IND ብዛዕባ መስርሕ ዑቕባኻ ኣብ ምውሳን እንተድኣ ደንጒዩ እንታይ ክትገብር ትኽእል?

ብመሰረት ሕጊ

ጠበቓኻ ኣየናይ ናይ ውሳነ ግዜ ንመመልከቲ ዑቕባኻ ከም ዝምልከት ምሳኻ ክምርምር ሕተቶ። ነዚ ኣብ Mijn IND ውን ክትከታተልዎ ትኽእሉ ኢኹም። ኣብኡ ድማ IND ብመሰረት እቲ ሕጋዊ ገደብ ግዜ ብዛዕባ መመልከቲኻ መዓስ ክውስን ከም ዘለዎ ይገልጽ። ናብ Mijn IND መእተዊ ገጽ ንምኻድ ነዚ ሊንክ ተጠቐሙ።

ምስ IND እትገብሮ ቃለ መሕትት ነዊሕ ክትጽበ ትኽእል ኢኻ። ከም ውጽኢቱ ድማ ናይ ዑቕባ መስርሕካ ብሓቂ ገና ዘይተጀመረ ክመስል ይኽእል እዩ። ይኹን እምበር እቲ ናይ ውሳነ ግዜ ድሮ ይጎዪ ክኸውን ይኽእል እዩ። ስለዚ ምስ IND እትገብሮ ቃለ መሕትት ጥራይ ዘይኮነስ፡ ነቲ ንመመልከቲኻ ዝምልከት ናይ ውሳነ ግዜ እውን ምርኣይ ኣገዳሲ እዩ።

ናይ ውሳነ ገደብ-ግዜኻ ሓሊፉ ድዩ፣ IND ድማ ገና ውሳነ ኣይወሰደን ድዩ? ስለዚ ንIND ምስ ጠበቓኻ ብሓባር ብምዃን ‘

ነዚ ብኸምዚ ዝስዕብ ትገብሮ፡  

1. ጠበቓኻ ብዛዕባ እዚ ንኽድግፈካን፣ ነቲ ናይ IND ቅጥዒ ንኽመልኦን ሕተቶ።

   
   IND ነቲ ምልክታ ጥሕሰት-ግዴታ ናብቲ ቅኑዕ ናይ ፖስታ ኣድራሻ ወይ ብመንገዲ እቲ ቅኑዕ ውሑስ ናይ ኢ-መይል ኣድራሻ እንተድኣ ሰደድካዮ ጥራይ እዩ ዘመስርሖ። ነቲ ዝተሓትመን ዝተመልአን ቅጥዒ ብዝተመዝገበ ፖስታ ናብዚ ዝስዕብ ኣድራሻ ለኣኮ፡
   
   Immigratie- en Naturalisatiedienst  
   Postbus 14  
   9560 AA TER APEL 
   

ውሑስ ኢመይል

ነቲ ቅጥዕን ፍቓድን ብውሑስ መንገዲ ናብ IND ብኢ-መይል

ኣስተውዕል፡ ኩሉ ዓውድታት ናይቲ ቅጥዒ ከም ዝመላእካ ኣረጋግጽ። ናይ ዑቕባ መመልከቲኻ ምሉእ ክኸውን ኣገዳሲ እዩ። IND ተወሳኺ ሓበሬታ እንተድኣ ደልዩ፣ እዚ መመልከቲኻ ኣብ ምምስራሕ ጽልዋ ክህልዎ ይኽእል እዩ። 

IND ነቲ ናትካ 'ምልክታ ጥሕሰት-ግዴታ' መልሲ እንተድኣ ሂቡን፣ ኣብ ውሽጢ 2 ሳምንታት ብዛዕባ ዘመልከትካዮ ዑቕባ እንተድኣ ወሲኑን፣ እዚ ስጉምቲ ተዛዚሙ ማለት እዩ። ውሳነ ተቐቢልካ ኣለኻ። ዘመልከትካዮ ዑቕባ ይጸድቕ ወይ ይንጸግ። 

