መንበሪ ፍቓድ ክትረክብ ምዃንካን ዘይምዃንካን IND ውሳኔ ይህብ

IND ብቐንዱ ነቲ ናይ ቃለ-መሕትትካ ጽሑፋዊ ጸብጻብ እዩ ዝጥቀም። IND ነቲ ቃለ-መሕትት ይቐድሖ እውን እዩ። እቲ ቅዳሕ ድሒሩ፣ ኣብ እዋን እቲ ቃለ-መሕትት እንታይ ከም ዝተባህለ ንምርግጋጽ ክሕግዝ ይኽእል እዩ።

ኣወንታዊ ውሳነ ዲኻ ረኺብካ? ስለዚ ናይ ዑቕባ መንበሪ ፍቓድ ይወሃበካ። እዚ ማለት ንግዚኡ ኣብ ኔዘርላንድ ክትጸንሕ ይፍቀደልካ ማለት እዩ።

ካብ IND ደብዳቤ ክትቕበል ኢኻ። እዚ ደብዳቤ 'ውሳነ' ይበሃል። ኣየናይ መንበሪ ፍቓድ ከም እትረክብ ኣብቲ ውሳነ ተጠቒሱ ክትረኽቦ ኢኻ። ብተወሳኺ IND ከም ስደተኛ ኣፍልጦ ዝህበካ ምዃኑን ዘይምዃኑን፣ ወይ ካልኣዊ ንኡስ ሓለዋ ዝወሃበካ ምዃኑን ዘይምዃኑን እውን ኣብኡ ተጠቒሱ ይርከብ።

ኣብ መንጎ

ኣሉታዊ ውሳነ ዲኻ ትቕበል? ስለዚ IND ዘመልከትካዮ ዑቕባ ይነጽጎ። ካብ IND ንምንታይ መመልከቲኻ ከም ዝተነጽገ ዝገልጽ ደብዳቤ ክትቕበል ኢኻ።

ምስቲ ውሳነ ኣይትሰማማዕን ዲኻ? ስለዚ ብዛዕባ እዚ ብዝተኻእለ መጠን ቀልጢፍካ ምስ ጠበቓኻ ተዘራረብ። ጠበቓኻ ናብ ቤት-ፍርዲ ይግባይ ክትብል ትኽእል ምዃንካን ዘይምዃንካን ክገልጸልካ ይኽእል እዩ።

ብዛዕባ እዚ ካብ IND ዝተቐበልካዮ ደብዳቤ ብዝተኻእለ መጠን ቀልጢፍካ ምስ ጠበቓኻ ተዘራረብ። ብIND ዝተወሰነ ውሳነ ንምርድኡ ኣጸጋሚ ክኸውን ይኽእል እዩ። ጠበቓኻ እቲ ውሳነ እንታይ ማለት ምዃኑ፣ ከምኡ እውን ናብ ቤት-ፍርዲ

እንታይ ካልኦት ኣማራጺታት ከምዘለዉ ብዝምልከት፣ ምስ VluchtelingenWerk እውን ክትዘራረብ ትኽእል ኢኻ። ንኣብነት ሓደስቲ ሓቅታት እንተሃልዮም፣ ሓድሽ ናይ ዑቕባ መመልከቲ ንምቕራብ።

ብዛዕባ ምምላስ ሓበሬታ ክትረክብ ትደልይ ዲኻ? ስለዚ ብዛዕባ ናብ መበቆል ሃገርካ ብወለንታ ምምላስ ፣ ወይ ብዛዕባ ብግዴታ ምምላስ ኣንብብ።

ኣብ ቅልጡፍ መስርሕ ዑቕባ ዲኻ ዘለኻ? ስለዚ ድሕሪ ኣሉታዊ ውሳነ ስጉምቲ ክትወስደሉ እትኽእል ሒደት ግዜ እዩ ዘለካ።

ስለዚ እቲ ውሳነ እንተድኣ ዘይተረዲኡካ፣ ወይ ምስኡ ዘይተሰማማዕ እንተድኣ ኮይንካ፣ ብቕልጡፍ ምስ ጠበቓኻ ወይ ምስ VluchtelingenWerk ርክብ ግበር።