ስለምንታይ ኣብ ገሊአን ከተማታት ኔዘርላንድ ቀጻሊ ብዙሕ ቋንቋ እንግሊዝ ትሰምዕ?

ኣብ ዕለት 1 ጥሪ 2026 ካብ ኔዘርላንድ ወጻኢ ዝተወልዱ ልዕሊ 3.1 ሚልዮን ሰባት ኣብ ኔዘርላንድ ይነብሩ ነይሮም። እዚ ድማ ኣስታት 17 ሚእታዊት ካብ ህዝቢ እዩ። ብዙሕ ዝተፈላለየ ድሕረ-ባይታ ዘለዎም ሰባት ብፍላይ ኣብ ዓበይቲ ከተማታት ይነብሩ።

ኩሎም ቋንቋ ኔዘርላንድ ወይ ሓደ ዓይነት

ኣህጉራውያን ተምሃሮ እውን ተራ ኣለዎም። ኣብ ዓመተ-ትምህርቲ 2025-2026 ኣብ ኔዘርላንድ ኣብ ዝርከቡ

ከም ውጽኢቱ ድማ ብፍላይ ኣብ ከተማታት ተማሃሮ ዝተፈላለዩ ቋንቋታትን እንግሊዝኛን ከም ናይ ሓባር መረዳድኢ ቋንቋ ትሰምዕ።

ስለዚ ቋንቋ እንግሊዝ፣ ካብ ዓዲ እንግሊዝ ወይ ኣሜሪካ ምስ ዝመጽኡ ሰባት ንምዝርራብ ጥራይ ኣይኮነን ኣብ ጥቕሚ ዝውዕል። ካብ ዝተፈላለያ ሃገራት ዝመጽ ሰባት ምስ ነንሓድሕዶም ዝረዳድኡሉ ቋንቋ እውን እዩ።

ቋንቋ ኔዘርላንድ ካብ ኔዘርላንድ ወጻኢ እውን ይዝረብ እዩ፣ ብኣህጉራዊ ደረጃ ግን ንኣብነት ካብ ቋንቋ እንግሊዝ፣ ፈረንሳ ወይ ስጳኛ ኣዝዩ ዝወሓደ እዩ። ስለዚ መብዛሕትኡ ግዜ ኔዘርላንዳውያን ኣብ ካልኦት ሃገራት ዝርከቡ ሰባት ቋንቋ ኔዘርላንድ ክዛረቡ ክጽበዩ ኣይክእሉን እዮም።

ኔዘርላንድ ንዘመናት ምስ ካልኦት ክፋላት ዓለም ሰፊሕ ርክብ ነይርዋ። ካብ መበል 17 ክፍለ ዘመን ጀሚሩ ኣህጉራዊ ንግዲ ሓያል ዕቤት እናገበረ ብምምጽኡ፣ ኔዘርላንድ እውን መግዛእታዊት ሃገር ኮነት። ኔዘርላንድ ኣብ ልዕሊ ካልኦት ግዝኣታትን ኣብኡ ዝነብር ህዝብን ምልኪ ዝነበራ ሃገር እያ ነይራ።

ኣብ ዝተፈላለያ ግዝኣታት ኔዘርላንድ፣ ቋንቋ ኔዘርላንድ ናይ ምሉእ ህዝቢ ናይ ሓባር ቋንቋ ኣይኮነን። ንኣብነት ኣብ ምብራቕ ኢንዲስ ኔዘርላንድ፣ ሕጂ ኢንዶነዥያ ተባሂላ እትጽዋዕ ሃገር፣ እቲ ቋንቋ ምስ መግዛእታዊ ምምሕዳር፣ ትምህርትን ዝተወሰኑ ጉጅለታት ሕብረተሰብን ጥራይ ዝተኣሳሰር ኮይኑ ጸንሐ።

ስለዚ ንኔዘርላንድ ካልኦት ቋንቋታት ንኣህጉራዊ ርክባት ኣገደስቲ ኮይኖም ቀጺሎም። ብፍላይ ኣብ መበል 20 ክፍለ ዘመን እንግሊዛውያን ነዚ ተራ እዚ ብዝያዳ ይሕዙ ነበሩ። ቋንቋ እንግሊዝ ኣብ መላእ ዓለም ኣብ ንግዲ፣ ስነ-ፍልጠት፣ ቴክኖሎጂ፣ ከምኡ እውን ኣብ ህዝባዊ ባህሊ ኣገዳሲ ኾነ።

