ውጽኢት ናይ ምውህሃድ ፈተናታትካ፣ እቲ ናይ መወዳእታ ፈተናኻ ድሕሪ ምግባርካ ኣብ ውሽጢ 8 ሳምንታት ክትቕበል ኢኻ። እቲ ውጽኢት ካብ

ፈጻሚ ኣገልግሎት ትምህርቲ (DUO)

'መንገዲ-B1' ወይ 'ትምህርታዊ መንገዲ' ወዲእካ ዲኻ? ስለዚ ዲፕሎማ ክትቕበል ኢኻ። እቲ ዲፕሎማ ኣብ ውሽጢ 4 ሳምንታት ናብ ገዛኻ ክለኣኸልካ እዩ። ኣብ እዋን ምውህሃድካ ኣብ ኣየናይ ደረጃ ቋንቋ ከም ዝበጻሕካ ድማ ኣብቲ ዲፕሎማ ተጠቒሱ ይርከብ።

'መንገዲ ርእሰ-ምኽኣል' ወዲእካ ዲኻ? ስለዚ ዲፕሎማ ዘይኮነስ፣ ዝተፈለየ ዓይነት መርትዖ ኢኻ ትረክብ። ምስክር ወረቐት። እዚ መርትዖ ካብ ምምሕዳር ከተማ ክትቕበሎ ኢኻ። ኣብቲ መርትዖ ድማ ምውህሃድካ ከም ዝወዳእካን ኣየናይ ደረጃ ቋንቋ ከም ዘለካን ተጠቒሱ ይርከብ።

ናይ ምውህሃድካ ወግዓዊ መርትዖ የድልየካ ድዩ? ስለዚ ዲፕሎማኻ ከተርእይ ወይ መርትዖ ከተውርድ ማለት ዳውንሎድ ክትገብር ትኽእል ኢኻ። እዚ ድሕሪ እቲ ናይ መወዳእታ ፈተናኻ ውጽኢት ድሕሪ 2 ሳምንታት ክግበር ይከኣል። ብድሕሪኡ ካብ 'Mijn diploma's' ናይ DUO መርትዖ ከተውርድ ትኽእል ኢኻ። እዚ መርትዖ እዚ 'ቁንጫል ቅዳሕ' ይበሃል።

እቲ ቁንጫል ቅዳሕ ምስቲ ወግዓዊ ቅዳሕ ናይ ምውህሃድ ዲፕሎማኻ ሓደ ዓይነት ክብሪ ኣለዎ። ነቲ ቁንጫል ቅዳሕ ምርካብ ብነጻ እዩ። ነቲ ቁንጫል ቅዳሕ ብዲጂታል ጥራይ ኢኻ እትጥቐመሉ። ዝተሓትመ ቁንጫል ቅዳሕ ብቚዕ ኣይኮነን።

ኣብ ኔዘርላንድ ቀዋሚ መንበሪ ፍቓድ ንምርካብ ከተመልክት ትደልይ ዲኻ? ስለዚ ኣብ ርእሲ ካልኦት ብርክት ዝበሉ ቅድመ-ኩነታት፣ ምውህሃድካ ዝወዳእካ እውን ክትከውን ኣለካ።