ናብታ ናይ ዑቕባ ሕቶኻ ሓላፍነት እትስከም ሃገር ኤውሮጳ ትምለስ

ናብታ ዘመልከትካዮ ዑቕባ ከተመስርሖ ዘለዋ ሃገር ኣብ እትገብሮ ጉዕዞ ሓገዝ ክትረክብ ኢኻ። እዚ ጉዕዞ ‘ምትሕልላፍ’ ይበሃል። እታ ካልእ ሃገር ንዘመልከትካዮ ዑቕባ ንኸተመስርሖ እንተድኣ ተቐቢላቶ፣ እዚ ኣብ ውሽጢ 6 ኣዋርሕ ክግበር ኣለዎ።  

ናብታ ካልእ ኤውሮጳዊት ሃገር ብ3 ኣገባባት ክትጎዓዝ ትኽእል ኢኻ፡ 

1. ባዕልኻ ክትምለስ ትኽእል። እዚ ትደልይ እንተድኣ ኮይንካ፣ ምስ

   ኣገልግሎት ምምላስን ምብጋስን (DT&V)
   ርክብ ክትገብር ትኽእል ኢኻ። 

2. ሓደ ንመንግስቲ ኔዘርላንድ ዝሰርሕ ሰብ ይመልሰካ። እዚ ዝኸውን ብወለንታኻ እንተድኣ ዘይከድካ እዩ።

3. ሓደ ንመንግስቲ እታ ካልእ ኤውሮጳዊት ሃገር ዝሰርሕ ሰብ ንኽመልሰካ ይወስደካ። እዚ ዝኸውን ብወለንታኻ እንተድኣ ዘይከድካ እዩ።

ክሳብ ናብታ ናይ ዑቕባ ሕቶኻ እተመስርሖ ሃገር ትምለስ፣ ኣብ ኔዘርላንድ ናይ መዕቆቢ መሰል ኣለካ።