IND ድሕሪ እቲ ዝሃብካዮ ምልክታ ጥሕሰት-ግዴታ፣ ሕጂ እውን ኣብ ውሽጢ 2 ሳምንታት ውሳኔ ኣይሃበን ድዩ? ስለዚ ናብ ቤት-ፍርዲ ክትከይድ ትኽእል ኢኻ። እዚ ድማ 'ይግባይ' ይበሃል። ብዛዕባ እዚ እውን ካብ ጠበቓኻ ሓገዝ ሕተት። ብኸምዚ ዝስዕብ ይግባይ ትብል፡  

• መስርሕ ንምጅማር፣ ጠበቓኻ ናይ ይግባይ ምልክታ ማለት ጽሑፍ ናብ ቤት-ፍርዲ የቕርብ። ብመንገዲ ናይ ይግባይ ምልክታ፣ IND ሕግታት ዘኽበረ ምዃኑን ዘይምዃኑን ዳኛ ንኽምርምር ትሓቶ። ኣብዚ ጉዳይ እዚ እቲ ፍረ ነገር IND ኣብ ግዚኡ ውሳነ ዘይምውሳዱ እዩ። 

• ሓደ ሓደ ግዜ ምስ ጠበቓኻ ናብ ቤት-ፍርዲ ክትመጽእ ኣለካ፣ መብዛሕትኡ ግዜ ግን ከምኡ ኣይኮነን። መብዛሕትኡ ግዜ ዳኛ ንኸምዚኦም ዓይነት ጉዳያት ሰነዳት ብምርኣይ ጥራይ እዩ ዝውስን። እቲ ቤት-ፍርዲ፣ IND ናይቲ ጉዳይ ሰነዳት ንኽሰድድን፣ ከምኡ እውን ንምንታይ ገና ውሳኔ ከምዘይሃበ ንኽገልጽን ይሓቶ። ናብ ቤት-ፍርዲ ክትከይድ ዘለካ እንተድኣ ኮይንካ፣ ብዛዕባ እዚ ካብ ቤት-ፍርዲ ደብዳቤ ክመጽኣካ እዩ። 

ብመሰረት ሕጊ፣ መጋባእያ ምክያድ ዘየድልይ እንተድኣ ኮይኑ፣ ዳኛ ኣብ ውሽጢ 8 ሳምንታት ውሳነ ክህብ ኣለዎ። መጋባእያ ምክያድ ኣድላዪ እንተድኣ ኮይኑ፣ ዳኛ ኣብ ውሽጢ 13 ሳምንታት ውሳነ ክህብ ይፍትን። ብተግባር ዝያዳ ግዜ ክወስድ ይኽእል እዩ። ነቲ ናይ ዳኛ ውሳነ ድማ ብፖስታ ክትቅበል ኢኻ።  

ቤት-ፍርዲ ንስኻ ቅኑዕ ምህላውካ ምስ ዝውስን፣ IND ብዛዕባ መመልከቲኻ ብቕልጡፍ ውሳነ ክህብ ኣለዎ። መብዛሕትኡ ግዜ ቤት-ፍርዲ ንIND ነዚ ዝኸውን ተወሳኺ ግዜ ይህቦ እዩ። IND ኣብዚ ገደብ-ግዜ እንተድኣ ዘይወሰነ፣ ዳኛ ኣብ ልዕሊ IND መቕጻዕቲ ክብይን ይኽእል እዩ። ብድሕሪኡ IND ክኸፍለካ ኣለዎ። እዚ ድማ ናይ መቕጻዕቲ ክፍሊት ይበሃል። ብኸምዚ ድማ ዳኛ፣ IND ብዛዕባ እቲ ዘመልከትካዮ ዑቕባ ቅልጡፍ ውሳነ ከምዝህብ ክገብር ይፍትን። 

