ኑሪ ንሓደስቲ መጻእቲ ብዛዕባ ዋኒን ትካል ይመክር፡ "ኔዘርላንድ ናይ ወረቓቕቲ ሃገር እያ"

"እቲ ናይ ደገ ማዕጾ ብዙሕ ቀልጢፉ ከምዘይክፈት ግበርዮ" ኑሪ ናብቲ ሰንሰር እናኣመልከተ ንናርዶስ መኸራ። "እንተዘይኮይኑ ንኣጋይሽ ኣዝዩ ቚሪ ክኾኖም እዩ፣ ንመውዓዪ ድማ ብዙሕ ትኸፍሊ። ነዚ ከስተኻኽሎ ዝኽእል ሰብ እፈልጥ እየ።" ድሒሩ ድማ "ፍርያትኪ ኣብ ዝያዳ ጎሊሑ ክረኣየሉ ዝኽእል ቦታ ኣቐምጥዮ፣ ስለዚ ድማ ምናልባት ዝያዳ ክትሸጢ ትኽእሊ" ይብል።

ኑሪ ኣብ Stichting Pangea ከም ኣሰልጣኒ ንግዲ መጠን ንናርዶስ ትካል ኣብ ምምስራት ብዛዕባ ዘለዎ ተመኩሮ የካፍላ። ናብ መርበቡ ንኽትጽንበር ድማ ኣኽእሎ ይህባ። እዚ ትካል ግብረ-ሰናይ እዚ ቅድሚ 2 ዓመት ኣብ ኔዘርላንድ ናይ ባዕሉ ናይ ተምሪ ትካል ይጅምረሉ ኣብ ዝነበረ እዋን ዝሓገዞ እዩ። "ሳላኦም ሕጂ ኩሎም ዘድልዩ ምስክር ወረቓቕቲን ከም ዓማዊል ድማ ዓበይቲ ኩባንያታትን ኣለኒ።"

ኤርትራዊት ናርዶስ፡ "ንምኽሪ ናይ ኑሪ ክብሪ ኣለኒ። እቲ ትካል ግብረ-ሰናይ ኣብ ምቛም ቤት-መግበይ ብዙሕ ሓጊዙኒ እዩ። ኣብ ምምሕዳራዊ ክፋል ጥራይ ዘይኮነስ፣ ኣብ ምልካይ ቀለምን ኣቑሑት ገዛን እውን። ሳላኦም እቲ ኣዝየ ዝደልዮ ዝነበርኩ ክገብር ክኢለ እየ። ሰባት ጥዑም መግቢ ከም ዘስተማቕሩ ምግባር ባህታ ዝፈጥረለይ ምዃኑ ጥራይ ዘይኮነስ፣ ንኔዘርላንዳውያን ምስ ባህሊ ኤርትራ ንምልላይ እውን ብሉጽ መንገዲ እዩ ኢለ ይሓስብ።"

ኣብ የመን ዝተወልደ ኑሪ፣ ድሮ ኣብ AZC እንከሎ ንግዲ ንምጅማር ክውጥን ጀሚሩ። ስድርኡ ኣብ የመን ተምሪ እዮም ዝነግዱ፣ ኑሪ ድማ ኣብ ኔዘርላንድ ልክዕ ከምኡ ክገብር ደለየ።

ኣብ ኔዘርላንድ ዑቕባ ድሕሪ ምሕታቱ፣ ገና ኣብ መዕቆቢ ኣብ ዝነበረሉ ግዜ ብዛዕባ ዋኒን ትካል ትምህርቲ ተኸታቲሉ። ኣብኡ እውን ውጥን ንግዲ ጽሒፉ። መንበሪ ፍቓዱ ምስ ተቐበለ ድማ ኣብ

"ኣብ የመን ብኸመይ ናይ ባዕለይ ትካል ከም ዝጅምር እፈልጥ ነይረ እየ፣ ኣብ ኔዘርላንድ ግን ኣዝዩ ዝተፈልየ እዩ ነይሩ።" ንኣብነት ኑሪ ንፍርያትካ ዝኸውን መኽዘንን ቅኑዕ ምስክር ወረቓቕትን ኣለካ ድዩ ተባሂሉ ተሓቲቱ። "ኣብ የመን ንግዲ ምግባር ዝያዳ ምስ ስምዒትን ተመስጦን ዝተሓሓዝ እዩ። ኣብዚ ንኹሉ ኣብ ወረቐት ከተስፍሮ ኣለካ። እንተዘይኮይኑ ርሑቕ ኣይትኸይድን ኢኻ።"

"ብኸመይ ከም ዝጀመርኩ ምልስ ኢለ ክሓስቦ እንከለኹ፣ ኣብ ኔዘርላንድ ብዛዕባ ንግዲ ምጅማር ሒደት ኣፍልጦ እዩ ነይሩኒ። ኩሉ ነገር ንበይነይ እየ ገይረዮ፣ ዋላ ብጭቡጥ ግዜ ንዘይነበረኒ ነገራት እውን። ተልመዴን እየ ነይረ፣ ብዙሕ ናይ ጀማሪ ጌጋታት እውን ፈጺመ እየ። ግን ድማ ካብኡ እውን ብዙሕ ተማሂረ፣ ተስፋ ኸኣ ከይቆረጽኩን" ይብል ብኹርዓት።

ናይ ናርዶስ ኮንታክትፐርሶን ኣብቲ ንግዲ ንምጅማር ዝነበራ ውጥን ብቐጥታ ደጊፍዋ። ምስ Stichting Pangea ድማ ኣተሓሒዞማ። እንተኾነ ግን ናይ ምምሕዳር ከተማ ኮንታክትፐርሶን ኩሉ ግዜ ክሳብ ክንድኡ ሓጋዚ ኣይኮነን ይብል ኑሪ። "ብሓቂ ናይ ገዛእ ርእስኻ ትካል እንተድኣ ደሊኻ፣ ክትነግሮ ጥራይ ዘይኮነስ ከተርእዮ እውን ኣለካ"።

"ኔዘርላንድ ናይ ወረቓቕቲ ሃገር እያ። ውጥን ንግዲ ኣዳሉው። ውጥን ባጀት ግበር። እንታይ ከም ዘድልየካን ነዚ ብኸመይ ክትበጽሖ ከም እትደልይን ኣርእይ። ሓደ ኮንታክትፐርሶን ዘለካ ዘይሕለል ጽንዓት ምስ ዝርእይ ብርግጽ ምሳኻ ብምዃን ኣብ ምሕሳብ ክሕግዘካ እዩ። ኣርእይ፡ ኣነ እዚ እየ ዝደልይ!"

ኑሪ፣ ናይ ባዕሎም ንግዲ ክጅምሩ ንዝደልዩ ካልኦት ሰባት ዝኾኑ ገለ ኣገደስቲ ምኽርታት ኣለዎ፡