ሕጂ IND ብዛዕባ ናይ ተር ኣፐል ቆጸራኻ መልእኽትታት SMS እውን ክሰደልካ ይኽእል እዩ

IND ኣብ ተር ኣፐል ንዝካየዱ ዝርርባት ብዝምልከት ጥራይ እዩ ዕድመታት ዝልእከልካ። እዚ ዝገብሩሉ ምኽንያት ድማ ብፖስታ ዝለኣኹ ዕድመታት ሓደ ሓደ ግዜ ስለ ዝጠፍኡ፣ ወይ ስደተኛታት መብዛሕትኡ ግዜ ብዙሕ ቦታ ስለዝቕይሩ ናብቲ ቅኑዕ ቦታ ስለዘይበጽሑ እዩ። እቲ sms ከም ዕለት፣ ቦታን ሰዓትን ዝኣመሰሉ ሓበሬታታት ናይቲ ምስ IND ዘለካ ቆጸራ ዝሓዘ እዩ። IND፣ ቅድሚ እቲ ቆጸራ ብመንገዲ sms መዘኻኸሪ እውን ክሰደልካ እዩ።

እቲ ተሌፎናዊ መልእኽቲ ‘no-reply-sms’ [መልሲ ክትህበሉ ዘይከኣል መልእኽቲ] እዩ። እዚ ማለት ምስ IND ንምርኻብ መልሲ ክትህበሉ ኣይትኽእልን ኢኻ ማለት እዩ። ስለዚ ከምኡ ምስ እትገብር ብIND ኣይንበብን እዩ።