ብዕለት 13 ጥቅምቲ 2026 ሰኔት ናይ መቕጻዕቲ ክፍሊት ዘወግድ ሕጊ ኣጽዲቑ። እቲ ሓድሽ ሕጊ መዓስ ተግባራዊ ከምዝኸውን ገና መንግስቲ ክውስን ኣለዎ። ክሳብ ሽዕኡ እቲ ቤት-ፍርዲ ገና ኣብ ልዕሊ IND ናይ መቕጻዕቲ ክፍሊት ክብይን ይኽእል እዩ። 

እቶም ሓደስቲ ሕግታት ኣብ ግብሪ ምስ ወዓሉ፣ ዳኛ ገና ንIND ኣብ ውሽጢ ሓድሽ ናይ ግዜ ገደብ ውሳነ ንኽህብ ክእዝዝ ይኽእል እዩ። እንተኾነ ግን ዳኛ ድሕሪ ደጊም ናይ መቕጻዕቲ ክፍሊት ክብይን ኣይክእልን እዩ። 

ድሮ ናብ ቤት-ፍርዲ ከይዶም ንዘለዉ ሰባት ብዝምልከት ፍሉያት ሕግታት ተፈጻምነት ኣለዎም። IND ድሮ ደንጉዩ ድዩ ነይሩ፣ ጠበቓኻ ድማ ቅድሚ እቲ ሓድሽ ሕግታት ኣብ ግብሪ ምውዓሉ ይግባይ ኣቕሪቡ ድዩ? ስለዚ ኣብቲ ሕጋዊ መስርሕ እቲ ናይ ቀደም ሕግታት እዩ ተግባራዊ ኮይኑ ዝቕጽል። ስለዚ ድማ ዳኛ ገና ናይ መቕጻዕቲ ክፍሊት ክብይን ይኽእል እዩ። 

ንIND ምልክታ ጥሕሰት-ግዴታ ጥራይ ዲኻ ሂብካዮ፣ ግን ድማ ክሳብ ሕጂ ይግባይ ኣይተቐረበን ድዩ? ስለዚ እቲ ናይ ቀደም ሕግታት ብቐጥታ ኣይምልከተካን እዩ። እቲ ሓድሽ ሕጊ ንዓኻ እንታይ ማለት ምዃኑ ምስ ጠበቓኻ ተዘራረብ።

መጠን ናይቲ መቕጻዕቲ ክፍሊት ክፈላለይ ይኽእል እዩ፡ መብዛሕትኡ ግዜ ግን ኣብ መዓልቲ € 100 ኮይኑ፣ እቲ ዝለዓለ ገደብ መጠን ገንዘብ ድማ 7,500 ወይ 15,000 እዩ። 

ዳኛ፣ IND ውሳነ ስለዘይሃበ ብልክዕ ተወሳኺ ጸቕጢ ምግባር ዘድሊ ኮይኑ እንተድኣ ረኺብዎ፣ እቲ መጠን ገንዘብ ኣብ መዓልቲ ካብ 100 ኤውሮ ንላዕሊ ኮይኑ ክሳብ 250 ኤውሮ ኣብ መዓልቲ ከይተረፈ ክልዕል ይኽእል፣ ናይ መወዳእታ ገደብ ድማ እንተበዝሐ 37,500 ክኸውን ይኽእል። 

እዞም መጠን ገንዘብ፣ እቶም ሕጂ ዘለዉ ሕግታት ተፈጻምነት ዘለዎም ክሳብ ዝኾኑን፣ እቶም ናይ ቀደም ሕግታት ተግባራዊ ኣብ ዝኾኑሎም ሕጋዊ መስርሓትን ኣገደስቲ ኮይኖም ክቕጽሉ እዮም። 

