ኣብ ኔዘርላንድ ብኸምዚ ሰላማዊ ሰልፊ ክትገብር ትኽእል

ቅዋም ኔዘርላንድ (ዓንቀጽ 9) ኣብ ኔዘርላንድ ነፍስወከፍ ሰብ ብዛዕባ ዝኾነ ዛዕባ ሰላማዊ ሰልፊ ክገብር ከምዝኽእል ይገልጽ። መንግስቲ ድማ ምስ ትሕዝቶ ወይ ምኽንያት ናይቲ ሰላማዊ ሰልፊ ዘይሰማማዕ ምስ ዝኸውን፣ ነቲ ሰላማዊ ሰልፊ ደው ከብሎ ኣይክእልን። ኮይኑ ግን መንግስቲ ንሰላማዊ ሰልፍታት ዝምልከቱ ሕግታት ክሕንጽጽ ይኽእል እዩ። እዚ ድማ ዕማም ናይ ምምሕዳር ከተማታትን ከንቲባታትን እዩ። እዚ ሕጊ ኣብ

ኣብ ኔዘርላንድ ብዝተፈላለዩ ኣገባባት ሰላማዊ ሰልፊ ክትገብር ትኽእል ኢኻ። እዚ መብዛሕትኡ ግዜ ኣብ ህዝባዊ ቦታታት ሰላማዊ ሰልፊ ብምግባር እዩ ዝካየድ። ብጽሑፍ እውን ሰላማዊ ሰልፊ ክትገብር ትኽእል ኢኻ። 

ተሳተፍቲ ሰላማዊ ሰልፊታት ጎነጽ ክጥቀሙ ኣይፍቀደሎምን እዩ። ሰልፈኛታት ብዛዕባ ካልኦት ሰባት፣ መበቆሎም፣ ዓሌቶም ወይ ሃይማኖቶም ጽልኢ ክገልጹ እውን ኣይፍቀደሎምን። ልክዕ ከም ጽልእን ጎነጽን ኣድልዎ ምግባር እውን ኣይፍቀድን እዩ። እዚ እንተድኣ ኣጋጢሙ ግን መንግስቲ ነቲ ሰልፊ ደው ከብሎ ይኽእል እዩ። 

ኣብዚ ታሕቲ ሰላማዊ ሰልፊ ክትገብረሎም እትኽእል ዝተፈላለዩ ኣገባባት ክተርእይ ትኽእል ኢኻ፡  

ሰላማዊ ሰልፊ ክትገብር እንተድኣ ደሊኻ፣ ብዛዕባ እዚ ኣብ ግዚኡ ናብቲ ሰልፊ ትገብረሉ ምምሕዳር ከተማ ክትሕብር ኣለካ። ሰላማዊ ሰልፊ ክትገብር ከም እትደልይ

እቲ ከንቲባ ንኣብነት እቲ ሰልፊ ዝካየደሉ ቦታ ክቕይር ይኽእል እዩ። ብድሕነት ምኽንያት ናይቲ ሰልፊ ዝካየደሉ ግዜ እውን ክቕይር ይኽእል እዩ። ንትሕዝቶ ናይቲ ሰልፊ ክቕይር ግን ኣይክእልን እዩ። ብዛዕባ እዚ ሰልፊ እንተድኣ ዘይሓቢርካ፣ ከንቲባ ነቲ ሰልፊ ደው ከብሎ ይኽእል እዩ። ኣብ ከምዚ ዝስዕብ ድማ እቲ ምምሕዳር ከተማ ጣልቃ ክኣቱው ይኽእል እዩ፡

• ናይ ሰልፈኛታት ወይ ሓለፍቲ መንገዲ ድሕነትን ጥዕናን ኣብ ሓደጋ እንተድኣ ወዲቑ፤

• እቲ ሰልፊ ኣብ ትራፊክ ጸገም እንተድኣ ፈጢሩ፤

• ናዕቢ፣ ጎነጽ ወይ ገበናዊ ተግባራት ክፍጸሙ ትጽቢት ምስ ዝህሉው።

መንግስቲ ኔዘርላንድ ንተሳተፍቲ ሰላማዊ ሰልፊ ክከላኸለሎም ኣለዎ። ንኣብነት ኣንጻሮም ተቓወምቲ ምስ ዝህልዉ፣ ወይ ድማ ኣንጻር እቲ ሰልፊ ናይ ጽልኢ ግብረ-መልሲ እንተሃልዩ። በዚ ምኽንያት ድማ እዩ ኣብ ነፍስወከፍ ሰልፊ ፖሊስ ዝርከቡ። ፖሊስ እቲ ሰልፊ ውሑስን ሰላማዊን ከምዝኸውን የረጋግጹ። ስለዚ ንድሕነትካ እዮም ኣብኡ ዘለዉ።