ኣብ ብዙሕ ቦታታት ወለንታዊ ስራሕ ክትሰርሕ ትኽእል ኢኻ። ንኣብነት ኣብ ኮማዊ ማእከል፣ ኣብ ቤት-ትምህርቲ ወይ ኣብ ቤተ-መጻሕፍቲ። ኣብ

ማእከላይ ኣካል መቐበሊ ሓተትቲ ዑቕባ (COA)

VluchtelingenWerk Nederland (VWN)

ናብ ሰደቓ ተሳትፎ 'Meedoenbalie' ክትከይድ እውን ትኽእል ኢኻ። እዚ COA ኣብቲ ከባቢ ምስ ዝርከባ ናይ ወለንተኛታት ውድባት ብምትሕብባር (ወለንታዊ) ስራሕ ዘቕርበሉ ሰደቓ እዩ። ኣብ 40 ናይ COA መዕቆቢ ቦታታት ድማ ናይ ተሳትፎ ሰደቓ ኣሎ። መዕቆቢ ቦታኻ እውን ከምዚ ዓይነት ሰደቓ ዘለዎ ምዃኑን ዘይምዃኑን ንሰራሕተኛ ናይ COA ክትሓትት ትኽእል ኢኻ።

ኣብ ናይ COA መዕቆቢ ወለንታዊ ስራሕ ክትሰርሕ ትኽእል ኢኻ። ንኣብነት ንህንጻታት ወይ ጀርዲን ኣብ ምጽራይን ምክንኻንን ብምሕጋዝ። ወይ ኣብ ምትርጓም ብምሕጋዝ። ነዚ ስራሕ ኣብ ሰሙን እንተበዝሐ ን25 ሰዓታት ክትሰርሕ ትኽእል ኢኻ። ዝለዓለ ገደብ ክፍሊት €14 ኣብ ሰሙን ድማ ትረክብ። ብዛዕባ እዚ ብዝምልከት ካብ ሰደቓ ሓበሬታ ናይ COA ሓበሬታ ክትረክብ ትኽእል ኢኻ።