ቅድመ-ኩነታት ምጥርናፍ ስድራ-ቤት ምስ ወለድኻ፣ ኣሕዋትካን ኣሓትካን ወይ ልዕሊ-ዕድመ ደቅኻ

ንኣየኖት ኣባላት ስድራቤት 'ብመሰረት ዓንቀጽ 8 EVRM ምጥርናፍ ስድራ-ቤት' ከተመልክት እትኽእል ምዃንካን ዘይምዃንካን ዝምልከቱ ፍሉያት ሕግታት የለዉን። ይኹን እምበር፣ እዚ ንኽሰልጥ ዘሎ ዕድል ልዑል ወይ ትሑት ክኸውን ይኽእል እዩ።

ኣብ ከምዚ ኩነታት ብመሰረት ዓንቀጽ 8 EVRM፡ዝዓበየ ናይ ምጥርናፍ ስድራ-ቤት ዕድል ኣሎካ

• ናብ ኔዘርላንድ ከም

  ዘይተሰነየ ትሕቲ ዕድመ ወጻእተኛ (UMA)
  ከምኡ እውን ምስ ንኣሽቱ ኣሕዋትካን ኣሓትካን ክትራኸብ ትደሊ ኢኻ። ንስኻ ከም UMA መጠን ኣብ ክንዲ ወለድኻ 'ናይ ስድራቤት ምትእኽኻብ ዕቝባ ድሕሪ ጕዕዞ' ከተመልክት ትኽእል ኢኻ።

• ከም AMV ናብ ኔዘርላንድ ኣቲኻ ምስ ናበይቲ ወለድኻ ክትጥርነፍ ምስ እትደልይ።

• ልዕሊ ዕድመ እንተድኣ ኮይንካን፣ ከምኡ እውን ምስ ደቂ ደቅኻ ክትጥርነፍ እንተድኣ ደሊኻን። ንውላድካ ምጥርናፍ ስድራ-ቤት ኣመልኪትካ ኣለኻ፣ ደቂ ደቅኻ ድማ ድሕሪት ክሕደጉ ኣይከኣልን እዩ።  

• ንኣባላት ስድራ-ቤትካ ናይ ዳግመ-ውህደት ምጥርናፍ ስድራ-ቤት ከተመልክት መሰል ዘለካ ክነስኻ፣ እንተኾነ ግን ነቲ መመልከቲ ኣብ ውሽጢ 3 ኣዋርሕ ኣየቕረብካን፣ ከምኡ እውን

  ኣገልግሎት ኢሚግሬሽንን ዜግነትን (IND)
  ምድንጓይካ ብቚዕ ምኽንያት የብልካን ኢሉ ምስ ዝውስን።

ኣስተውዕል፡ IND ነዚ ናይ ምጥርናፍ ስድራ-ቤት ናይ 3 ኣዋርሕ ገደብ-ግዜ ብዝምልከት ክሳብ 1 ሰነ 2026 ተዓጻጻፊ ክኸውን እዩ።

ብመሰረት ዓንቀጽ 8 EVRM ናይ ምጥርናፍ ስድራ-ቤት ትሑት ዕድል ክህልወካ እትኽእለሉ ኩነታት፡

• ከም AMV ናብ ኔዘርላንድ ዝ ኣተኻ እንተድኣ ኮይንካን፣ ምስ ልዕሊ ዕድመ ኣሕዋትካ ክትጥርነፍ ምስ እትደልይን (ንወለድኻ ናይ ዳግመ-ውህደት ምጥርናፍ ስድራ-ቤት ከተመልክተሎም ትኽእል ኢኻ)። 

• በጽሒ ማለት ልዕሊ ዕድመ (18+) ኮይንካ ናብ ኔዘርላንድ እንተድኣ ኣቲኻን፣ ምስ ወለድኻን ኣሕዋትካን ክትጥርነፍ ምስ እትደልይን። ከም ንእሽቶ በጽሒ ውላድ መጠን፣ ኣብ ወለድኻ ጽግዕተኛ ምስ እትኸውን። 

• በጽሒ ማለት ልዕሊ ዕድመ ኮይንካ ናብ ኔዘርላንድ እንተድኣ ኣቲኻን፣ ምስ ዝሓመመ ወላዲ ክትጥርነፍ ምስ እትደልይን። ወላዲኻ ብፍላይ ኣባኻ ጽግዕተኛ ምዃኑ ብመርትዖ ከተረይ ትኽእል ኢኻ። 

• በጽሒ ማለት ልዕሊ ዕድመ (18+) ኮይንካ ናብ ኔዘርላንድ እንተድኣ ኣቲኻን፣ ካልእ ክከናኸኖም ዝኽእል ሰብ ምስ ዘይብሎም ካልኦት ብፍላይ ጽግዕተኛታት ዝኾኑ ኣባላት ስድራ-ቤት ዳግም ክትጥርነፍ ምስ እትደልይን። 

IND ምስ ኣባል ስድራ-ቤትካ ዘለካ ርክብ ከም 'ክሕሎ ዘለዎ ስድራ-ቤታዊ ህይወት' ገይሩ ክቖጽሮ ኣገዳሲ እዩ። ስለዚ IND ምስዚ ኣባል ስድራ-ቤት ዘለካ ዝምድና ክምርምር እዩ። ብተወሳኺ IND እቲ ኣባል ስድራ-ቤት ናብ ኔዘርላንድ ንምምጻእ ዘለዎ ኣገዳስነት፣ ካብቲ ኔዘርላንድ ንመመልከቲታት ምጥርናፍ ስድራ-ቤት ብጥብቂ ንምሓዝ ዘለዋ ረብሓ ዝዓቢ ምዃኑን ዘይምዃኑን እውን ክግምግም እዩ።