር። 

• ምዝገባ፡ DISA ጉርዲ ስእልኻን ኣሰር ኣጻብዕትኻን ይወስድ። እዚኦም ምስ ብዛዕባ መንነትካ ዝምልከቱ ሓበሬታታትካ ብሓባር ኣብ ሃገራዊ ስርዓተ-ኮምፒተር ይኽዘኑ። ናይ ዑቕባ መመልከቲ ወረቐት ብምፍራም ድማ ዑቕባ ንምርካብ ኣብ DISA ብወግዒ ተመልክት። ሓበሬታታትካ ብምጥቃም

  W-document
  ክዳለወልካ እዩ። እዚ ሕጋዊ መለለዪ መንነት እዩ። እቲ W-document መንበሪ ፍቓድ ኣይኮነን። እዚ W-document ካበይ ከም ዝመጻእካን፣ ዑቕባ ንምርካብ ኣመልኪትካ ስለዘለኻ ኣብ ኔዘርላንድ ክትህሉው ከም ዝፍቀደልካን እዩ ዘርእይ። 

IND ኩሉ ግዜ ቅድሚ ሕጂ ናይ ዑቕባ መመልከቲ ኣቕሪብካ ዝነበርካ ምዃንካን ዘይምዃንካን ይምርምር እዩ። ኣብ ኔዘርላንድ ወይ ኣብ ካልእ ደንቢ-ዱብሊን ዝምልከታ ኤውሮጳዊት ሃገር። ኣብዚ ዳሕረዋይ ጉዳይ ንዓኻ መስርሕ ዱብሊን እዩ ዝምልከተካ። ከምኡ እውን እታ ፈለማ ዝመጻእካላ ሃገር ኣብቲ ብመንግስቲ ኔዘርላንድ ዝተዳለወ ዝርዝር ውሑሳት መበቆል ሃገራት ትርከብ ድያ? ስለዚ IND ንዘመልከትካዮ ዑቕባ በቲ 'ዝቐለለ መስርሕ ዑቕባ' ከመስርሖ እዩ። እዚ ካብቲ ንቡር መስርሕ ዑቕባ ዝሓጸረን ዝቐልጠፈን መስርሕ እዩ። ስለምንታይ ከም ዝሃደምካ ብዝምልከት ድማ ምስ IND 1 ቃለ-መሕትት ክህልወካ እዩ። 

ሓቀኛ ስምካ ክትነግርን፣ ናይ ሓሶት መንነት ከይተርኢን ኣገዳሲ እዩ። ኣብ እዋን ህድማኻ ካልእ ስም ተጠቒምካ እንተድኣ ነይርካ ምስ IND ብቕንዕና ተዛረብ። IND ኩሉ ግዜ ወረቓቕትኻ ሓቀኛታት ምዃኖምን ዘይምዃኖምን ይምርምር እዩ። ብዛዕባኻ ዘይቅኑዕ ሓበሬታ እንተድኣ ሂብካ፣ እዚ ኣብ ልዕሊ እቲ ዘመልከትካዮ ዑቕባ ሳዕቤናት ክህልዎ እዩ።