ኣገልግሎት ኢሚግሬሽንን ዜግነትን (IND)

ግዝያዊ መንበሪ ፍቓድ (MVV)

ኣባል ስድራ-ቤትካ ናብ ኔዘርላንድ ንኽመጽእ ከም ዝፍቀደሉ IND ድሕሪ ምሕባሩ፣ መብዛሕትኡ ግዜ ኣባል ስድራ-ቤትካ ነቲ MVV ቪዛ ኣብ ውሽጢ 3 ኣዋርሕ ክወስዶ ኣለዎ። እዚ ገደብ-ግዜ ሳሕቲ ናብ 6 ኣዋርሕ ክናዋሕ ይኽእል እዩ። ንኣብነት እቲ ኤምባሲ ንኽትበጽሖ ኣጸጋሚ ምስ ዝኸውን ወይ ኣባል ስድራ-ቤትካ ኣብ ካልእ ሃገር ናብ ዝርከብ ኤምባሲ ኔዘርላንድ ክጎዓዝ ዘለዎ እንተድኣ ኮይኑ።

ኣብቲ ስድራ-ቤትካ ናብ ኔዘርላንድ ንኽመጽኡ ከም ዝፍቀደሎም ዝገልጽ ናይ IND ደብዳቤ፣ ኣባል ስድራ-ቤትካ ነቲ MVV ብኸመይ ክወስዶ ከም ዝኽእል ዝገልጽ መምርሒታት እውን ተጠቒሱ ይርከብ። እቲ ውሳኔ ኣባል ስድራ-ቤትካ ብኸመይ ናብ ኔዘርላንድ ክጎዓዝ ከም ዝኽእልን፣ ኣብ ኔዘርላንድ ምስ በጽሐ ድማ እንታይ ክገብር ከም ዘለዎን ዝገልጽ መምርሒታት እውን ዝሓዘ እዩ።

ኣባል ስድራ-ቤትካ ናብ ኔዘርላንድ ድሕሪ ምምጽኡ ብዝተኻእለ መጠን ቀልጢፉ ኣብ ዘቨናር (Zevenaar) ናብ ዝርከብ ናይ IND ሰደቓ ክኸይድ ኣለዎ። ኣባል ስድራ-ቤትካ ኣብዚ መንበሪ ፍቓድ ክወስድ ይኽእል እዩ። ብዛዕባ እዚ ኣቐዲምካ ብኢንተርነት ቆጸራ ክትሕዝ ትኽእል ኢኻ። ኣባል ስድራ-ቤትካ መዓስ ናብ ኔዘርላንድ ከም ዝኣቱው ምስ ፈለጥካ ድማ ብቕልጡፍ ቆጸራ ግበር።

ከም ዓይኒ ሓቂ እቲ ምስ IND ዝግበር ቆጸራ፣ ኣብ ኔዘርላንድ ድሕሪ ምምጻእ ኣብ ውሽጢ 3 መዓልታት እዩ ክካየድ ዘለዎ። እንተኾነ ግን ኣብ IND ጻዕቂ ስራሕ ስለዘሎ ከምዚ ቀልጢፍካ ቆጸራ ክትሕዝ ዳርጋ ፈጺሙ ኣይከኣልን እዩ። ሓደ ሓደ ግዜ እቲ ቆጸራ ኣባል ወይ ኣባላት ስድራ-ቤትካ ድሕሪ ምምጽኦም ድሕሪ ሒደት ሳምንታት ጥራይ እዩ ዝካየድ። ስለዚ ድማ ኣባል ወይ ኣባላት ስድራ-ቤትካ ቅድሚ ምምጽኦም ቆጸራ ክትሕዝ ኣገዳሲ እዩ።

ገና ኣብ ናይ

ማእከላይ ኣካል መቐበሊ ሓተትቲ ዑቕባ (COA)

VluchtelingenWerk (VWN)

ኣማኻሪ የብልካን ድዩ፣ ወይ ነዚ ባዕልኻ ከተዋድዶ ዲኻ እትደልይ? ስለዚ ባዕልኻ ናብ COA ኢ-መይል ለኣኽ። ነዚ ንምግባር ነዚ ናይ ኢ-መይል ኣድራሻ ተጠቀም፡ FMMZZevenaarDuiven@coa.nl። ነቲ ኣባላት ስድራ-ቤትካ ምስ IND ዘለዎም ናይ ቆጸራ ዕለት እውን ኣብቲ ናብ COA እትልእኮ ኢ-መይል ጸሓፎ።