ኣበላት ቆልዑት ምስ ዝህልዉኻ
ነዚ ዓንቀጽ ኣካፍል
ትሑት ኣታዊ፣ ከምኡ እውን 1 ወይ ልዕሊኡ ቆልዑት ዘለካ ዲኻ? ስለዚ ፍሉያት ኣበላት ናይ ምርካብ መሰል ክህልወካ ይኽእል እዩ። ኣበል፣ ትሑት ኣታዊ ምስ ዝህልወካ ካብ መንግስቲ ክትረኽቦ እትኽእል ተወሳኺ ኣታዊ እዩ።
ኣበል መዕበይ ቆልዑት ንኹሎም ወለዲ
ኩሎም ወለዲ ኣብ ኔዘርላንድ ትሕቲ 18 ዓመት ንዝዕድሚኦም ቆልዑት ዝኣልዩ ምስ ዝኾኑ ካብ መንግስቲ ገንዘብ ይረኽቡ። እዚ ኣበል መዕበይ ቆልዑት ይበሃል። ኣብ ነፍስወከፍ 3 ኣዋርሕ ድማ ኣበል መዕበይ ቆልዑት ትረክብ። ኣበል መዕበይ ቆልዑት ኣብ ቀዳማይ ሰሙን ናይ ወርሒ ጥሪ፣ ሚያዝያ፣ ሓምለን ጥቅምትን እዩ ዝኽፈል።
መንበሪ ፍቓድ ድሕሪ ምርካብካ፣ ካብታ ትስዕብ ቀዳመይቲ ርብዒ ዓመት ጀሚሩ ኣበል መዕበይ ቆልዑት ናይ ምርካብ መሰል ኣለካ። ንኣብነት ኣብ 15 ነሓሰ ዲኻ መንበሪ ፍቓድ ረኺብካ? ስለዚ ካብ 1 ጥቅምቲ ጀሚርካ ኣበል መዕበይ ቆልዑት ናይ ምርካብ መሰል ኣለካ። እዚ ድማ ኣብ 1ይ ሰሙን ናይ ወርሒ ጥሪ ይኽፈለካ።
መጠን ናይቲ ኣበል መዕበይ ቆልዑት ኣብ ዕድመ ናይ ውላድካ ዝምርኮስ እዩ። ኣብ 2024 ኣብ ነፍስወከፍ 3 ኣዋርሕ ንሓደ ቆልዓ ካብ € 279,49 ክሳብ € 399,27 ክትረክብ ኢኻ።
ሓደ ሓደ ግዜ ድርብ ኣበል መዕበይ ቆልዑት ክትረክብ ትኽእል
ንውላድካ እትገብሮ ልዑል ወጻኢታት ኣለካ ድዩ? ምናልባት ድርብ ኣበል መዕበይ ቆልዑት ክትረክብ ትኽእል ትኸውን ኢኻ። ንኣብነት ውላድካ ብሰንኪ ትምህርቲ ኣብ ገዛ ዘይነብር እንተኾይኑ። ወይ ድማ ውላድካ ኣብ ገዛ ዝነብርን ጽዑቕ ክንክን ዘድልዮን እንተኾይኑ።
ንኣበል መዕበይ ቆልዑት ምምልካት
ኣበል መዕበይ ቆልዑት ንምርካብ ናብ 
ኣብ መዕቆቢ ናይ
ምስ ቆልዓ ዝተሓሓዝ ባጀት ትሑት ኣታዊ ንዘለዎም ወለዲ
ትሑት ኣታዊ ምስ ዝህልወካ ካብ
ካብ 18 ዓመት ዝንእሱ 1 ወይ ልዕሊኡ ቆልዑት ኣለዉኻ።
ኣበል መዕበይ ቆልዑት ትቕበል ኢኻ።
ኣታዊኻ (ናይ መጻምድትኻ እውን) ኣዝዩ ልዑል ክኸውን የብሉን። ክንደይ ክትረክብ ከም እትኽእል ድማ ኣብ ብዝሒ ዘለወኻ ቆልዑት ዝምርኮስ እዩ።
ንስኻ (መጻምድትኻ እውን) ኣዝዩ ብዙሕ ውህሉል ገንዘብ ክህልወካ የብሉን።
መሰል ምስ ዝህልወካ መብዛሕትኡ ግዜ ምስ ቆልዓ ዝተሓሓዝ ባጀት ብኣውቶማቲክ ትረክብ
ድሮ ካልኦት ኣበላትን ኣበል መዕበይ ቆልዑትን ንምርካብ ብቑዕ እንተድኣ ኮይንካ፣ ነቲ ምስ ቆልዓ ዝተሓሓዝ ባጀት እውን መሰል ዘለካ ምስ እትኸውን ብኣውቶማቲክ ክትረኽቦ ኢኻ።
ምስ ቆልዓ ዝተሓሓዝ ባጀት ናይ ምርካብ መሰል ኣለኒ፣ ኮይኑ ግን ኣይቕበልን ኣለኹ ኢልካ ትሓስብ ዲኻ? ስለዚ ብዛዕባ እዚ ባዕልኻ ናብ በዓል-መዚ ግብሪ ከተመልክት ትኽእል ኢኻ። ኣብ
