VluchtelingenWerk ከምኡ እውን ቀይሕ መስቀል ካብ ረቡዕ 15 ሓምለ ጀሚሮም ዳግማይ ኣብ ተር ኣፐል ክህልዉ እዮም

ብመሰረት

ኣብ ተር ኣፐል ኣብ ዝርከብ ናይ ማእከል ምዝገባ ጎልጎል ድሮ ንነዊሕ እዋን ብዙሕ ወጥሪታትን ዘይውሑስ ኩነታትን ክረኣይ ጸኒሑ እዩ። ስለዚ ድማ VWN ከምኡ እውን ቀይሕ መስቀል፣ ኣብ ዝሓለፈ ዓርቢ 10 ሓምለ ነቲ ዝገብርዎ ዝነበሩ ሓገዝ ንግዚኡ ደው ከብሉ ወሲኖም። ንሳቶም ንዓኻን ንሰራሕተኛታትን ውሑስ ምስ ዝኸውን ጥራይ እዮም ሓገዝ ክህቡ ዝኽእሉ።

VWN ከምኡ እውን ቀይሕ መስቀል ኣብቲ ጎልጎል ዘይርከቡ ብሰንኪ ምዃኖም፣ ኣብቲ ቦታ ዝግበር ሓገዝ እውን ደው ኢሉ።

እዚ ማለት ድማ፡

• ድሕሪ ደጊም ኣብቲ ጎልጎል ሕቶታት ክትሓቶም ኣይትኽእልን፤

• ድሕሪ ደጊም ሓደ ሰብ ተወሳኺ ሓገዝ ዘድልዮ ምዃኑን ዘይምዃኑን ክርእዩ ኣይክእሉን፤

• ድሕሪ ደጊም ካብቲ ጎልጎል ካልእ ሓገዝ ንኽትረክብ ክሕግዙኻ ኣይክእሉን ማለት ነይሩ።

ብዝተኻእለ መጠን ውሑስ ንኽትከውን ነዞም ዝስዕቡ ነገራት ክትገብር ትኽእል ኢኻ፡

• ንብረትካ ብቐረባ ተኸታተሎ፤ ከምኡ እውን ንበይኑ ኣይትግደፎ።

• ብዝተኻእለ መጠን ምስ ስድራ-ቤትካ፣ ቤተሰብካ፣ ኣዝማድካ ወይ ካልኦት እትኣምኖም ሰባት ጽናሕ።

• ንሓድሕድኩም ተሓጋገዙ። ናይ ነንሓድሕድኩም ንብረት ተኸናኸኑ፣ ከምኡ እውን ሰራሕተኛታት ናይ COA ሰባት ኣብ ዝጽውዕሉ እዋን ነንሓድሕድኩም ንገሩ።

• ምስ ዘይትፈልጦም ሰባት ኣይትኺድ።

• ካብ COA ወይ ካልእ ወግዓዊ ውድብ ሓበሬታ ሕተት።

• እንተድኣ ሓሚምካ ወይ ውሕስነት እንተድኣ ዘይተሰሚዑካ ብቕልጡፍ ንገር።

• ባትሪ ንነዊሕ እዋን ምእንቲ ክጸንሕ፣ ተሌፎንካ ኣድላዪ ኣብ ዝኾነሉ እዋን ጥራይ ተጠቐመላ።

• ኩሉ ግዜ ኣገደስቲ ሰነዳትካ፣ ተሌፎንካን ገንዘብካን ኣብ ውሑስ ኣቐምጦም። እንተድኣ ዝከኣል ኮይኑ ኩሉ ግዜ ምሳኻ ሓዞም።

• መምርሒ ወግዓውያን ውድባት ተኸተል።

ተወሳኺ ሓገዝ ምስ ዘድልየኩም፣ ብቕልጡፍ ን

ኣብ ከምዚ ዝስዕብ ተወሳኺ ሓገዝ ከድልየካ/ኪ ይኽእል፡

• ሓሚምካ፤

• ነፍሰጾር እንተድኣ ኮይንኪ፤

• ትሕቲ 18 ዓመት ዝዕድሚኻን፣ ብዘይ ወለዲ ዝተጓዓዝካን ምስ እትኸውን፤

• ምስ ቆልዑት ዘለኻ እንተድኣ ኮይንካ፤

• ስንክልና ምስ ዝህልወካ፤

• ስነ-ኣእምሮኣዊ ጸገማት ምስ ዝህልወካ፤

• መድሃኒት ትጥቀም እንተድኣ ኮይንካ፤

• ውሕስነት እንተድኣ ዘይተሰምዓካ፤

• ብኻልእ ምኽንያት ዝያዳ ተቓላዒ ማለት ተኣፋፊ ምስ እትኸውን።

ናይ ሕክምና ወረቓቕቲ ወይ ካልእ ኣገዳሲ ሰነዳት ኣለካ ድዩ? ስለዚ ኩሉ ግዜ ምሳኻ ኣቐምጦም፣ እንተድኣ ተሓቲትካ ድማ ኣርእዮም።

ናይ ዑቕባ መመልከቲኻ ድሕሪ ምቕራብካ፣ ምስ ኣዕሩኽትኻ፣ መሓዙትካ ወይ ቤተሰብካ ክትጸንሕ ትኽእል ኢኻ። ይኹን እምበር እዚ ብናይ ገዛእ-ርእስኻ ርከሳ ማለት ሓላፍነት እዩ።

ስምካ ኣብ ዝጽዋዓሉ እዋን እንተድኣ ዘይተረኺብካ COA ተሓታቲ ኣይኮነን።

ስምካ እንተድኣ ተጸዊዑን፣ እንተድኣ ዘይተረኺብካን ስምካ MOB (Met Onbekende Bestemming vertrokken 'ናብ ዘይተፈልጠ ቦታ ከይዱ') ተባሂሉ ይምዝገብ። ብድሕሪኡ ከም ‘ዘየለኻ’ ተቖጺርካ ከም ብሓድሽ ናይ ዑቕባ መመልከቲ ከተቕርብ ክትግደድ ትኽእል ኢኻ።

ዲጂታላዊ ናይ ምኽሪ ሰዓት

ኣብ እዋን ዲጂታላዊ ምኽሪ፣ ንኹነታትካ ብዝምልከት ውልቃዊ ወይ ሕጋዊ ምኽሪ ክትረክብ ትኽእል ኢኻ።

ኣስተውዕል፡

• ነዚ ንምግባር

  V-nummer
  የድልየካ እዩ።

• ናይ ማይክሮሶፍት ቲምስ ኣፕ (Microsoft Teams-app) የድልየካ።

• ሰራሕተኛታት ናይ VWN ክሕግዙኻ ዝኽእሉ ድሮ ናይ ዑቕባ መመልከቲኻ ዘቕረብካ ምስ እትኸውን ጥራይ እዩ።