ኣብቲ እትነብረሉ መዕቆቢ ውሕስነት ኣይስምዓካን ድዩ? ኣብ

COA ወይ VWN ብግቡእ ክሕግዙኻ ኣይክእሉን ድዮም? ስለዚ ክትከዶም እትኽእልን፣ ክሕግዙኻ ዝኽእሉን ናይ LHBTI ውድባት እውን ኣለዉ። ኣድልዎ ስለዝበጽሓካ (ህጹጽ) ሓገዝ ምስ ዘድልየካ፣ ወይ ናብ ፖሊስ ጥርዓን ከተቕርብ እንተድኣ ደሊኻ ምስ LGBT Asylum Support ርክብ ክትገብር ትኽእል ኢኻ። 'LGBT Asylum Support' ክድግፉኻን፣ ከምኡ እውን ምሳኻ ብሓባር ምስ COA ወይ ካልኦት ውድባት ክመያየጡን ይኽእሉ እዮም።

(ንህይወት ዘስግእ) ሓደገኛ ኩነታት ምስ ዘጋጥመካ ኩሉ ግዜ ናብ 112 ደውል። እዚ ናይ ኔዘርላንድ ቁጽሪ ህጹጽ ረድኤት እዩ።    

ብተወሳኺ ኣብ ውሽጢ ፖሊስ ብፍላይ ንLHBTI ሰባት ምስ ዝዓለመ ፍሉይ ውድብ ርክብ ክትገብር ትኽእል ኢኻ። እዚ 'Roze in Blauw' ተባሂሉ ይጽዋዕ፣ ከምኡ እውን እዚ ኣብ ኔዘርላንድ ምስ LHBTI ዝተኣሳሰር ኣድልዎን ካልኦት ገበናትን (ንኣብነት ኣብ ቆጸራ ምዕማጽ ወይ ምጽላም) ብዝምልከት ፍሉይ መጥርዒ ነቚጣ እዩ።

ምስ 'Roze in Blauw' ብቁጽሪ ተሌፎን (088) 169 12 34 ርክብ ክትገብር ትኽእል ኢኻ። ወይ ድማ ናብ፡ rozeinblauw@politie.nl ኢ-መይል ክትሰድድ ትኽእል ኢኻ።