ሕክምናዊ ህጹጽነት ጥራይ እዩ ኣብ ዞባ ምንቅጥቃጥ ምድሪ ምስ ዝርከቡ ስድራ-ቤትካ ዳግማይ ምጥርናፍ ዘቀላጥፍ

ዑቕባ ንምርካብ ኣመልኪትካ ምስ እትህሉውን፣

ቤት-ጽሕፈት ኣገልግሎት ኢሚግሬሽንን ዜግነትን (IND)

ብተወሳኺ IND ኣብ ቱርኪን ሶርያን ዘሎ ኩነታት፣ ዑቕባ ንምርካብ ንዝተገብሩ መመልከቲታት ንምቅልጣፍ ምኽንያት ከምዘይኮነ ሓቢሩ።

ናይ ዑቕባ መንበሪ ፍቓድ ዘለካ እንተድኣ ኮይንካ፣ ከምኡ እውን ናይ ምጥርናፍ ስድራ-ቤት ኣመልኪትካ ዘለኻ ምስ እትኸውን ወይ ከተመልክት ምስ እትደልይ፣ IND ንናይ ምጥርናፍ ስድራ-ቤት ሕቶኻ ኣብ እዋን ሕክምናዊ ህጹጽ ኩነታት ጥራይ እዩ ከቀላጥፎ ዝኽእል። IND ናይ ኣባል ስድራ-ቤትካ ሕክምናዊ ኩነታት ብዝምልከት መርትዖ ክርእይ ድማ ይደልይ እዩ። ሽዕኡ እውን እቲ ዝተቐላጠፈ መስርሕ ገና ካብ ሳምንታት ክሳብ ኣዋርሕ ክወስድ ይኽእል እዩ።

• እቲ ናይ ምጥርናፍ ስድራ-ቤት መመልከቲኻ ድሮ ብሰራሕተኛ ናይ IND ዝምስራሕ ዘሎ ምስ ዝኸውን፣ ኣብ VluchtelingenWerk Nederland (VWN) ንዝርከብ ኣማኻሪኻ ወይ ንማሕበራዊ ኣማኻሪኻ ምስ IND ርክብ ንኽገብር ሕተቶ። IND ድማ መመልከቲኻ ክቀላጠፍ ምዃኑን ዘይምዃኑን ክውስን እዩ።

• እቲ ናይ ምጥርናፍ ስድራ-ቤት መመልከቲኻ ገና ብ IND ዘይተመስርሐ ምስ ዝኸውን፣ ኣብ VWN ንዝርከብ ኣማኻሪኻ ወይ ንማሕበራዊ ኣማኻሪኻ ናይ ሕጹጽነት ሕቶ ንኸቕርብ ሕተቶ። IND ድማ መመልከቲኻ ብህጹጽ ክምስራሕ ምዃኑን ዘይምዃኑን ክውስን እዩ።

ኣስተውዕል ሕክምናዊ ህጹጽ ኩነት እንተድኣ ኣሎ ኮይኑ፣ IND ነቲ ናይ ምጥርናፍ ስድራ-ቤት መመልከቲኻ ስቕ ኢሉ ኣየቀላጥፎን እዩ። ኣብ ሶርያ ወይ ቱርኪ ዝርከብ ኣባል ስድራ-ቤትካ ኣብ ዘጨንቕ ኩነታት ምስ ዝህሉው፣ ኣብ VWN ንዝርከብ ኣማኻሪኻ ወይ ንማሕበራዊ ኣማኻሪኻ ንመመልከቲኻ ንምቅልጣፍ ኣየኖት ኣማራጺታት ምህላዎም ሕተት።

ኣባል ስድራ-ቤትካ ብሰንኪ ምንቅጥቃጥ ምድሪ ኣድለይቲ ሰነዳት ዝጠፍኦ ምስ ዝኸውን፣ IND ንናይ ምጥርናፍ ስድራ-ቤት ሕቶኻ ክግምግም እንከሎ ነዚ ኣብ ግምት ከእትዎ እዩ።

ካብ ቱርኪን ሶርያን ዝመጹ ኣባላት ስድራ-ቤት፣ ኣብ ኣንካራ ካብ ዝርከብ ኤምባሲ ኔዘርላንድ ጥራይ እዮም ናቶም

'Machtiging tot Voorlopig Verblijf' (mvv)

ብሰንኪ ሳዕቤን ምንቅጥቃጥ ምድሪ ኣብ ግዚኡ mvv ክወስዱ ኣይክእሉን ድዮም? ስለዚ IND ነዚ ኣብ ግምት ከእትዎ እዩ። እቲ mvv ዝውሰደሉ ገደብ-ግዜ ድማ ካብ 3 ናብ 6 ኣዋርሕ ክናዋሕ ይኽእል እዩ።