መንበሪ ፍቓድ ምስ ተቐበልካ፣ ደጊም ካብ COA ንደቅኻ ዝኸውን ገንዘባዊ ኣበል ኣይትረክብን ኢኻ።
ኣበል መውዓሊ ሕጻናት
ውላድካ ናብ መውዓሊ ሕጻናት ይኸይድ ድዩ? ናይ መውዓሊ ሕጻናት ኣበል ክትረክብ መሰል ክህልወካ ይኽእል እዩ። እዚ መውዓሊ ሕጻናት ንምኽፋል ንምሕጋዝ ብመንግስቲ ዝወሃብ ኣበል እዩ።
መጻምድቲ ኣላትካ ድያ? ስለዚ መጻምድትኻ ኣብ ኔዘርላንድ ወይ ኣብ ካልእ ኣብ ውሽጢ ሕብረት ኤውሮጳ ዝርከብ ሃገር እትነብር ምስ እትኸውን ጥራይ ኢኻ ናይ መውዓሊ ሕጻናት ኣበል ናይ ምርካብ መሰል ዝህልወካ። ብተወሳኺ ነዞም ዝስዕቡ ቅድመ-ኩነታት ከተማልእ ኣለካ፡
ንስኻ (መጻምድትኻ እውን) ትሰርሕ ኢኻ፣ ናይ ምውህሃድ ስልጠና፣ ትምህርቲ፣ ወይ ናብ ስራሕ ዝወስድ መስርሕ ትኽተል ኣለኻ።
ምስ ኣስራሒ ተቖጺርካ ወይ ባዕልኻ ከም በዓል ዋኒን ትሰርሕ ምዃንካ ብዘየገድስ። ትምህርቲ ትከታተል ዲኻ? ስለዚ እዚ ብመንግስቲ ኔዘርላንድ ኣፍልጦ ዝተዋህቦ ክኸውን ኣለዎ። ብዛዕባ እዚ ናብ
እቲ መውዓሊ ሕጻናት ኣብ
መጻምድትኹም ካብ ሕብረት ኤውሮጳ ወጻኢ ዝነብሩ ምስ ዝኾኑ፣ ምናልባት ካብ ምምሕርዳር ከተማ ገንዘብ ክትቅበሉ ትኽእሉ ኢኹም
ካብ ሕብረት ኤውሮጳ (EU) ወጻኢ ዝነብር መጻምድቲ ምስ ዝህልወካ፣ ናይ መውዓሊ ሕጻናት ኣበል ኣይትረክብን ኢኻ። ምናልባት ግን ምምሕዳር ከተማ ክሕግዘካ ይኽእል ይኸውን እዩ። ውላድካ ናብ መውዓሊ ሕጻናት ምእንቲ ክኸይድ ገና ገንዘብ ከም እትረክብ ክገብሩ ይኽእሉ እዮም። ስለዚ ድማ ሽዕኡ ክትሰርሕ ወይ ቋንቋ ኔዘርላንድ ክትመሃር ትኽእል። ብዛዕባ እዚ ናብ ምምሕዳር ከተማኻ ተወከስ።
ንገለ ክፋል ናይ መውዓሊ ሕጻናት ወጻኢታት ባዕልኻ ክትከፍሎ ኣለካ
እዚ ናይ ባዕልኻ ኣበርክቶ እዩ። ነቲ ካልእ ክፋል ድማ ናይ መውዓሊ ሕጻናት ኣበል ተጠቒምካ ክትከፍሎ ትኽእል ኢኻ። ኣብ ገለ ኣጋጣሚታት ምምሕዳር ከተማ እውን ንመውዓሊ ሕጻናት ዝኸውን ቁሩብ ኣበርክቶ ክገብር ይኽእል እዩ።
ንኣበል ምምልካት
ኣብ መርበብ-ሓበሬታ ናይ በዓል-መዚ ግብሪ ኣብ 'Mijn toeslagen' ኣበላት ንምርካብ ከተመልክት ትኽእል ኢኻ። ነዚ ንምግባር ድማ
ኣብ ኣታዊኻ ዝህልዉ ለውጢታት ብቐጥታ ሓብር
ኣታዊኻ ምስ ዝውስኽ ወይ ዝቕንስ ብዛዕባ እዚ ብቐጥታ ናብ በዓል-መዚ ግብሪ ክትሕብር ኣለካ። እንተዘይኮይኑ ድሒርካ ገንዘብ ክትመልስ ክትግደድ ትኽእል ኢኻ። ወይ ድማ ዋላ ናይዚ መሰል እናሃለወካ እንከሎ ኣዝዩ ውሑድ ኣበል ክትቕበል ትኽእል ኢኻ።
ኣብ VWN ዝርከብ ኣማኻሪኻ ወይ ማሕበራዊ ኣማኻሪ ነዚ ብዝምልከት እውን ክሕግዘካ ይኽእል እዩ።
