Wxaad heleysaa lawyer ama qareen oo waxaad isu diyaarineysaa wareysigaaga IND

Habka xuduudaha, waxaa laguu xilsaarayaa qareen laga bilaabo bilowga. Qareenkaagu wuxuu bixiyaa talo sharci oo shaqsiyeed oo ku saabsan codsigaaga magangalyada

Kala hadal qareenkaaga waxa muhiimka u ah codsigaaga. Sidoo kale u sheeg qareenkaaga haddii aadan wax fahmin ama haddii aad qabtid su'aalo ku saabsan habka xuduudaha

Inta lagu jiro wareysigaaga Hay'adda Socdaalka iyo Jinsiyadda (IND), waxaad sharraxaysaa sababta aad u codsanayso magangalyo. Waxaad sidoo kale sharraxaysaa sababta ay khatar ugu tahay inaad ku laabato waddankaagii asalka ahaa

Si fiican ugu diyaar garow wadahadalkan aad la yeelanayso qareenkaaga. Qareenkaagu wuxuu sharxi karaa waxa muhiimka ah ee la sheego iyo dukumentiyada ku caawin kara.

Waxay kaa caawin kartaa inaad naftaada u qorto dhibaatadaada duulimaadka. Qor wixii dhacay iyo sida ay u kala horreeyaan. Tusaale ahaan, qor

• Maxaad uga tagtay waddankaagii;

• Maxaa adiga shaqsi ahaan kugu dhacay;

• Waxa aad ka baqayso haddii aad dib ugu laabato;

• Cida ama waxa ku handadaaya

• Haddii aad ka raadsatay caawimo waddankaaga;

• Maxaad halkaasi ugu nabad geli weysey

• Sida aad Nederlaan ugu soo safartay/timid.

Sidoo kale qor magacyada, meelaha, iyo taariikhaha haddii aad taqaan. Ma taqaanid taariikhda saxda ah? Daacad ka noqo. Kala hadal sheekadaada qareenkaaga. Sidoo kale weydii qareenkaaga waxaad qaadan karto iyo waxa aan loo ogolayn inaad u qaadato wareysigaaga IND

Dukumentiyadu waxay kaa caawin karaan inaad sheekadaada ka dhigto mid cad. Soo ururi dukumentiyo muhiim u ah codsigaaga magangalyada. Tusaale ahaan, tixgeli

• Baasaboorkaaga ama cadeynta aqoonsigaaga;

• Dukumentiyada ku saabsan safarkaaga;

• Dukumentiyada ku saabsan reerkaaga;

• Dokumentiyada ku saabsan handadaad ama rabshado;

• Dokumentiyada caafimaadka ah;

• Sawiro ama farriimo ama cadeymo kale oo arrintaada taageeraaya

Ma heysatid dokumentiyo? Markaa u sheeg lawyarkaaga iyo IND sababta aadan u heysanin dokumentiyo.

Mar mar waxaad u baahan tahay taageero dheeraad inta lagu jiro nidaamka magangelyada. Tusaale ahaan, caafimaadkaaga awgiis, dhaawaca, uurka, naafonimo ama arrimaha caafimaad ee dhimirka

Ugu sheeg sida ugu dhaqsaha badan lawyarkaaga. waxaad kaloo u sheegi kartaa VluchtelingenWerk ama IND.

Markaa waxaan go'aamin karnaa taageerada aad u baahan tahay inta lagu jiro wareysigaaga iyo inta ka dhiman hawsha

Habka xuduuduhu wuu ka dhakhso badan yahay habka magangalyada caadiga ah. Sidaa darteed, waa muhiim inaad si dhakhso ah u codsato caawimo haddii aadan wax fahmin

Ma qabtaa su'aalo ku saabsan wareysigaaga, dukumeentiyadaada, ama joogitaankaaga inta lagu jiro nidaamka xuduudaha? Haddii ay sidaas tahay, kala hadal qareenkaaga ama VluchtelingenWerk sida ugu dhakhsaha badan