ኣብ ኔዘርላንድ ፍልስጤማዊ ስደተኛ እንተድኣ ኮይንካ ነዚ ክትፈልጥ ኣለካ

ካብ ምዕራባዊ ገማግም ወይ እስራኤል ዲኻ ሃዲምካ፣ ከምኡ እውን ኣብዚ ቀረባ እዋን ኣብ ኔዘርላንድ ዑቕባ ንምርካብ ኣመልኪትካ ዲኻ? ስለዚ

ካብ ቓዛ ዲኻ ሃዲምካ፣ ከምኡ እውን ኣብዚ ቀረባ እዋን ኣብ ኔዘርላንድ ዑቕባ ንምርካብ ኣመልኪትካ ዲኻ? ስለዚ IND ብዛዕባ መስርሕ ዑቕባኻ ኣሉታዊ ውሳኔ ኣይህብን እዩ። እዚ ማለት ምስ IND ቃለ-መሕትት ክህልወካ እዩ፣ እንተኾነ ግን ኣብቲ ግዜ ናብ ቓዛ ከም እትምለስ ኣይግበርን እዩ፣ ከምኡ እውን IND ብዛዕባ መስርሕ ዑቕባኻ ውሳኔ ኣይህብን እዩ ማለት እዩ።

ምስ ህሉው ኩነታት ኲናት ቓዛ ዘራኽብ ዘይብሉ ብውልቃዊ ምኽንያታት ዑቕባ ንምርካብ ተመልክት ከም ዘለኻ ንጹር እንተድኣ ኮይኑ ግን፣ IND ብዛዕባ መስርሕ ዑቕባኻ ኣወንታዊ ውሳኔ ክህብ ይኽእል እዩ።

ኣብ ኔዘርላንድ ናይ ዑቕባ መንበሪ ፍቓድ ኣለካ ድዩ፣ ኣብ ቓዛ ንዝርከቡ ኣባላት ስድራ-ቤትካ ድማ ምጥርናፍ ስድራ-ቤት ኣመልኪትካ ዲኻ? ስለዚ መመልከቲኻ ብዝቐልጠፈ ንኽምስራሕ ክትሓትት ትኽእል ኢኻ። IND ሕጂ መጀመርታ ንመመልከቲ ኣብ ቓዛ ናይ ዝርከቡ ኣባላት ስድራ-ቤት ከመስርሕ እዩ።

ይኹን እምበር ከምዚ ዓይነት መስርሕ ክንደይ ግዜ ከም ዝወስድ ንጹር ኣይኮነን። IND ኣብ ቓዛ ዝርከቡ ስድራ-ቤትካ ናብ ኔዘርላንድ ክመጹ ከም ዝፍቀደሎም እንተድኣ ወሲኑ፣ ኣባላት ስድራ-ቤትካ ካብ ቓዛ ናብ ግብጺ ዶብ ሰጊሮም ክኸዱ ክኽእሉ ኣለዎም። ብምቕጻል ኣብኡ ካብ ግብጺ ናብ ኔዘርላንድ ንምኻድ ካብ ኤምባሲ ኔዘርላንድ መእተዊ ቪዛ ክወስዱ ኣለዎም። ካብ ግብጺ ንኽወጽኡ ድማ ካብ ሰብ-መዚ ናይ ግብጺ ፍቓድ ክረኽቡ ዘለዎም ክኾኑ ይኽእሉ እዮም።

ምጥርናፍ ስድራ-ቤት ንምምልካት፣ ናይ ኔዘርላንድ መንበሪ ፍቓድ ክህልወካ ኣለዎ። ዑቕባ ንምርካብ ኣመልኪትካ ኣለኻ ዲኻ፣ IND ድማ ንመመልከቲኻ ገና ኣየጽደቖን ድዩ? ስለዚ ንኣባላት ስድራ-ቤትካ ናይ ምጥርናፍ ስድራ-ቤት ከተመልክት ኣይትኽእልን ኢኻ።

ኣብ እስራኤል ወይ ኣብ ግዝኣታት ፍልስጤም ኣባላት ስድራ-ቤት ኣለዉኻ ድዮም፣ ከምኡ እውን ናብኡ ክትከይድ ትደልይ ዲኻ? እዚ ዳርጋ ዘይከኣልን ብመንግስቲ ኔዘርላንድ ዘይምከርን እዩ። 

ብዛዕባ ኩነትካ ዝያዳ ሓበሬታ ኣብዚ ታሕቲ ክትረክብ ኢኻ፡

ቀይሕ መስቀል ኣብ ግዝኣታት ፍልስጤም ንዝጠፍኡ ኣባላት ስድራ-ቤት ንምድላይ ክሕግዝ ይኽእል እዩ። እቲ ከባቢ ሕማቕ ተበጻሕነት ዘለዎ እዩ፣ ህጹጽ ሓገዝ ድማ ድሩት እዩ። ስለዚ ቀይሕ መስቀል ብቐጥታ ክሕግዘካ ዘይክእል ክኸውን ይኽእል እዩ።