1
2
3
4
5
6
Laga soo xigtay: Shutterstock, Dutchmen Photography
Qodob

Waxaad magangalyo ka codsan kartaa garoon diyaaradeed ama dekeda

marka ugu dambeeyey la cusbooneysiiyey: 7/21/2026, 19:34

Ma ku timid Nederland garoonka Diyaaradaha ee Schiphol, garoon diyaaradeed kale ama deked? Oo ma doonaysaa inaad magangelyo ka codsato Nederlaan, laakiin Nederlaanma soo geli kartid? Ka dib u wargeli Militariga Boqortooyada (Kmar) una sheeg inaad rabto inaad magangalyo ka codsato Nederland.

Iska sheeg Militariga Boqortooyada

wuxuu ka shaqeeyaa garoomada diyaaradaha iyo dekedaha. Tusaale ahaan, Schiphol. KMar wuxuu hubiyaa cidda loo ogol yahay inay soo gasho Nederlaand.

Kadib marka aad iska xaadiriso (Kmar), waxay diiwaan galin doonaan codsigaga magangalyada. Waxay ku weydiinayaan warbixintaada soo socda:

  • Magacaaga, taariikh dhalashadaada iyo jinsiyadada

  • Sawir kaaga ah

  • Farahaaga astaantooda

  • (KMar) waxay baari kartaa dharkaaga iyo boorsooyinkaaga. Tani waa si loo xaqiijiyo aqoonsigaaga, si loo helo dukumentiyo muhiim u ah codsigaaga magangalyada, ama sababo ammaan awgood. Mararka qaarkood dukumeentiyadaada ama alaabtaada si ku meel gaar ah ayaa loo hayaa. Had iyo jeer weydii sababta ay tani u dhacayso oo codso caddayn qoran haddii KMar ay kaa qaadato dukumentiyada ama alaabtaada. Warqaddan ammaan u hayso. Waxaad dib u soo ceshan kartaa alaabtan hadhow adoo isticmaalaya warqadda caddayn ahaan. Waxa ku jira taleefankaaga, laptop-kaaga, ama tablet-kaaga lama baari karo iyada oo aan ogolaansho laga helin KMar. Haddii lagu weydiiyo inaad wareejiso taleefankaaga, laptop-kaaga, ama tablet-kaaga, weydii haddii lagaa rabo inaad sidaas sameyso. Sidoo kale, weydii haddii aad marka hore la hadli karto qareenkaaga ama VluchtelingenWerk

  • KMar waxey ku weydiinayaan su'aalo jidka safarkaaga, haddii aad sidoo kale hore waddan kale magangelyo uga weydiisatay Nederlaan ama waddan kale oo Yurub ah iyo haddii halka wax reerkaaga ah ay kuu joogaan.

Ka dib markii uu KMar kaa aruuriyo macluumaadkan oo dhan, waxaad saxiixday codsigaaga magangalyo. Tani waxaa lagu magacaabaa foomka M35H. Hadda waxaad si rasmi ah magangalyo uga codsatay Nederlaan.

Waxaad mareysaa dacwad magangelyo gaar ah maadaama aad magangelyo ka weydiisaneyso xaduudka Nederlaan

Ka dib diiwaangelintaada,

badanaa waxay ku qiimeysaa codsigaaga magangalyada 'nidaamka xuduudaha'. Nidaamkani wuxuu u furan yahay dadka codsanaya magangalyada marka ay yimaadaan garoonka diyaaradaha ama dekedda

Nidaamka xuduuduhu wuu ka duwan yahay kan Nederland ku yimid dhulka. Ma waxaad isk dhiibeysaa Ter Apel? Markaas IND waxay go'aamin doontaa in codsigaagu uu hoos yimaado nidaamka magangalyada caadiga ah,

ama hab kale. Ma waxaad magangalyo ka codsanaysaa xadka? Kadib IND waxay go'aamin doontaa in codsigaaga magangalyada lagu baaraandegaayo habka xuduudaha



ayaa hadda qiimeyn doona codsigaaga magangalyada. Waxay tan ku sameeyaan 'nidaamka xuduudaha'. Kani waa magaca nidaamka magangalyada ee xadka haddii aad Nederland ku timid diyaarad ama xagga badda. Tani waa nidaam ka duwan haddii aad Nederlaan ku timid xagga dhulka. Haddii aad Nederlaan ku timaad dhinaca dhulka, waxaad raaci doontaa dacwad caadi ah. Tani waxa markaa loo yaqaan 'Nidaamka Magangalyada Guud'

Ma ka yar tahay 18 jir oo ma timid Nederlaan kaligaa? Markaa ma geli doontid dacwad xaduudka. Sidoo kale caadiyan kuma geli doontid nidaamkan magangelyo ee Schiphol haddii aad Nederland la timid qoyskaaga oo wadatid carruur ka yar 18 sano. Lagumana dari doono dacwada xuduudka haddii IND ay u malaynayso inaad tahay qof dhibaateysan oo aan ka baaraandegi karin codsigaaga magangalyada dacwada xuduudka. Tani waxay noqon kartaa haddii aad qabto dhibaatooyin maskaxeed ama aad ahayd dhibane kufsi (galmo). Xaaladahan waxaad heli doontaa nidaamka magangalyada guud waxaana lagu geyn doonaa xarunta diiwaangelinta ee Ter Apel

Habka xaduudaha wuu ka duwan yahay habka Ter Apel

Inta lagu jiro nidaamka xuduudaha, badanaa waxaad joogtaa goob soo dhawayn oo xiran. Schiphol, kani badanaa waa Xarunta Garsoorka ee Schiphol (JCS). Looma ogola inaad kaligaa ka baxdo goobtan. Tani waa sababta oo ah weli ma helin ogolaansho aad ku gasho Nederland

Habka xuduuduhu waa ka dhakhso badan yahay habka magangalyada caadiga ah. IND waa inay go'aan ka gaarto codsigaaga magangalyada 5 toddobaad gudahood

IND ma diiday codsigaaga? Markaa waxaad haysataa 1 toddobaad oo aad racfaan ka qaadato. Maxkamaddu waxay markaa haysataa 6 toddobaad si ay go'aan uga gaarto racfaankaaga. Haddii aad racfaan qaadato, habka xuduudda wuxuu qaataa ugu badnaan 12 toddobaad

Xadka waqtigan waa qasab. Haddii IND aysan go'aan ka gaarin 5 toddobaad gudahood, nidaamka xuduudda waa inuu joogsadaa. Markaa uma baahnid inaad sii joogto goobta soo dhawaynta ee xiran. Codsigaaga magangalyada waxaa si dheeraad ah loogu sii wadi doonaa hab kale oo magangelyo

Habka xaduuda waa sidoo kale inuu joogsadaa haddii maxkamada ay 6 wiig gudahooda uga soo jawaabto racfaankaaga.

Habka xaduudka dhaqso ayuu u dhici karaa

Habka xuduuduhu wuu ka dhakhso badan yahay habka magangalyada caadiga ah. Sidaa darteed, waa muhiim inaad si dhow u fiiro gaar ah u yeelato waraaqaha aad hesho oo aad si dhakhso ah u codsato caawimo haddii aadan wax fahmin

Waxaa laguu xilsaari doonaa qareen laga bilaabo bilowga nidaamka xuduudaha. Kala hadal qareenkaaga ama VluchtelingenWerk wixii su'aalo ah ee ku saabsan nidaamkaaga sida ugu dhakhsaha badan

Warbixintan wax ma kugu caawisay?