ናይ መቕጻዕቲ ክፍሊት ንዓኻ ፋይናንሳዊ ሳዕቤናት ክህልዎ ይኽእል እዩ

• ንእትረኽቦ ማሕበራዊ ገንዘባዊ ደገፍ
  
  IND መቕጻዕቲ ክኸፍለካ እንተድኣ ኮይኑ፣ እቲ እትረኽቦ ገንዘብ ከም ናይ ገዛእ-ርእስኻ ገንዘብ እዩ ዝቑጸር።

  ማሕበራዊ ገንዘባዊ ደገፍ
  ትቕበል እንተድኣ ኮይንካ፣ እዚ ኣብ ልዕሊ እቲ እትረኽቦ ብዝሒ
  ገንዘባዊ ደገፍ
  ጽልዋ ክህልዎ ይኽእል እዩ። ስለዚ እትረኽቦ ማሕበራዊ ገንዘባዊ ደገፍ ክቕንስ ይኽእል እዩ። ንኣቑሑት ገዛኻ ክትረኽቦ ኣብ ልዕሊ እትኽእል መጠን ገንዘብ እውን ጽልዋ ክህልዎ ይኽእል እዩ። መንግስቲ ደንጉዩ ውሳነ ብሰንኪ ምሃቡ ዝረኸብካዮ መቕጻዕቲ ካብቲ እትረኽቦ ማሕበራዊ ገንዘባዊ ደገፍ ብቕጽበት ኣቕነስን እዩ። እዚ ከም ውልቀ-ሰብ ርእሰ-ማልካ ልዕሊ 8000 ኤውሮ (እዚ ካብ 1 ጥሪ 2026 ጀሚሩ ተግባራዊ ዝኾነ መጠን ገንዘብ እዩ) ምስ ዝኸውን ጥራይ እዩ እትረኽቦ ማሕበራዊ ገንዘባዊ ደገፍ ዝቕንስ። እዚ ንስድራ-ቤት ወይ ንጽል ወላዲ ዕጽፊ ናይቲ መጠን ገንዘብ፡ ማለት 16,000 ይምልከት። እትረኽቦ ማሕበራዊ ገንዘባዊ ደገፍ ምንካይን ዘይምንካይን እውን ኣብቲ እትነብረሉ ምምሕዳር ከተማ ይምርኮስ እዩ። ነፍስወከፍ ምምሕዳር ከተማ ነዚ ብኸመይ ከም ዝሕዞ ይፈላለ እዩ።

• ንመዕቆቢ ዝኸውን ኣበርክቶ ክትከፍል ክትግደድ ትኽእል ኢኻ
  
  IND መቕጻዕቲ ኣብ ዝኸፍለካ እዋን፣ (ገና) ኣብ መዕቆቢ ትነብር ዘለኻ ክትከውን ትኽእል ኢኻ። ስለዚ ንመዕቆቢኻ ዝኸውን ኣበርክቶ ምኽፋል ክትጅምር ዘለካ ክትከውን ትኽእል ኢኻ። ወይ ድማ ብሰንኪ እዚ፣ ሰሙናዊ ወይ ናይ መነባብሮ ኣበል ዘይትረክብ ወይ ሒደት እትረክብ ክትከውን ትኽእል ኢኻ። ክንደይ ክትከፍል ከም ዘለካ ኣብ ብዝሒ ስድራ-ቤትካን፣ ኣብቲ እትረኽቦ መጠን ሰሙናዊ ኣበልን እዩ ዝምርኮስ። ልዕሊ € 8000 (ንጽል እንተድኣ ኮይንካ) ወይ € 16,000 (ስድራ-ቤት እንተሃልዩካ) ኣለካ ድዩ? ስለዚ ምናልባት ኣበርክቶ ክትከፍል ክትግደድ ትኽእል ኢኻ። ነዚ ናብ

  ማእከላይ ኣካል መቐበሊ ሓተትቲ ዑቕባ (COA)
  ክትሕብር ኣለካ። እዚ መጠን ገንዘብ ካብ 1 ጥሪ 2026 ጀሚሩ ተፈጻምነት ዘለዎ እዩ። ብዛዕባ እዚ ኣብ COA ከተጻርይ ኣገዳሲ እዩ። ትሰርሕ እንተድኣ ኮይንካ፣ እቲ መቕጻዕቲ ምቕባል ሳዕቤን የብሉን፣ ብዘይካ ኣበላት ትቕበል እንተድኣ ኮይንካ። ክትከፍሎ ዘለካ መጠን ገንዘብ ዝሓዘ ደብዳቤ ድማ ካብ COA ክመጸካ እዩ።