ቋንቋ እንግሊዝ ኣብ መባእታዊ ቤት-ትምህርቲ ግዴታዊ ትምህርቲ እዩ። ተማሃሮ ኣብ ካልኣይ ደረጃ ትምህርቲ እውን ትምህርቲ ቋንቋ እንግሊዝ ይረኽቡ።

እንተኾነ ግን ኔዘርላንዳውያን ኣብ ቤት-ትምህርቲ ቋንቋ እንግሊዝኛ ጥራይ ኣይኮኑን ዝመሃሩ። ብቋንቋ እንግሊዝ ዝስርሑ ፊልምታትን ተኸታተልቲ ፊልምታትን፣ መብዛሕትኡ ግዜ ብቋንቋ ኔዘርላንድ ዝዝረቡ ኣይኮኑን። ሰባት ነቲ መበቆላዊ ድምጺ ቋንቋ እንግሊዝ እዮም ዝሰምዑ፣ ከምኡ እውን መብዛሕትኡ ግዜ ንኡስ ኣርእስቲ ብቋንቋ ኔዘርላንድ የንብቡ።

ብዙሓት ኔዘርላንዳውያን ካብ ንእስነቶም ኣትሒዞም እውን ብሙዚቃ፣ ጸወታ፣ ዩቱብን ማሕበራዊ መራኸቢታትን ምስ ቋንቋ እንግሊዝ ይራኸቡ።

ኔዘርላንድ ኣብ ኣህጉራዊ መጽናዕትታት ብቕዓት ቋንቋ እንግሊዝ ልዑል ነጥቢ እያ እትረክብ። ከም ውጽኢቱ ድማ ቋንቋ እንግሊዝ ንብዙሓት ኔዘርላንዳውያን ሓደ ሰብ ቋንቋ ኔዘርላንድ ዘይዛረብ ምስ ዝኸውን ብቐሊሉ ክጥቀሙሉ ዝኽእሉ ቋንቋ እዩ።

ኔዘርላንዳውያን ሓደ ሓደ ግዜ ምስ ነንሓድሕዶም እውን ቋንቋ ኔርዘላንድ ክዛረቡ እንከለዉ፣ ናይ ቋንቋ እንግሊዝ ቃላት ወይ ሓረጋት ይጥቀሙ። ብፍላይ መንእሰያት ኣብ ማሕበራዊ መራኸቢታት፣ ጸወታታት፣ ሙዚቃን ፊልምታትን ብዙሕ ግዜ ቋንቋ እንግሊዝ የጋጥሞም።

እዚ ከምዚ ኢሉ እናሃለወ፣ ንነዊሕ እዋን ኣብ ኔዘርላንድ ትነብር እንተድኣ ኮይንካ፣ ቋንቋ ኔዘርላንድ ኣገዳሲ ኮይኑ ይቕጽል። ቋንቋ ኔዘርላንድ ንብዙሕ ስራሕን መደባት ትምህርቲን ኣገዳሲ ወይ ኣድላዪ እዩ። እቲ ቋንቋ ንኣብነት ምስ መሳርሕትኻ፣ ጎረባብትኻን ቤት-ትምህርቲ ናይ ውላድካን ኣብ ምርኻብ እውን ይሕግዝ።

ሓደ ሓደ ግዜ ቋንቋ ኔዘርላንድ ክትዛረብ ትፍትን፣ እንተኾነ ግን ሓደ ሰብ ብኡንብኡ ብቋንቋ እንግሊዝ ይምልስ። መብዛሕትኡ ግዜ እቲ ሰብ እቲ ዕላል ቀሊል ንክኾነልካ እዩ ከምኡ ዝገብር። ቋንቋ ኔዘርላንድ ክትለማመድ ትደሊ ዲኻ? ስለዚ ከምዚ ክትብል ትኽእል ኢኻ፡

"Kunnen we Nederlands praten? Ik wil graag oefenen." ማለት "ቋንቋ ኔዘርላንድ ክንዛረብ ንኽእል 'ዶ? ክለማመድ ይልደይ እየ።"