ስድራ-ቤት ንምቛም ብዛዕባ ዘቕረብካዮ መመልከቲ ንዝወሃብ ውሳኔ ምጽባይ

ሓደ ሓደ ግዜ IND ተወሳኺ ግዜ የድልዮ እዩ። ንኣብነት መመልከቲኻ ዘይተማልአ እንተድኣ ኮይኑ፣ ወይ IND ተወሰኽቲ ሰነዳት ዘድልዮ እንተድኣ ኮይኑ። ኣብ ከምዚ ኩነታት ካብ IND ደብዳቤ ክትቕበል ኢኻ። ኣብቲ ደብዳቤ፣ IND ክንደይ ተወሳኺ ግዜ ከም ዘድልዮ፣ ወይ ገና ኣየኖት ሰነዳት ክትልእኽ ከም ዘለካ ተጠቒሱ ይርከብ። ናይቲ ደብዳቤ መልስኻ ኣብ ግዚኡ ናብ IND ከም እትሰድዶ ድማ ኣረጋግጽ።

ንኩነት ናይ ምጥርናፍ ስድራ-ቤት መመልከቲኻ ብኢንተርነት ብመንገዲ 'Mijn IND' ክትከታተሎ ትኽእል ኢኻ።

ድሕሪ እቲ ገምጋም ካብ IND ደብዳቤ ክመጽኣካ እዩ። ክልተ ተኽእሎታት ድማ ኣለዉ፡

• ኣወንታዊ ውሳኔ፡ መጻምድትኻ ናብ ኔዘርላንድ ክመትጽእ ይፍቀደላ እዩ

• ኣሉታዊ ውሳኔ፡ መጻምድትካ ናብ ኔዘርላንድ ክመትጽእ ኣይፍቀደላን እዩ።

IND ኣወንታዊ ውሳኔ ምስ ዝወስድ ከምዚ ይኸውን

IND ስድራ-ቤት ንምቛም ዘቕረብካዮ ሕቶ ኣጽዲቕዎ ድዩ? ስለዚ መጻምድትኻ

• ሕጋዊ ፓስፖርት (እንተወሓደ ን6 ኣዋርሕ ዘገልግል)።

• ብዲጂታላዊ ዝተመልአ፣ ዝተሓትመን ዝተፈረመን ናይ mvv መናውሒ ቅጥዒ

• ንዝተቐመጡ ረቛሒታት ዘማልእ

  ሓድሽ ናይ ፓስፖርት ስእሊ።

መጻምድትኻ ነቶም ሰነዳት ናብ ኤምባሲ ሒዛቶም ክትከይድ ኣለዋ። ብድሕሪኡ እቲ ኤምባሲ ኣሰር ኣጻብዕቲ ናይ መጻምድትኻ ክወስድ እዩ፣ ከምኡ እውን ነቲ ናይ mvv ቪዛ ኣብ ፓስፖርታ ክልጥፎ እዩ። መብዛሕትኡ ግዜ መጻምድትኻ ነቲ ናይ mvv ቪዛ ዝተለጠፎ ፓስፖርት ንምውሳድ ካልእ ግዜ ክትምለስ ኣለዋ። በቲ ፓስፖርትን ናይ mvv ቪዛን ድማ መጻምድትኻ ናብ ኔዘርላንድ ክትገይሽ ይፍቀደላ። እቲ ናይ mvv ቪዛ ን90 መዓልታት ዘገልግል እዩ። ሃገርካ ምረጽ፣ ከምኡ እውን ናብ ኔዘርላንድ ንምጉዓዝ ብኸመይ ናይ mvv ቪዛ ንምርካብ ከም እተመልክት ኣንብብ።

IND ኣሉታዊ ውሳኔ ምስ ዝወስድ ከምዚ ይኸውን

IND ስድራ-ቤት ንምቛም ዘቕረብካዮ መመልከቲ ኣጽዲቚዎ ድዩ? ስለዚ መጻምድትኻ ናብ ኔዘርላንድ ንኽትመጽእ ቪዛ ኣይወሃባን እዩ። ኣንጻር ውሳኔ IND ይግባይ ክትብል ትኽእል ኢኻ። ብዛዕባ እዚ ድማ ምስ ጠበቓ ርክብ ክትገብር ትኽእል ኢኻ። ይግባይካ ኣብ ግዚኡ ከም እተቕርብ ኣረጋግጽ። ቅድሚ ኣየናይ ዕለት ይግባይ ከተቕርብ ከምዘለካ ኣብቲ ናይ IND ውሳኔ ተጠቒሱ ክትረኽቦ ኢኻ። 

መጻምድትኻ ባብ ኔዘርላንድ ምስ መጽአት፣ ድሕሪ ምምጻኣ ኣብ ውሽጢ 5 መዓልታት ኣብ

መጻምድትኻ ኣብ ኔዘርላንድ ምስ በጽሐት መርመራ ሕማም ዓባይ ሰዓል ክትገብር ዘድልያ ክኸውን ይኽእል እዩ። እዚ ኣብቲ መጻምድትኻ እትመጽኣሉ ሃገር እዩ ዝምርኮስ።

መጻምድትኻ መርመራ ሕማም ዓባይ ሰዓል ክትገብር ዘለዋ ምዃናን ዘይምዃናን ኣብ መርበብ-ሓበሬታ ናይ መንግስቲ ከተረጋግጽ ትኽእል ኢኻ።